Jesaea 7:19 - সান্তালী বাইবেল

¹⁹ Onko do hecʼkate buru dhasnakore, buru paṛakʼkore, jạnum jhạuạkore ar ṭạnḍikoreko basakʼa.

Jesaea 7:19 Referans Kwoze

Jesaea 2:19

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ jhalkaokʼ khon rukhiyạ ńam lạgitʼ hoṛko do buru dander ar ot reakʼ bhugạkʼteko bolokʼa.

Jirimiạ 16:16

“Menkhan ńitokʼ do ḍher jạilạgeń hoho ạgukoa ar onko do hako lekako sapʼkoa. Ona tayom iń do arhõ sesendrako hõń hoho ạgukoa onko do mitʼke mitʼ maraṅ ar huḍiń buruko ar dhiri ciritʼ khonko sendra totʼkoa.

Mikạ 7:17

Onko do biń ar eṭakʼ lacʼte takʼṛam jiwiyanko leka dhuṛiko caṭoga. Onkoakʼ gaṛ khon onko do thar tharaoate am ṭhen, aleren Probhu Isor ṭhenko oḍok hijukʼa arko botoram ma.

Jesaea 2:21

Probhu Isor do tinre dhạrtiren hoṛko botor udukʼako lạgitʼe hijukʼa unre uniyakʼ botoranakʼ edre ar uniyakʼ ṭhonok reakʼ malkaokʼ khon bańcaokʼ lạgitʼ maraṅ maraṅ dhiri ciritʼre ar buru reakʼ paṛakʼreko bolokʼa.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

Mathae 7:16

Onkoakʼ jion reakʼ jotege onko dope orom daṛeakoa. Jạnum dare khon darkha jo se kũṛĩtʼ rama jhạuạ khon cetʼ loa doko godgea?

Jesaea 5:6

Iń do mitʼṭecʼ dhaṅ dhaser jaegageń hoeocoya; nạ̃ṛĩ hõ baṅ kamanokʼa ar jumi hõ baṅ casokʼa, onḍe do rạṅgạini ar aṭkuṭige hara perejokʼa. Rimil hõń hukumakʼa onare jemon dakʼ aloe jạṛiyakʼ.”

Jesaea 7:24

Ar hoṛko do akʼ sarante onḍeko calakʼa, ente disạm do jạnum ar rạṅgạinite perejokʼa.

Jesaea 7:25

Ar oka burure kuḍiteko casetʼ tahẽkan onḍe do jạnum botorte ar bako calakʼa; ona do ḍaṅgra ar bhiḍiko lạgitʼ ạtiń ṭạnḍiko hoyokʼa.

Jesaea 55:13

Ar jạnumko bodolte do saro dareko ar seṅgel siń bodolte do mehendi dareko hara rakabokʼa. Probhu Isor lạgitʼ ona do mitʼṭecʼ dikʼsạ cinhạge hoyokʼa. Ona cinhạ do tishõ baṅ maraokʼa.”

Sakariạ 10:8

Iń do gol golteń hohoea ar mitʼ domteń jarwakoa. Onko doń chaḍaokoa ar lahate leka lekhare ḍherko hoyokʼa.