Jesaea 66:17 - সান্তালী বাইবেল

¹⁷ Probhu Isore meneda, “Okoe sukri gel, goḍo gel ar eṭakʼ bạṛicʼakʼ jinisko jom ar porob cakʼlaoko tayom tayomte Jaher ṭạnḍire bolokʼ lạgitʼ debotako ńutumte apnarko begarokʼ arko sonotokʼ, onko do mitʼ domteko marao ocokʼa.

Jesaea 66:17 Referans Kwoze

Jesaea 1:31

Daṛean hoṛko do rohoṛ busupʼ lekan kope hoyokʼa, ona reakʼ kạmi do seṅgel reakʼ alaṅ leka. Ona do mitʼ dhaogeye lokʼa; ar okoehõ ona seṅgel do bako ĩṛĩcʼ daṛeakʼa.” bańcaoicʼ

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”

Levitikus 11:29

“Huḍiń jiwiyanko modren okoe do otreko ạcur baṛae onko modre biji, goḍo, cerceṭecʼ;

Jesaea 13:9

Ńelpe, Probhu Isorakʼ din do hijukʼ kana. Ona do kurmutạha, kurkurạukʼ ar jaljalaokʼkan edreante hijukʼ kana; pirthimi ar onaren kại hoṛko cabako lạgitʼge hijukʼ kana.