Jesaea 9:20 - সান্তালী বাইবেল

²⁰ Onko do leṅgati secʼko losagre hõ reṅgecʼkoa ar jojomti secʼko tạhuṛre hõ bako tirpitokʼa. Sesre onko do apnarren hoṛkoakʼ jelgeko joma.

Jesaea 9:20 Referans Kwoze

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Jirimiạ 19:9

Onkoren bạiriko, metakʼme onkoakʼ jiwi sendrako do tinre onkoko gherao esetʼkoa un reakʼ ona kosṭokʼ oktere iń do onkoren hopon ar hoponerakoakʼ jeliń jom ocokoa ar mitʼke mitʼ hoṛ do ako aḍepaseren hoṛkoakʼ jelko joma.’

Rak̕joṅ 4:10

Mãyãwan maejiuko do akoakʼ tite akoren hoponko teke isinetʼkoa. Ińren hoṛkoren hoporeawakʼ jarkharokʼre akoren hoponge onkoren jomakʼko hoylentakoa.

Jesaea 8:21

Onko do reṅgecʼ ar kosṭote disạm talareko ạcur baṛaea. Reṅgecʼ jalate coṭ secʼ beṅgetʼkate raj ar onkoren Isorko sarapaea.

Sosolhayic̕ 4:5

Bebuj hoṛ do acʼakʼ tiye lạṭumkakʼ kana ar reṅgecʼteye eken jaṅokʼ kana.

Jesaea 3:1

Ńitokʼ ńelme, phạdkoren Probhu Isor do Jerusalem ar Jihudạ khon ṭheṅga ar ṭhesae ocokʼeda. Uni do onkoakʼ sanam jomakʼ ar dakʼkoe ocoga.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jesaea 14:30

Joto khon reṅgejokʼko do jomakʼko ńama ar nacarko do nirạiteko giticʼa. Menkhan amakʼ rehetʼ do akalteń marao giḍiya, onate amren sarecʼ jiwetʼ hoṛ doko gujukʼa.

Jesaea 51:19

Jarkhar ar dhaṅdhaser, akal ar tarwaṛe noakin banar muhinge amre paṛao akana. Jiwi raṛecʼ do okoeye emdaṛekema? Ar cekate iń hõ jiwi raṛecʼ iń emama?

Jirimiạ 13:14

Darkha rasa reakʼ kumko leka mimitʼ hoṛ do eṭakʼ hoṛ cetanreń tawakʼ gejerea; baṅ doe apatkan ar baṅ doe hoponkan jotogeń gejer cabakoa. Iń do daya hõ baṅ ar mãyã hõ bạń mãyãwakoa; onko doń marao cabakoa.’ ”

Mikạ 6:14

Ape dope jomgea menkhan bape bikʼa; lacʼre reṅgecʼ do tahengetapea. Apeakʼ jinisko mitʼ ṭhạ̃i khon eṭakʼ ṭhạ̃itepe idiygea menkhan cetʼge bape rukhiyạ daṛeakʼa, ar thoṛape rukhiyạ daṛeakʼ khan hõ ona do lạṛhạiteń marao giḍikatapea.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Sakariạ 11:9

Ińiń menkeda, “Aperen gukʼpiko do bạń hoyokʼa. Okoeyakʼ gujukʼ reakʼ katha menakʼ uni doe gujukʼma ar okoeyakʼ pharakokʼ reakʼ katha menakʼ uni doe sạṅgińokʼma. Ar sarecʼko do ako akoakʼ jelko jomma.”

Mark 3:24

Jãhãṭakʼ rajosṭige apnar talare hạṭińlen khan ona rajosṭi do ohoge ṭikạulena.