Jesaea 66:16 - সান্তালী বাইবেল

¹⁶ Probhu Isor do seṅgel ar tarwaṛete sanam manwako cetanre acʼakʼ bicạr reakʼe kạmiya; uni do onkoe gocʼkoa ar onkoakʼ lekha do ḍherokʼtakoa.

Jesaea 66:16 Referans Kwoze

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Jesaea 27:1

Enhilokʼ Probhu Isor do acʼakʼ keṭecʼ ar maraṅ daṛean tarwaṛete uni khiṛiạpaṭeye dạṛetʼkan biń Libiathone sạjạiyea. Ar jalapurire menae uni danob doe gojea.

Jesaea 3:13

Probhu Isor do mambla lạgitʼe beretʼ akana; uni do eṭakʼ eṭakʼ jạtrenko bicạrko lạgitʼe teṅgo akana.

Jesaea 10:4

Ape do bondiko talarepe tahena se gocʼkoren gatepe hoyokʼa; unre ape do cetʼge bape ceka daṛeakʼa. Ar niạko hoylenre hõ uniyakʼ edre do baṅ thirokʼtaea; ńit hõ uniyakʼ ti do tulge menakʼtaea.

Jesaea 31:8

Probhu Isore meneda, “Manwa khonakʼ baṅkan nonkan mitʼṭecʼ tarwaṛe reakʼ hạnte Ạsurrenko doko gurokʼa; ar ona tarwaṛege onko doe ńẽtʼkoa. Uniren hoṛko do tarwaṛe samaṅ khonko ńir pharakokʼa ar onkoren juạnko do khaṭao lạgitʼko jormoṭkoa.

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jirimiạ 25:31

Dhạrti reakʼ ses simạnako hạbicʼ ona reakʼ saḍe do ańjomokʼa, ente Probhu Isor do jạt jạtrenko upạrte mamblae ạguiya. Uni do sanam manwae bicạrkoa ar dusṭạmi hoṛ do tarwaṛeteye gocʼkoa.’ ”

Jirimiạ 25:33

Unre Probhu Isor okoekoe gocʼko onko do dhạrti reakʼ mitʼ simạ khon eṭakʼ simạ hạbicʼ sanam ṭhạ̃ire sombhotʼ bhinḍạṛ akanko tahena. Onko lạgitʼ do celege bako halaṅ homora se onko do celehõ bako jarwakoa se topa hõ bako topakoa, menkhan onko do ot cetanre guricʼ lekako hoyokʼa.

Jirimiạ 45:5

Enḍekhan cekate apnar lạgitʼ maraṅ maraṅakʼko dom asokʼ kana? Ona do alom asokʼa. Disạime, sanam hoṛko cetanre iń do muhin iń ạguiya, menkhan jãhãtegem calakʼ iń do amakʼ jiwiń rukhiyạitama. Iń Probhu Isorge niạ katha doń meneda.’ ”

Jirimiạ 46:15

Aperen lạṛhại phạdko do cedakʼko bhagao ocokʼa? Onko do ghuriạ bako teṅgo daṛeakʼa, ente Probhu Isorge latarteye ṭhelao ńurkoa.

Jeheskel 5:15

Iń do tinre heṛan edre, ar raṅgao ar heṛan eger hotete amiń sạjạimea unre am beṛhaeten jạtrenko do am ńelteko tharbasaokʼa; onko ṭhen am do nihạ̃t ar landa-dhutʼicʼgem hoyokʼa ar mitʼṭecʼ sontoricʼ lekage.

Jeheskel 38:17

“ ‘Iń Probhu Isorgeń menetʼ kana, sedaeakʼ dinkore ińren gutiko, metakʼme Israelren nạbiko hotete okoeyakʼ kathań roṛletʼ uni do cetʼ am dom baṅkana? Ona jokhecʼ bochorke bochor nạbikoko menleda, iń do onko upạrteń ạgumea.

Joel 3:2

unre iń do sanam jạtrenkoń jarwa mitʼkoa ar Jehosaphat reakʼ buru nalareń pheḍ ạgukoa. Onḍe ińakʼ sompotti, metakʼme ińren hoṛ Israelko reaṅ onko upạrteń bicạra, ente jạt jạtrenko tala khon onko do ińren hoṛko chirchạturletʼkoa ar ińakʼ disạmko hạṭińjoṅan tahẽkana.

Amos 7:4

Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Nạhum 3:3

ar aswariko doko ńir bhiṛạukʼkana, tarwaṛe do jhak jhakaokʼ kana, ar borlom do malkaokʼkana. Ńelpe, ḍher ghạl akan hoṛ ar mạ̃ṛĩko reakʼ ḍạṅge, alekha mạ̃ṛĩkoge, ar hoṛko do mạ̃ṛĩreko hãṛãgokʼ kana.

Nạhum 3:15

Seṅgel do onḍe ame jommea; ar tarwaṛe doe samakʼmea ar jarkharetʼkan pohoko lekae marao utạrmea. Am do makʼraokan ar jhãke jhãk pohoko leka lekhate saṅge idikʼme.

Sakariạ 14:5

Ape do buru reakʼ ona buru nalatepe dạṛjoṅa, ente ona buru nala do Asel hạbicʼ calakʼa. Jihudạren raj Usiạwakʼ rajokʼ oktere dhạrti laṛaokʼ jokhecʼ cetʼ lekape dạṛletʼ onkagepe dạṛa. Ona tayom ińren Probhu Isor do uniren sanam sonotko soṅgeteye ạgukoa.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

Jeheskel 28:18

Amakʼ aema ghạṭ ar bedhorom pherbepar iạte am do apnarakʼ koejoṅ reakʼ ṭhạ̃ikom besonot akada. Ona iạte amre seṅgeliń jeretʼleda ar ona doe lo roṅgoketʼmea; okoeko ńeńelkan tahẽkan onko sanamkoakʼ mẽtʼ samaṅre am do ot reakʼ torocʼ lekageń hoyocoketʼmea.