Jesaea 66:24 - সান্তালী বাইবেল

²⁴ Ar onko do oḍok kate iń upạrteko hulletʼ tahẽkan hoṛkoakʼ mạ̃ṛĩkoko ńela. Onkoren tejoko okoe do gocʼ hoṛakʼ jelko jom onko do bako gujukʼa ar onkoakʼ seṅgel hõ baṅ ĩṛĩjokʼa; ar onko do sanam manwa jạtrenko lạgitʼ hirkhạwanakʼgeko hoyokʼa.

Jesaea 66:24 Referans Kwoze

Jesaea 14:11

“Amakʼ sanam ṭhonok do Sheolte giḍi ocoakana; ona sãote amakʼ binạ banamko reakʼ saḍe hõ giḍi akana. Am latarre do tejoko menakʼkoa onko do amko thoprom esetʼ akatʼmea.

Johan sodor 21:8

Menkhan botorokʼko, bepạtiạrko, hirkhạwakoko, gogocʼko, loṭghuṭiko, jạdu udukʼko, boṅga muṭhạn sekʼwako ar joto lekan eṛekoakʼ mucạtʼ dosa do seṅgel ar gondhok reakʼ dõreaorege.” Ar noa kangea dosar gujukʼ do.”

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Mathae 3:12

Uniyakʼ haṭakʼ do tirege menakʼtaea ar khạrại do mońjteye saphaetaea. Ar phosol do acʼakʼ golareye jarwaea, menkhan bhusạ do tishõ baṅ ĩṛĩjokʼ seṅgelreye atar giḍikakʼa.”

Sakariạ 14:12

Ar jãhãn jạtrenko Jerusalem upạrteko lạṛhại khan Probhu Isor do onko jạtrenko mahamạriteye ńẽtʼkoa. Onko do teṅgo akaeko tahenrege onkoakʼ hoṛmo reakʼ jel do seakʼtakoa ar onkoakʼ mẽtʼ do mẽtʼ ṭhuyạ̃kʼre tahenrege seakʼa ar alaṅ hõ mocarege seakʼtakoa.

Jesaea 66:16

Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jesaea 34:10

Siń ar ńindạ tishõ ona do baṅ ĩṛĩjokʼa; jaejug ona reakʼ dhũạ do coṭte rakabokʼa. Piṛhike piṛhi ona do khạli akaege tahena; ona talate tishõ okoege bako senokʼa.

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Sereńko 110:6

Uni do eṭakʼ eṭakʼ jạtrenkoe bicạrkoa; ar dhạrti do gocʼkoakʼ hoṛmoteye pereja; uni do dhạrti reakʼ sanam jaegare bạirikoakʼ bohokʼe gejertakoa.

Jesaea 1:28

Menkhan huhulko ar kạikại hoṛ do jotoge mitʼ sãoteko maraokʼa, ar okoe Probhu Isorko bạgi akade onko doko caba utạrokʼa.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 24:20

Dhạrti do ńũ bul hoṛ leka konḍe manḍekʼa, ar hoete lewer lewerokʼkan oṛakʼ leka lewer lewerokʼa. Uniyakʼ kại reakʼ bojha do nunạkʼ hamal hoyokʼtaea, uni do ar tisge bae teṅgo ruạṛ daṛeakʼa.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 34:3

Onkoren gocʼ hoṛko do bahreteye capatʼ giḍikakoa. Onkoakʼ mạ̃ṛĩko reakʼ sea sĩṛĩcʼ so do ghãṛã ghạ̃ṛĩ rakabokʼa ar onkoakʼ mãyãmte buru-boṭkocʼ do ạrupʼ pheḍokʼa.

Jesaea 51:8

ente onko do kicricʼ leka jạrnḍi ṭhenko jom ocokʼa ar tejoko ṭhen do bhiḍikoakʼ upʼ lekako jom ocokʼa. Menkhan ińakʼ dhorom do jaejug hạbicʼ tahenkana; ar ińakʼ babańcao do piṛhike piṛhige.”

Jesaea 48:22

Probhu Isore meneda, “Bedhoromko lạgitʼ suluk do bạnukʼa.”