Jesaea 66:13 - সান্তালী বাইবেল

¹³ Gogo cetʼleka acʼren hoponakʼ jiwiye raṛejtae onkage jiwi raṛecʼ iń emapea; ar ape do Jerusalemre jiwi raṛecʼpe ńama.”

Jesaea 66:13 Referans Kwoze

2 Korinthiko 1:4

Aleakʼ joto duk ar haronre uni do jiwi raṛecʼe emalekana, jemon uni ṭhen khonle ńamakatʼ jiwi raṛecʼakʼ do eṭakʼkoakʼ duk ar santaorele emdaṛeako.

1 Thessalonikikko 2:7

menkhan ona bodolte cetʼleka gogo do acʼren gidrạkoe jotonetʼko, onkage ale hõ apeko talare tahen jokhecʼ lạlu bạcule beoharleda.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jesaea 40:1

Aperen Isorre meneda, “Ińren hoṛko jiwi raṛecʼ emakope, Jiwi raṛecʼ emakope.

Jesaea 66:10

Ape okoe Jerusalempe dulạṛetʼ ape do uni tulucʼ rạskạkʼpe, ar uni iạte hulạsokʼpe; ape okoe uni iạtepe dukokʼkan ape do uni tulucʼ rạskạkʼpe.

Sereńko 137:6

Amiń disạ doholem khan ar Jerusalem do ińakʼ joto khon rạskạ reakʼ jinis mente bạń hudis lekhan, enḍekhan alaṅ do ińakʼ tạrurege jalatʼ hapekokʼma.

2 Korinthiko 1:3

Aboren Probhu Jisu Mạsiren Isor ar Babawakʼ sarhao hoyokʼtae ma. Uni kangeae mãyãwan Baba do; ar sanam jiwi raṛecʼren Isor hõ.

Sereńko 94:19

Ińakʼ monre bạṛicʼ dạndiko tinre ḍherokʼ kana, unre amakʼ jiwi raṛecʼ reakʼ katha do ińakʼ ontore rạskạ ocoyetʼtińạ.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Jesaea 51:12

Probhu Isore meneda, “Iń kangeạń apeakʼ jiwi rakʼṛecʼicʼ do. Manwa do cedakʼpe botorako kana? Onko doko gujukʼgea. Manwa hopon do ghãs baragge thoṛa okteko tahena.