Jesaea 7:18 - সান্তালী বাইবেল

¹⁸ Enhilokʼ Probhu Isor do Misor disạm reakʼ sạṅgiń gaḍako khon rõ ar Ạsur disạm khon dumurkoe gol ạgukoa.

Jesaea 7:18 Referans Kwoze

Jesaea 5:26

Uni do sạṅgiń jạtrenko lạgitʼ mitʼṭecʼ nisạne rakabtaea ar dhạrti reakʼ ses simạnaren hoṛkoe hohoakoa. Ar ńelpe, onko do usạrateko ńir hijukʼa.

Jesaea 31:1

Hae onko do one okoe goṛo ńam lạgitʼ Misorteko calakʼkan! Onko do sadom ar rãt gạḍireko bhorsakʼ kana ar aswarikoakʼ maraṅ daṛe cetanre pạtiạuko dohoyeda, menkhan onko do Israelren uni sonoticʼ secʼ bako beṅgetʼeda ar Probhu Isor ṭhen goṛo bako khojkana.

Josuạ 24:12

Iń do ape laha lahate ńele koń kolketʼkoa; ar ńele do ape samaṅ khon Amorikoren unkin rajko laga ńirketʼkinạ. Apeakʼ tarwaṛe se akʼ-sarte noape onka akada ona do baṅa.

Dosar Biboron 7:20

“Inạ tayom onko modren okoeko jiwetʼko tahen ar ape khon okore okoeko tahen onko talare aperen Probhu Isor do ńele hõe kolkoa ar onko sanamko marao utạrokʼa.

Dosar Biboron 1:44

Ona ńelte okoe Amoriko ona burureko girobasokʼkan tahẽkan onko do ape upạrte lạṛhại lạgitʼko oḍok hecʼena. Ar mitʼ jhãk dumur leka apeko lagaketʼpea ar Seir reakʼ Horma nagraha hạbicʼko tuṛ idiketʼpea.

Jesaea 13:5

Onko do sạṅgiń disạm khonko hijukʼ kana, onko do pirthimi reakʼ ses simạna khonko rakapʼ hijukʼ kana; Probhu Isor do acʼakʼ edre reakʼ khanḍa bhanḍawante goṭa pirthimi marao lạgitʼe hijukʼ kana.

Jesaea 7:17

Jihudạ ar Ephrayimakʼ begarokʼ din hilokʼ khon oka tisge baṅ hoyakan, Probhu Isor do am ar amren hoṛko ar amren apatakʼ bõsren hoṛko cetanre ona lekan mitʼṭen okteye ạguiya. Ar unre uni do Ạsurren raje ạguiyea.”

Sereńko 118:12

Dumur lekageko tudrạu esetʼ akadińạ; ar jạnum jhạuạ reakʼ seṅgel leka onko do usạrateko ĩṛicʼgotʼena. Probhu Isor ńutumte iń do khạṭigeń marao cabakoa.

Exodus 8:24

Probhu Isor doe onkakeda. Pharaoakʼ raj oṛakʼre ar uniren kạmiyạkoakʼ oṛakʼkore durum durum kãṛã loṭocʼko boloyena. Ar onkote goṭa Misor disạm do perecʼena.

Exodus 8:21

Ar bam sen ocoako khan am ar amren sanam kạmiyạko ar amren hoṛko cetanre ar amakʼ oṛakʼ-duạrkore durum durum kãṛã loṭocʼ iń kolkoa. Misorrenkoakʼ oṛakʼ-duạr ar sanam jaega do kãṛã loṭocʼkote perejokʼa.

Dosar Biboron 28:49

“Probhu Isor do sạṅgiń khon, dhạrti reakʼ ses simạna khon nonkan mitʼ jạtrenko ape upạrteye ạgukoa one onkoakʼ pạrsi bape bujhạutako. Onko jạtrenko do pajhaṛ cẽṛẽ leka ape cetanre sã menteye uḍạu ạgukoa.

Sakariạ 10:8

Iń do gol golteń hohoea ar mitʼ domteń jarwakoa. Onko doń chaḍaokoa ar lahate leka lekhare ḍherko hoyokʼa.

Sereńko 105:31

Uniyakʼ kathate jhãke jhãk tejoko hecʼena onkoakʼ disạm do kãṛã loṭocʼte perecʼena.