Jesaea 66:15 - সান্তালী বাইবেল

¹⁵ Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Jesaea 66:15 Referans Kwoze

Jesaea 30:33

Ente jolokʼkan jaega do laharege tear ṭhik akana; ona do raj lạgitʼ sapṛao akana. Ona jaega do khạndri ar osarge benao akana, ar onare seṅgel lạgitʼ ḍher sahanko menakʼa. Probhu Isorakʼ sahẽtʼ do jolokʼkan gondhok ạtukʼ leka onare seṅgele jereda.

Mathae 22:7

Unre raj doe raṅgaoena ar acʼren palṭonkoe kolketʼkote khũniạhikoe maraoketʼkoa ar onkoakʼ nagrahakoe jeretʼ giḍikatʼtakoa.

Sereńko 97:3

Seṅgel do uni laha lahate calakʼ kana; ona seṅgel do uni beṛhaeten sanam bạirikoe ḍahao maraoetʼkoa.

Sereńko 68:17

Isorakʼ rãt gạḍi do hajar hajar, lakh lakh; Probhu Isor do onako talare sonot ṭhạ̃ire menaea, cetʼleka uni do Sinại burureye tahẽkan.

Sereńko 21:9

Amem sodorokʼre onko do culhạ reakʼ jolokʼkan koela lekam hoyocokoa. Probhu Isor do edreteye utʼgotʼkakoa, ar uniyakʼ seṅgelte onko doe atar giḍikoa.

Sereńko 11:6

Uni do bedhoromko cetanre muskilakʼkoe kola; ar onkoakʼ bhạgre jolokʼkan gondhok ar seṅgel hoegeye kola.

Jirimiạ 4:3

Probhu Isor do Jihudạ ar Jerusalemren hoṛkoe metakokana, “Arna ot abad joṅpe ar jạnumko talare itạ do alope era.

Sereńko 50:3

Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Amos 7:4

Ona tayom Probhu Isor do ar mitʼṭecʼ dorsone udukʼạdińa. Probhu Isor do sạjại emokʼ lạgitʼ seṅgele hohowadea. Ar ona seṅgel do jalapuriye jomkeda ar ot hõ jojome ehopʼena.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

2 Patras 3:7

Ar Isorakʼ inạ mitʼ kathatege ńitokʼakʼ serma ar dhạrti do seṅgelte ḍahao maraokʼ lạgitʼ dohoakana; Isor bebhokti hoṛkoakʼ bicạr ar ḍahao marao din hạbicʼ ona do jogao dohoakana.

Dosar Biboron 28:20

“Bạṛicʼakʼko kạmi iạte Probhu Isor do apeakʼ sanam kạmireye sarap apea, uni do ḍamaḍol ar nisṛạuge apereye kola, ar onatepe heṛ idikʼa ar thoṛa okte khangepe marao utạrokʼa.

Jesaea 5:25

Ona iạte Probhu Isorakʼ edre do uniren hoṛko upạrte jolokʼkana; uni do ti tulkateye hạnetʼkoa. Buru-boṭkocʼko do daldalaoena ar mạ̃ṛĩko do horkore mạilạ leka ńur tahẽyena. Niạko tayom hõ uniyakʼ edre do baṅ thirlena, uni do ti tulgeye dohoakatʼtaea.

Jesaea 5:28

Onkoakʼ sar do dhargetakoa, onkoakʼ akʼ do ṭuniạuge menakʼtakoa; onkoren sadomkoakʼ khurạ do cok muki dhiri leka jhalkaokʼ kana, ar onkoakʼ rãt gạḍiko reakʼ pạ̃ihạ̃ko do hoe bharḍo leka.

Jesaea 10:17

Israel reakʼ marsal do hoyokʼa seṅgel leka; onkoren sonotko doko hoyokʼa mitʼṭecʼ seṅgel lepʼ leka. Ar ona seṅgel do mitʼ dinre ona reakʼ joto jạnum ar rạṅgạinikoe atar giḍiya.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 31:9

Onkoren raj do botorteye dạṛ pạnḍuja; uniren senaputiko do jhạnḍi ńelte ạḍiko botorokʼa.” Sionre okoeyakʼ seṅgel ar Jerusalemre okoeyakʼ bhaṭa menakʼtae, uni Probhu Isorge niạ katha doe meneda.

Jesaea 51:20

Amren hoponko doko jhin jhinạu akana; onko do kulhi mucạtʼre jhạlire sapʼakan jhaṅkaṛ jel lekako giticʼ akana. Onko cetanre Probhu Isorakʼ edre, amren Isorakʼ sạjại onkore paṛao akana.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jirimiạ 25:37

Probhuakʼ jolokʼkan edre iạte sulukte perecʼ ṭạnḍiko do potit jumi leka tahena.

Jirimiạ 46:15

Aperen lạṛhại phạdko do cedakʼko bhagao ocokʼa? Onko do ghuriạ bako teṅgo daṛeakʼa, ente Probhu Isorge latarteye ṭhelao ńurkoa.

Jeheskel 5:15

Iń do tinre heṛan edre, ar raṅgao ar heṛan eger hotete amiń sạjạimea unre am beṛhaeten jạtrenko do am ńelteko tharbasaokʼa; onko ṭhen am do nihạ̃t ar landa-dhutʼicʼgem hoyokʼa ar mitʼṭecʼ sontoricʼ lekage.

Jeheskel 38:17

“ ‘Iń Probhu Isorgeń menetʼ kana, sedaeakʼ dinkore ińren gutiko, metakʼme Israelren nạbiko hotete okoeyakʼ kathań roṛletʼ uni do cetʼ am dom baṅkana? Ona jokhecʼ bochorke bochor nạbikoko menleda, iń do onko upạrteń ạgumea.

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Habakkuk 3:8

E Probhu Isor, gaḍako cetanre amakʼ edre do cetʼ caṛhao akana? Amakʼ edre do cetʼ gaḍako cetanrege paṛao akana? Am do cetʼ jalapuri cetanrem ạṛis akana? Ona iạte cetʼ am do amren sadomko ar amakʼ jit reakʼ rãt gạḍikorem decʼ baṛaekana?

Sereńko 18:9

Uni do sermae liwetʼketʼteye pheḍ hecʼena; ar uniyakʼ jaṅga latarre do hende rimil tahẽkana.

Jesaea 30:30

Probhu Isor do acʼakʼ botoranakʼ kurkurạukʼ, jojom seṅgel reakʼ lepʼ, hoe dakʼ ar arel ńurokʼ hotete acʼakʼ ṭhonokanakʼ aṛaṅe ańjom ocokoa ar sạjại reakʼ tiye udukʼakoa.

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Sakariạ 6:1

Iń do arhõń beṅgetʼketʼ khan ponea rãt gạḍiń ńelkeda. Onako do barea buru tala khon oḍok hijukʼkan tahẽkana. Ar ona burukin do tama reakʼ tahẽkana.