Jirimiạ 1:11 - সান্তালী বাইবেল

¹¹ Ona tayom Probhu Isor doe kulikedeńạ, “E Jirimiạ, am do cetʼem ńeleda?” Ińiń roṛ ruạṛadea, “Iń do badam dare reakʼ mitʼṭen ḍạriń ńel ńameda.”

Jirimiạ 1:11 Referans Kwoze

Amos 7:8

Uni doe metadińạ, “Amos, cetʼem ńeleda?” Ińiń roṛ ruạṛadea, “Mitʼṭecʼ sạhul baber.” Unre Probhu Isore menkeda, “Ińren hoṛ Israelko talare iń do mitʼṭecʼ sạhul baber iń dohoyeda; onko do ar bạń dayawakoa.

Amos 8:2

Uni doe kulikedińa, “Amos, am do cetʼem ńeleda? Iń doń roṛ ruạṛkeda, “Mitʼ ḍạlicʼ jo.” Unre Probhu Isor do ińe metadińạ, “Ińren hoṛ Israelakʼ okte do caba hecʼakana; iń do ar bạń sa paromkoa.

Sakariạ 5:2

Uni doe metadińa, “Am do cetʼem ńeleda?” Iń doń roṛ ruạṛkeda, “Iń do bargel moka jeleń ar gel moka osar mitʼṭecʼ uḍạukʼkan puthiń ńeleda.”

Sakariạ 4:2

Uni doe metadińa, “Am do cetʼem ńeleda?” Ińiń roṛ ruạṛadea, “Iń do mitʼṭecʼ sona reakʼ diuhe dohowakʼ iń ńeletʼkana ar ona reakʼ bohokʼre do mitʼṭecʼ sunum reakʼ cukạkʼge. Ona diuhe dohowakʼ cetanre eae goṭecʼ diuhe ar mimitʼ goṭecʼ diuhere eae goṭecʼkate sultạ dohoy reakʼ jaega menakʼa.

Jirimiạ 24:3

Probhu Isor do ińe kulikedińa, “E Jirimiạ, cetʼ em ńeleda?” Iń doń roṛ ruạṛadea, “Loa jo; mońjakʼ do ạḍige mońj, menkhan bạṛicʼakʼ do nunạkʼge bạṛicʼ, one okoehõ ohoko jomdaṛele.”

Numeri 17:8

Ar dosar hilokʼ Mose do goha tạmbuteye boloyen khan Liwi khũṭrenko dohoakatʼ ṭheṅgako modre eken Aronakʼ ṭheṅgare bhoṭokʼ sagen akan, baha akan ar badam jo hõ bele akane ńelkeda.

Jeheskel 7:10

“Ńelpe, din do hecʼena! Ona do seṭerakana! Sorbonas do oḍokʼ hecʼakana, ṭheṅgare baha bhoṭokʼ akana, bạḍại reakʼ baha do saṛ akana.

Genesis 30:37

Tayomte Jakob do pea eṭakʼ eṭakʼ dare reakʼ berel ḍạre hataokeda ar ona ḍạr reakʼ chal jaega jaegareye chaḍaokeda. Onate ona do ponḍge ńelena.

Jesaea 55:11

onkage ińakʼ moca khon oḍokokʼkan katha do hoyokʼgea, iń ṭhen ona do ạuṛiyakʼ baṅ ruạṛ hijukʼa. Menkhan okaṭakʼ iń moneakatʼ onageye kạmiya, ar okaṭakʼ lạgitʼ iń kolletʼ onageye jo baha ocoya.

Jeheskel 12:25

Unre iń Probhu Isor okaṭakʼ iń roṛ onage purạukʼa, ar baṅ bilomokʼa. E huhulkan jạtrenko, iń okań roṛetʼ ona do apeakʼ okteregeń purạu ocoya. Iń Probhu Isorge noa katha doń meneda.’ ”

Jeheskel 12:28

Onate onkom metakoa, Probhu Isore menetʼ kana, ‘ińakʼ jãhãn kathage purạukʼ do baṅ bilomokʼa; iń okań men ona doń hoeocoygea. Iń Probhu Isorge noa katha doń meneda.’ ”