Jesaea 8:11 - সান্তালী বাইবেল

¹¹ Probhu Isor do acʼakʼ daṛeanakʼ ti iń cetanre dohokate iń tulucʼe galmaraokeda. Uni doe sontorkedińa jemon noko hoṛkoakʼ horte aloń taṛam. Uni doe metadińạ,

Jesaea 8:11 Referans Kwoze

Jeheskel 3:14

Isorren Jiu do ińe kuṭuṅ rakapʼ idiyiń jokhecʼ iń do ińakʼ mon reakʼ duktegeń calaoena, ar Probhu Isorakʼ keṭecʼ ti do ińre tahẽkana.

Aposkạmi 4:20

Ạliń do okaliń ńelakatʼ arliń ańjomakatʼ ona begor lạite do ohoge liń tahẽdaṛelena.”

Jirimiạ 20:9

Ińiń menkhan, “Uniyakʼ katha do bạń lạiya se uniyakʼ ńutumte ar cetʼge bạń roṛa,” enḍekhan uniyakʼ katha do ińakʼ ontorre lokʼkan bursi seṅgel leka jaṅ bhitri hạbicʼ bond akange tahẽnkana. Iń do bhitrire doho dohoteń laṅga cabakʼkana; sạrige ona do ar bạń doho daṛeakʼkana.

Jirimiạ 20:7

E Probhu Isor, am dom bulạu kedeńte ińakʼ nonka dosa do hoyakantińạ; ar iń khonem daṛegete am dom jitạu akana. Iń do goṭa dinge landa-dhutʼạń kan hoṛgeń hoyakana; ar sanam hoṛge ińko siṛogạń kana.

Jirimiạ 15:19

Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

Kạhtukko 1:15

E bạbu, onko tulucʼ do alom calakʼa, ar onko khon do sahaṛ akae tahenme;

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

1 Rapajko 18:46

Unre Probhu Isorakʼ daṛe do Eliạ cetanre hecʼena. Uni do acʼakʼ kicricʼko ḍanḍareye rebetʼketʼte Ahab lahate Jesreyelteye ńir calaoena.

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.