Jesaea 9:5 - সান্তালী বাইবেল

⁵ Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Jesaea 9:5 Referans Kwoze

Mathae 3:11

Monpe ạcurakatʼte dakʼteń bạptisetʼpea, menkhan iń tayomte okoeye daraekan uni do iń khon hõe maraṅgea. Iń do uniyakʼ panahi teweńtae lek hõń baṅkana. Uni do sonot Jiu ar seṅgelteye bạptispea.

Nạhum 3:2

Ańjomme, cạbuk do sapaṭ sapaṭ ar pạ̃ihạ̃ko reakʼ saḍe do ghaṛ ghaṛaokʼkana; sadomko doko don idiyeda; ar rãt gạḍiko do bin sambṛaokʼ leka calakʼ kana;

Joel 2:5

Rãt gạḍi reakʼ sabad leka, lanḍha jolokʼkan seṅgel reakʼ saḍe leka onko do buru cetanteko don hijukʼa. Onko do lạṛhại lạgitʼ sajao akan mitʼ dol daṛean lạṛhại phạdko lekage.

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

Aposkạmi 2:19

Iń do coṭ sermare hahaṛawakʼ ghoṭnakoń uduga, ar dhạrtire hõ ạḍi lekan cinhạkoń hoeocoya; metakʼme mãyãm, seṅgel ar aema dhuạ̃koń ńel ocoya.

Jesaea 4:4

Probhu Isor do acʼren Jiu hotete seṅgelte dhorom reakʼe bicạrkote Sionren maejiukoakʼ mạilạkoe ạrupʼ saphaetakoa ar Jerusalem khon mãyãm reakʼ dage sạṅgiń giḍikakʼa.

1 Samuel 14:19

Sạul do tinre naeke sãoteye galmaraokan tahẽkana unre Philisṭikoakʼ ḍerare gulmal hoyokʼ ańjomena ar ḍher idikʼtege tahẽyena. Onate Sạul do naekeye metadea, “Tahẽ ocoge, baṅ lagaokʼa.”

Levitikus 3:16

Naeke do noako samaṅokʼakʼ jomakʼ lekate pinḍ cetanreye jereda. Noa do seṅgelteakʼ mitʼṭen samaṅokʼakʼ kana, one ona reakʼ jut so Probhu Isor doe kusiyakʼkan. Ar samaṅ akade janwarakʼ itil do jotoge Probhu Isorakʼ kana.

Levitikus 3:11

Naeke do noako samaṅokʼakʼ reakʼ jomakʼ mente pinḍreye jereda. Noa do Probhu Isor ńutumte seṅgelteakʼ jeredokʼ samaṅokʼakʼ kana.

Aposkạmi 2:3

Ar celakoko ńelkeda seṅgel reakʼ alaṅ leka cetʼ coṅ hạṭińokʼkana ar onako do hoṛo hoṛo apʼatʼkoa.

Jirimiạ 47:3

Onko do bandhaṛ sadomkoakʼ khurạ reakʼ kaṭapʼ kaṭapʼ saḍe, bạirikoakʼ rãt gạḍiko reakʼ huḍ huḍạukʼ saḍe ar pạ̃ihạ̃ko reakʼ giṛgiṛ saḍeko ańjoma. Unre baba do akoren hoponko goṛowako lạgitʼ bako ruạṛa; onkoakʼ ti do lạbṛugokʼtakoa.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Jesaea 13:4

Ańjompe, buru boṭkocʼ cetanre ḍher hoṛkoakʼ sabadge ańjomokʼ kana. Ańjompe, sanam jạtren ar rajosṭiren hoṛ do jarwa mitʼkateko gulmaletʼkana. Phạdkoren Probhu Isor do lạṛhại lạgitʼ phạdkoe sajaoetʼkoa.

Sereńko 72:3

Uniyakʼ dhorom kạmi talate hoṛko lạgitʼ buru ḍuṅgrikote esetʼakan disạm do bhạlạiyte perejokʼma.

Jesaea 2:4

Uni do boṅgan hoṛ jạtrenko talareye bicạra; ar aema jạtrenko talare hok reakʼe bicạr chinḍạutakoa. Onko do akoakʼ tarwaṛe rạputʼkate nahel reakʼ phalko benaojoṅa ar borlom rạputʼkate do datromkoge. Mitʼ jạtrenko do eṭakʼ jạtrenko upạrte tarwaṛe ar bako rakaba; onko do lạṛhại hõ ar bako lạṛhạiya.

Jesaea 9:4

Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Genesis 32:30

Unre Jakob do ona jaega reakʼ ńutum Penuele dohokeda (metakʼme “Isorakʼ mẽtʼãhã”). Uniye menkeda, “Iń do samna sạmni Isoriń ńelkedere hõ jiwetʼge minạńa.”

Exodus 23:21

Ape do uniyakʼ kathape ańjoma ar uniyakʼpe manaotaea. Uni upạrte mon alope haṛhatʼ ocoytapea. Apeakʼ hul do bae ikạitapea, ente iń do unirege minạńa.

Bikʼcạrko 13:18

Uniye menkeda, “Ńutum do cedakʼem kuliyediń kana? Ińakʼ ńutum do okoege bako bujhạu daṛeakʼa.”

Jirimiạ 23:5

Probhu Isore meneda, “Ona dinko hijukʼkana tinre iń do Dạudakʼ bõsre mitʼṭecʼ dhorom reakʼ kahleń omon ocoya; uni do raj lekate ạkil salakʼ rajosṭiye calaoa ar disạmre hok ar dhorom reakʼe kạmiya.

Mikạ 5:1

E lạṛhại phạdko hotete gherao akan nagraha, amren lạṛhại phạdko jarwakotam, ente onko do abonko gherao esetʼ akatʼbona. Bạiriko do Israelren cakʼlaoicʼ ṭheṅgate johareko dal akadea.

Sakariạ 6:13

Hẽ, unige Probhu Isorakʼ oṛakʼe benaoa. Uni do rajakʼ manote emocokʼa ar acʼakʼ siṅghạsonre duṛupʼkateye ḍanṭaokoa. Uni do mitʼṭecʼ naeke lekate siṅghạsonreye duṛupʼa ar onate noakin banar hudạ talare begartetʼ do baṅ tahena.’