Jesaea 9:14 - সান্তালী বাইবেল

¹⁴ Onatege Probhu Isor do Israelakʼ khijur ḍạr ar chuchi ṭheṅga, metakʼme bohokʼ ar canḍbol do mitʼ dinregeye samakʼ topaga.

Jesaea 9:14 Referans Kwoze

Johan sodor 18:8

Onate unire joto sạjại do mitʼ dintege paṛaokʼa; onako do hoyokʼ kana moron, duk ar mohamạri. Seṅgelte uni doe atar giḍi ocokʼa, ente okoe uniyakʼe bicạrtae uni Probhu Isor doe daṛeanicʼ kana.”

Jesaea 19:15

Misor talare bohokʼ se canḍbol, khijur ḍạr se pạṭiol, okoe hõ cetʼge bako ceka daṛeakʼa.

Johan sodor 18:17

Ente mitʼ ghạṛitege amakʼ joto dhon-durib do nosṭo cabayena!” Ar mitʼke mitʼ jahaj cakʼlaoko, ar jahajte dãṛãn hoṛko, ar lạuṛiạko, ar jalapurire okoe doko bạnij beparetʼkan onko sanamko do sạṅgińreko teṅgo tahẽyena.

Johan sodor 18:10

Onko do uniyakʼ saset ńelte botorte sạṅgińre teṅgokateko mena, “Hae Babel, hae! Ona maraṅ nagraha, ar daṛeanakʼ nagraha do, ente mitʼ ghạṛite amakʼ sạjại do seṭerena!”

Amos 7:17

Ar onatege Probhu Isor doe meneda, ‘amren bạhu do nagrahare kusumbiye hoyokʼa, ar amren hopon ar hoponerako do tarwaṛeteko gujukʼa. Amakʼ disạm do jokha baberteko hạṭińjoṅa ar am do mitʼṭecʼ bhonḍ disạmrem gujukʼa. Israelren hoṛ do khạṭige akoakʼ disạm khon eṭakʼ disạmteko bondi idi ocokʼa.’ ”

Amos 6:11

Probhu Isor do tinreye hukuma unre maraṅ maraṅakʼ oṛakʼko do rạputʼ dhaṅdhaserokʼa ar huḍiń huḍiń oṛakʼko do rạputʼ gejerokʼa.

Amos 3:12

Probhu Isore meneda, “Gukʼpiyicʼ cetʼleka dhạcri kulakʼ moca khon jaṅga reakʼ eken barea jaṅ se lutur reakʼ mitʼ kuṭrại rukhiyạ daṛeakʼ onkage Israelren okoeko hoṛ Samariạreko girobasokʼ kan onko do eken onkoakʼ ṭenḍar mạci reakʼ mitʼ konac ar parkom reakʼ kuṭrạgeko rukhiyạ daṛeakʼa.”

Hosea 13:3

Ona iạte onko do setakʼ reakʼ kuṛhạ ar chanokʼkan sisir dakʼ leka kanako, onko do khạrại khon hoete oṭaṅ calakʼkan bhusạ leka, ar jalna secʼte oḍok calakʼkan dhũạ leka kanako.

Hosea 10:15

E Bethel, amre onkage hoyokʼa, ente amakʼ dusṭạmi do ḍhergetama. Aṅgalen khange Israelren raj do purạteye marao ocokʼa.

Hosea 8:8

Israel doko utʼ ocoakana; bạṛicʼakʼ jinis leka onko do ńitokʼ eṭakʼ jạtrenko talare menakʼkoa.

Hosea 4:5

E naekeko, ape do siń ar ńindạpe tohodokʼkana ar ape sãote nạbiko hõko tohodokʼkana. Onatege iń do aperen gogo Israel doń marao utạrea.

Hosea 1:9

Unre Probhu Isor doe menkeda, “Nuiyakʼ ńutum do Lo-ammi (metakʼme ‘ińren hoṛ do baṅa’). ente ape do ińren hoṛ dope baṅkana ar iń hõ aperen Isor doń baṅkana.

Hosea 1:6

Gomer do arhõe bhạrti hoṛmoyena ar uniren do armitʼṭen kuṛi hopone janamena. Unre Probhu Isor do Hoseae metadea, “Kuṛi hoponakʼ ńutum do Lo ruhamah. (metakʼme ‘Mãyãwạnicʼ do baṅa’) ente Israelren hoṛko do ar bạń dayawakoa, ar onko do baṅgeń ikạkoa.

Hosea 1:4

Unre Probhu Isor do Hoseae metadea, “Am do uniyakʼ ńutum Jisreyelem dohoytaea, ente Jisreyel nagrahare Jehu do ḍher hoṛe gocʼletʼkote iń do uniyakʼ bõsrenko cetanre usạrage sạjạiyiń ạguiya ar Israelakʼ rajosṭiń caba utạra.

Jesaea 30:13

Onate niạ kại do ape lạgitʼ usul bhitre menakʼ oḍo oḍo paṛakʼ leka kana oka do oborokʼ lạgidokʼkan, one ona ackage obor ńurokʼ mitʼ ripitʼtege.

Jesaea 10:17

Israel reakʼ marsal do hoyokʼa seṅgel leka; onkoren sonotko doko hoyokʼa mitʼṭecʼ seṅgel lepʼ leka. Ar ona seṅgel do mitʼ dinre ona reakʼ joto jạnum ar rạṅgạinikoe atar giḍiya.

Jirimiạ 6:21

Onate Probhu Isore meneda, “Noko hoṛ samaṅre iń do aema tạkʼkicʼakʼ iń dohoya. Apat ar hoponko onare mitʼ domteko tohodokʼa; aḍepaseren hoṛ ar gateko doko marao utạrokʼa.”

Jirimiạ 8:12

Onko do cetʼ akoakʼ ona bạṛicʼ kạmi iạteko lajaokʼkana? Baṅa, onko do cetʼ lajaoge bạnukʼtakoa; onko do lajaokʼge bako cetʼakada. Ona iạte onko do gurokʼko sãoteko gurokʼa. Ar tinre onkoń sạjạikoa unre onko doko tawakʼ ńur ocokʼa. Iń Probhu Isorge noa katha doń meneda.”

Rak̕joṅ 4:16

Probhu Isorge onko doe chirchạtur akatʼkoa; onko do ar bae moneyako kana. Hoṛko do naekeko bako manotetʼkoa, ar murubbiko hõ bako mãyãwako kana.