Jesaea 66:23 - সান্তালী বাইবেল

²³ Molokʼ cando ar jirạukʼmãhã piche sanam hoṛ do iń samaṅre hecʼkateko dewa sewaea.

Jesaea 66:23 Referans Kwoze

Jeheskel 46:1

“ ‘Iń Probhu Isorgeń menetʼkana, bhitri raca reakʼ purub duạr do kạmi reakʼ turui dinge siń tahena, menkhan jirạukʼmãhãre ar molokʼ candore ona do jhijokʼa.

Sakariạ 14:16

Tayomte onko sanam jạtren sarecʼ tahen hoṛ do uni rajakʼ, metakʼme phạdkoren Probhu Isorakʼ sewae lạgitʼ ar chạuni porob manao lạgitʼ jao bochor Jerusalemteko rakapʼ hijukʼa.

Jeheskel 46:6

Molokʼ cando hilokʼ uni do mitʼṭen ḍaṅgra ar turui goṭen bheḍa hopon ar mitʼṭen bheḍa samaṅko hoyokʼtaea; onko do niphuṭ utạrko hoyokʼ jạruṛa.

Sereńko 86:9

E Probhu Isor, amakʼ sirjonren sanam jạtrenko do hecʼkate amko manotmea arko ḍobokʼama; ar amko sarhao sereńama.

Johan sodor 15:4

E Probhu Isor okoe baṅ am do bae botoram? Ar okoe baṅ amakʼ ńutum bae sarhaotam? Eken amge coṅ sonoticʼ ma. Sanam jạtrenko do am ṭhenko hijukʼa, ar jotoge amko sewawama; ente amakʼ dhorom bicạr do sodor akana.”

Johan 4:23

Menkhan okte daraekana, ar ńit hõ kangea, one unre sạri sewako do Jiu ar sạriyakʼte Babako sewawaea. Ar Baba hõ nonkan sekʼwakogeye ńam baṛayetʼkoa.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Sakariạ 14:14

Jihudạ hõ Jerusalem upạrteye lạṛhạiya. Aḍepase jạtrenkoakʼ dhon-durib, metakʼme ạḍi utạr sona, rupạ ar kiricʼ khạnḍwạkʼko jarwaea.

Sereńko 65:2

E koejoṅ ańjomicʼ, am ṭhenge sanam manwa doko hijukʼa.

2 Rapajko 4:23

Uniren jãwãetetʼe menkeda, “Uni ṭhen teheń do cedakʼem calakʼa? Teheń do ambas ńindạ hõ baṅkana, ar jirạukʼ mãhã hõ baṅkana.” Uni doe menkeda, “Onate do baṅ cekakʼa.”

Jesaea 19:21

Nonkate Probhu Isor do Misorrenko ṭhen apnartetʼe sodorokʼa ar enhilokʼ onko do Probhu Isorko aṅgocea. Onko do janwarko samaṅkoa ar phosolko samaṅa arko sewawaea ar Probhu Isor ṭhen manotakʼko purạutakoa.

Jesaea 19:23

Enhilokʼ Misor khon Ạsur hạbicʼ do mitʼṭecʼ raj ḍaharge hoyokʼa. Ạsurrenko do Misorte ar Misorren do Ạsurteko calao hijukʼa. Unre Ạsurren ar Misorrenko do mitʼ soṅgeteko dewa sewaea.

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Jesaea 49:7

Hoṛko okoeko nihạ̃t giḍi akade arko hirkhạwaekan, okoe doe disạm cakʼlaokoren golamkan, uni Israelren sonoticʼ ar chakʼḍaoicʼ do Probhu Isor niạ kathae metaekana, “Rapajko do am ńelteko beredokʼa, ar mukhiyạko do amko ḍobokʼama, ente Probhu Isor do ame bachao akatʼmea; Israelren uni sonoticʼ doe pạtiạranicʼ kana.”

Jeheskel 20:40

Unre disạm talare ińakʼ sonot burure, Israel reakʼ usul burure, Israelren sanam hoṛ do ińko sewawạńạ ar iń do onḍe onkoń ataṅkoa. Onḍe iń do apeakʼ joto lekanakʼ sonot samaṅokʼakʼ, dan ar bhage bhage sandeskoń ataṅtapea.

Jeheskel 45:17

Ar disạm cakʼlaoyicʼ do sanamakʼ porobko, molokʼ candoko reakʼ ar jirạukʼ mãhã lạgitʼ, metakʼme Israel jạtrenkoakʼ niṭ akatʼ sanamakʼ porobko lạgitʼ jeredokʼ samaṅokʼakʼ lạgitʼ, anaj samaṅokʼakʼ lạgitʼ, coḍor samaṅokʼakʼ lạgitʼ jiniskoe kulạu juṛạua. Uni do Israelkoakʼ kại ńutumte puruchunokʼ lạgitʼ samaṅokʼakʼ, anaj samaṅokʼakʼ, jeredokʼ samaṅokʼakʼ ar sulukren samaṅokʼakʼ lạgitʼ jiniskoe kulạu juṛạua.

Sereńko 22:28

Hẽ, rajosṭi do Probhu Isorakʼge hoyokʼma; ar sanam jạtrenko cetanren raj doe uni kangea.

Sereńko 65:3

Ińakʼ bedhoromakʼ kạmire iń doń tạpukʼ akana, Menkhan amge aleakʼ sanam kạikom ikạyetʼtalea.

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Sakariạ 14:18

Misorrenko hõ bako calakʼ khan ar dewa seware bako seledokʼ khan onkoakʼ disạmre hõ bae daga. Ar okoe jạtrenko chạuni porob manao lạgitʼ bako calakʼ Probhu Isor do onko cetanre oka mahamạriye paṛao ocoy Misorrenko cetanre hõ inạ mahamạrigeye paṛao ocoya.

Sakariạ 14:19

Misor ar eṭakʼ jạtrenko okoe do ona chạuni porob palon lạgitʼ bako rakapʼ calakʼ onko hõ niạ sạjạigeko ńama.