Jirimiạ 1:10 - সান্তালী বাইবেল

¹⁰ Ńelme, totʼ giḍikakʼ ar rạputʼ giḍikakʼ, jarkharokʼ ar marao giḍikakʼ, benao rakapʼ ar bạisạukakʼ lạgitʼge teheń iń do jạtrenko ar rajosṭiko cetanreń dohoketʼmea.”

Jirimiạ 1:10 Referans Kwoze

Jirimiạ 31:28

Cetʼleka onkoń or totʼko, ariń rạputʼ giḍiko ariń lebda giḍikako ar onko cetanre ḍahao marao ar muhin ạgui reakʼ nońjoriń doholetʼ onkage onko benao rakapʼko ar cara leka rohoe aroko secʼhõ nońjoriń dohoyeda.

Jeheskel 36:36

Unre ape beṛhaete jiwetʼ tahen jạt jạtrenko baḍae daṛeakʼa, iń Probhu Isorge dhaṅ dhaserakʼko arhõń benao aro akada ar ujạṛakʼ ṭhạ̃ikore arhõ darekoń rohoe akada. Iń Probhu Isorge noa katha doń menakada ar ińge onań onkaea.’ ”

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Amos 9:11

Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Sakariạ 1:6

Menkhan iń do ińren gutiko, metakʼme nạbiko okań hukumatʼko tahẽkan, ińakʼ onako katha ar niạm lekate aperen hapṛamko do cetʼ sạjại bako ńamleda? Unre onko do mon ạcurkateko menleda, sanam daṛeanicʼ Probhu Isor do onkoakʼ ạri cạli ar hewa lekate onko lạgitʼ okae ṭhik doholetʼ onageye kạmi akada.’ ”

Jeheskel 32:18

“E manwa hopon, Misorren hoṛko lạgitʼ homor halaṅpe ar okoe Seolteko pheḍ calakʼkan onko sãote uni ar eṭakʼ daṛean jạtkoren hoṛko hõ dhạrti reakʼ khandṛaṅte kolkakome.

Jeheskel 43:3

Noa dorson ńelkate iń doń ombakʼena; ar nagraha maraokʼ reakʼ oka dorson Kebar gaḍa aṛereń ńelletʼ noa dorson do ona lekage tahẽkana.

1 Rapajko 19:17

Ar Hasayelakʼ tarwaṛe khon jãhãegeko paskaokʼ onko do Jehu hoteteko gujukʼa ar Jehuwakʼ tarwaṛe khon okoeko paskaokʼ onko do Elisa hoteteko gujukʼa.

1 Rapajko 17:1

Gilead reakʼ Tisbe atoren Eliạ do Ahabe metadea, “Iń okoeyiń sewawaekan Israelren uni jiwetʼ Probhu Isorre kiriạkateń meneda, iń ạuriń men hạbicʼ darakan bochorkore sisir hõ baṅ ńurokʼa, ar dakʼ hõ bae daga.”

Jirimiạ 1:5

“Eṅgamakʼ kukhire ạuriyem gaṛhaokʼrege iń do amiń bachao akatʼmea. Ar amakʼ janam ạurirege iń do amiń begar doho akatʼmea ar jạtrenko ṭhen nạbi lekateń dohoakatʼmea.”

Jirimiạ 25:13

Iń do onako sanam disạm upạrte okako kathań roṛletʼ okaṭakʼ do noa puthire ol menakʼ, metakʼme sanam jạtrenko upạrte Jirimiạ nạbi oka kathae nạbiyakatʼ ona disạmre iń do onakoń paṛao ocoya.

Jirimiạ 31:40

Goṭa buru lodam one okare mạ̃ṛĩ ar torocʼko giḍikakʼ ar purub secʼ sadom phaṭok reakʼ konac hạbicʼ Kedron buru lodam reakʼ sanam bilạn ṭạnḍiko ona do Probhu Isor ńutumte begar dohokakʼ hoyokʼa. Ar nagraha do tishõ baṅ rạputʼ giḍikʼa se baṅ dhaṅdhaserokʼa.”

Jirimiạ 36:2

“Am do guṛhạ akatʼ mitʼṭecʼ puthi hataome ar Josiạwakʼ rajokʼ okte khon ehopʼkate teheń hạbicʼ Israel, Jihudạ ar eṭakʼ eṭakʼ jạtrenko reaṅ okaṭakʼ kathań lạiyatʼme tahẽkan onako joto do onare olme.

Jirimiạ 44:27

Onkoakʼ bhạlại lạgitʼ do baṅ menkhan bạṛicʼ lạgitʼte onko cetanre kheyaliń dohoyeda; Misorreko girobasokʼ kan Jihudiko do lạṛhại ar akalteko marao utạrokʼa.

Jirimiạ 45:4

“Probhu Isor do niạ katha am lạiyam lạgitʼe metadińa, ‘iń Probhu Isor do goṭa disạm talare okaṭakʼ iń benaoakatʼ ona doń rạputʼ dhaṅ dhasera ar okań rohoe akatʼ ona doń or totʼ giḍikakʼa.

Jeheskel 21:19

“E manwa hopon, Babel rajakʼ tarwaṛe calakʼ lạgitʼ barea horre cinhạ dohoyme, ona banar horge mitʼ disạm khon oḍok hijukʼa. Ar okare hor hạṭińente nagraha secʼ senakan onḍe do hor udug reakʼ khunṭi bidme.

Jeheskel 23:36

Inạ tayom Probhu Isor do ińe metadińạ, “E manwa hopon, am do cetʼ Ohola ar Oholiba tạkin bicạrkin lạgitʼem sapṛaogea? Enḍekhan unkinakʼ hirkhạwanakʼ kạmiko reakʼ katha baṛe baḍae ocokinme.

Hosea 6:5

Ona iạte ińren nạbiko hotete ape doń getʼ khanḍa khunḍi akatʼpea, ińakʼ moca reakʼ kathateń gocʼakatʼpea; ińakʼ bicạr reakʼ ray do ape cetanre bijli leka malkao rakapʼ akana.

Sosolhayic̕ 3:3

gujukʼ lạgitʼ okte ar bogekʼ lạgitʼ okte, rạputʼ giḍikakʼ lạgitʼ okte ar benao lạgitʼ okte,