Jesaea 9:17 - সান্তালী বাইবেল

¹⁷ Onatege Probhu Isor do juạnko hotete bae rạskạkʼ kana, ṭũạr ar rạnḍi maejiuko hõ bae dayawako kana; ente sanamkoge Isor do bako botorae kana arko kharap caba akana, jotoge bạṛicʼ bạṛicʼ kathako roṛeda. Ar niạko hoylenre hõ uniyakʼ edre do baṅ thirokʼtaea; ar ńitokʼ hõ uniyakʼ ti do tulge menakʼtaea.

Jesaea 9:17 Referans Kwoze

Jirimiạ 18:21

Onate onkoren hoponko do akal ar tarwaṛere baṛe soprotkom. Onkoren bạhuko do bạńjhi arko rạnḍikʼtakoma; onkoren herel hoṛ do mahamạriteko gujukʼma, ar onkoren juạnko hõ lạṛhạire tarwaṛetege.

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Mathae 12:34

E bińren bõsko! Apepe bạṛicʼgere hõ cekate bhageakʼ kathakope roṛ daṛeakʼ kana? Ente ontorre oka sareṛokʼ, onage moca doe roṛa.

Jesaea 27:11

Ona reakʼ ḍạrko rohoṛlen khan ona do rạputʼ giḍikʼa ar maejiuko do hecʼkate seṅgelre onako khadlea. Noko do mitʼṭen lelha jạtren kanako, onate okoe onkoe benao akatʼko onko cetanre uni do jãhãnakʼ bae mãyãkʼa; onkoren sisirjạuicʼ hõ onkore bae dayakʼa.

Jesaea 9:12

Aramrenko do purub secʼ khon ar Philisṭiko do pạchim secʼ khon moca cahapʼkateko utʼ gotʼkaea. Niạko hoylenre hõ uniyakʼ edre do baṅ thirokʼtaea. Ńit hõ uniyakʼ ti do tul akaege menakʼtaea.

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Jesaea 9:21

Manase do Ephrayimakʼ ar Ephrayim do Manaseakʼ jelko joma, onko do mitʼ sãote Jihudạ upạrteko teṅgona. Ar noako hoylenre hõ uniyakʼ edre do baṅ thirokʼtaea; ar ńit hõ uniyakʼ ti do tulge menakʼa.

Sereńko 147:10

Uni do sadom reakʼ daṛe hõ bae hạ̃sakʼa, ar lạṛhạyicʼ reakʼ jaṅga hõ bae bạsutakʼ kana;

Mathae 16:3

Ar setakʼ jokhecʼ dope mena, ‘teheń doe hoe daga ente serma do arakʼ ar dhũndgea.’ Serma reakʼ muṭhạn papachnao dope baḍaekana, menkhan okte reakʼ cinhạko do bape bujhạu daṛeakʼ kana.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Mikạ 7:2

Disạm khon Isor botorae kan hoṛ doko meṭao ocoakana; dhoromicʼ do mitʼ hoṛ hõ bạnugicʼan. Sanamkoge mãyãm joroy lạgitʼko tãṛãkʼ akana; onko jotoge akoakʼ pạsire jhạlikoko khojkana.

Jeheskel 20:33

Iń Probhu Isorge ińakʼ ńutumte kiriạkateń meneda, ińakʼ daṛeanakʼ ti tiyạrkate edreń dulapete ape cetanreń rajokʼa.

Jirimiạ 5:1

Probhu Isore meneda, “Jerusalem reakʼ ḍaharkore onte note ńir baṛaepe ar beṛhaete beṅgetʼ ạcurpe. Onḍenakʼ nagraha reakʼ haṭ bajarkore khoj hataope. Ńelpe, nonkan jãhãepe ńamea se baṅa okoe do dhorom ar sạriyakʼreye dãṛãnkan enḍekhan iń do ona nagrahań ikạkakʼa.

Jesaea 65:19

Iń do Jerusalem iạteń rạskạkʼa ar ińren hoṛko iạteń kusikʼa; ona talare ar jãhãn rakʼjoṅ do baṅ ańjomokʼa.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

Jesaea 13:18

Onko do akʼte juạnkoko gocʼkoa; ar bale gidrạko cetanre bako mãyãkʼa ar gidrạko cetanre hõ bako dayakʼa.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jobakʼ 15:34

Isor baṅ botoraekan hoṛren do cele gidrạge bako tahena; onkoakʼ ghus reakʼ oṛakʼ duạr do seṅgelte maraokʼtakoa.

Sereńko 109:12

Onko cetanreko dayakʼ nonkan okoe hõ aloko tahenma; onkoren ṭũạr gidrạko cetanre okoe hõ mãyã alo baṛee hecʼakoma.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jesaea 14:20

Am do eṭakʼ rapajko leka do bam topa ocokʼa, ente amakʼ disạm dom jarkhar akada ar amren hoṛkom khũn akatʼkoa. Bạṛicʼ bõsrenkoakʼ katha do artis hõ baṅ ńumogokʼa.

Jesaea 24:5

Dhạrti do uniren hoṛko besonot akada. Onko do ạn-ạriko bemanot akada; ạnko rạputʼ akada ar Probhu Isorakʼ bondobos leka do bako taṛam akada.

Jesaea 31:2

Enrehõ uni doe ạkilangea, uni do ghoṭnakoe hoeocoya; acʼakʼ katha do bae ruạṛtaea. Uni do bạṛicʼko upạrte ar onkoren gokʼṛoko upạrteye beredokʼa.

Jesaea 31:3

Misorrenko doko manwa kange, Isor doko baṅ kana; onkoren sadomko hõ jelren kanageko, jiu doko baṅkana. Probhu Isor do tinre acʼakʼ tiye rakabtaea unre gokʼṛoko doko tohodokʼa ar okoe goṛoko ńametʼ tahẽkan onko doko ńurokʼa; ar jotoge mitʼteko marao utạrokʼa.

Jesaea 40:30

Juạnko hõ laṅga arko thakao cabakʼ kana ar juạn koṛako hõ laṅgateko gujukʼ kana,

Amos 4:10

Misorre cetʼlekań kolletʼ onkage ape talare iń do mahamạriń kolkeda. Ar lạṛhại hotete aperen juạnkoń gocʼketʼkoa ar aperen sadomkoń idiketʼkoa. Apeakʼ chạuni reakʼ bạṛicʼ so do mũreyiń jiyatʼpea; enhõ ape do iń ṭhen bape ruạṛ hecʼlena.

Amos 8:13

Enhilokʼ ńelokʼte mońj juạn kuṛiko ar daṛean juạn koṛako do ona katha lạgitʼ tetaṅteko loraokʼa.

Jesaea 5:24

Onatege seṅgel reakʼ alaṅ do cetʼleka busupʼe loyetʼ ar seṅgel reakʼ lepʼre rohoṛ ghãsko jarkharokʼkan, onkage onkoakʼ benaoakʼ do seakʼtakoa ar dhuṛi lekage onkoakʼ baha do oṭaṅokʼtakoa; ente onko do phạdkoren Probhu Isorakʼ hukumko bebatao akada ar Israelren uni sonoticʼakʼ kathako lebetʼ gańjao akada.

Jesaea 33:11

Apeakʼ kukhire do bhusạ gaṛhaokʼa ar busupʼpe janama. Apeakʼ sahẽtʼ do seṅgel leka apegeye jompea.

Jesaea 33:12

Hoṛko do rapakʼakʼ cun dhiri lekako hoyokʼa ar getʼ giticʼakʼ jạnumko lekage onako do seṅgelreko atar giḍi ocokʼa.”