Jesaea 9:4 - সান্তালী বাইবেল

⁴ Midiạnakʼ bhagaokʼ dinre okam cekaletʼ, onkage am dom rạputʼ kaca kucạya ona hamal arãṛ do, one okako gokʼ akatʼ, ar ona ṭheṅgage, one oka doe daletʼko, ar onko jạtrenkoge, okoe do onkoko santaoetʼko.

Jesaea 9:4 Referans Kwoze

Jesaea 14:25

Ińakʼ disạm talare Ạsurren raj doń rạputʼ gejerea ar ińakʼ buru cetanreń lebetʼ gasmanḍaoea. Unre ińren hoṛko ṭhen khon uniyakʼ arãṛ do sạṅgińokʼa ar onkoakʼ taren khon bojha hõ ocogokʼa.”

Jirimiạ 30:8

“Iń phạdkoren Probhu Isorgeń meneda, enhilokʼ iń do onkoakʼ taren khon arãṛiń rạputʼ giḍikatakoa ar onkoakʼ tolkoń topakʼ giḍikakʼa; bidisiạko ar do golam menkate bako dohokoa.

Nạhum 1:13

Ńitokʼ do amakʼ taren khon onkoakʼ arãṛiń rạputʼ giḍikakʼa ar amakʼ tol koń topakʼ giḍikakʼa.”

Jesaea 54:14

Am do dhoromge bandhao akanem tahena. Am ṭhen khon jor julum do pharakokʼa; amakʼ botorteakʼ do cetʼge baṅ tahena. Bạṛicʼ botorko hõ sạṅgińokʼa, ar am ṭhen baṅge hijukʼa.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Levitikus 26:13

Ińge Probhu aperen Isor do. Misor disạm khon ińgeń oḍok ạgu akatʼpea jemon Misri hoṛkoren golamko ar alope tahen. Apeakʼ taren reakʼ ãṛãṛ rạputʼkate ińge apeakʼ bohokʼ iń sojhetapea.

Genesis 27:40

Amakʼ tarwaṛegete jiwetʼem tahena, ar am do bokomren gutim hoyokʼa. Menkhan khạtirjoma tinre bam tahẽ daṛeakʼa unre am do amakʼ taren khon uniyakʼ araṛem giḍikakʼa.”

Jesaea 10:5

Hae, Ạsur do, ińakʼ khĩs reakʼ ṭheṅga! Uniyakʼ tirege menakʼa ińakʼ edre reakʼ mutạk do.

Sereńko 125:3

Isor botorae hoṛ do bạṛicʼ kạmire ti jemon aloko lagaokʼ onate Isor emakʼ onkoakʼ disạmre bạṛicʼ hoṛ do bako raj daṛeakʼa.

Jesaea 51:13

Ar ape okoeye sirjạu akatʼpe uni do cedakʼpe hiṛińkedea? Uni do sermae pasnao akada ar dhạrti reakʼ rehetʼe bạisạu akada. Cikʼpạyicʼakʼ kurkurạukʼ edrete cedakʼ ape do siń sạṭupʼpe torasokʼ kana? Uni cikʼpạyicʼakʼ edre do botoranakʼ cetʼ hõ baṅkana.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

Sereńko 81:6

Probhu Isore menkeda, “Gokʼ bhạriạ khon uniyakʼ bojhań rawalketʼtaea; ar khạclạkʼ khon uniyakʼ ti do khalasentaea.

Jesaea 9:5

Lạṛhại lạgitʼko hạjukʼkan mitʼke mitʼ lạṛhại birkoakʼ panahe, ar mãyãmte lohotʼ akan mitʼke mitʼ kicricʼ do seṅgelre atar ocokʼa.

Jesaea 16:4

Moabren dạdạṛkan hoṛko do ape sãote tahẽ ocoakope; ar jarkharkoakʼ ti khon rukhiyạkope.” Jihudạren sasantaoko doko marao utạrokʼa; onkoakʼ jarkharokʼ reakʼ kạmi do thirokʼtakoa. Disạmre sasantaoko do ar bako ńelokʼa.

Jesaea 52:2

E Jerusalem, beredokʼme, ar amakʼ dea khon dhuṛi koṭa ńurhạime ar siṅghạsonre duṛupʼme. E bondi akan Sion kuṛi amakʼ hoṭokʼ reakʼ sikṛiko raṛaetam.

Jirimiạ 48:17

Ape okoe do uni beṛhaetepe girobasokʼ kan, ar okoe uniyakʼ ńutum reakʼpe ańjom akatʼ, ape do jotoge uni lạgitʼ homor halaṅpe. Uni metaepe, ‘daṛeanakʼ raj ṭheṅga, ona ṭhonokanakʼ ṭheṅga do cekate rạputʼena?’ ”

Jesaea 10:16

Ona iạte phạdkoren Probhu Isor do Ạsurren daṛean lạṛhại birko cetanre mitʼṭecʼ rohoṛokʼ ruại kola; ar uniyakʼ ṭhonok latarre do lepʼ leka seṅgel jol ocokʼa.