Jesaea 66:11 - সান্তালী বাইবেল

¹¹ Ape do nunuipe ar bikʼpe Jerusalem reakʼ bạ̃skin khon asambheṛ oḍokokʼ kan bhạlại reakʼ jomkate tirpitokʼpe.

Jesaea 66:11 Referans Kwoze

Jesaea 60:16

Gogo cetʼleka acʼren hopone nunuae onkage boṅgan hoṛ jạtrenko ar rapajko do akoakʼ bhage bhage jinisko emama. Ar unrem baḍae daṛeakʼa, iń Probhuge amren babańcaoicʼ, amren chakʼḍaoicʼ, ar ińge Jakobren uni daṛeanicʼ do.

Joel 3:18

“Enhilokʼ maraṅ buruko khon nãwã darkha rasako ńamokʼa ar huḍiń buruko khon do toage. Jihudạ reakʼ sanam dakʼ ạtukʼ nalako khon do dakʼ ạtu oḍokokʼa. Probhu Isorakʼ oṛakʼ khon hõ mitʼṭecʼ jharna phuṭạukʼte Siṭim reakʼ buru nalare dakʼe emakʼa.

Jesaea 60:5

Ona ńelte am do rạskạtem kharsalakʼa, ar hulạstem perejokʼa; jalapuri reakʼ dhon do am ṭhenko ạguiya, ar jạt jạtrenkoakʼ dhon do am ṭhen hijukʼa.

Sereńko 36:8

Amakʼ oṛakʼ reakʼ jomakʼ jomte onko doko tirpitokʼa; amakʼ hạ̃s reakʼ ar gaḍa reakʼem ńu ocokoa.

1 Patras 2:2

Nãwã janam bale gidrạ leka apeakʼ jiure hara rakabokʼ lạgitʼ khạṭi toa ńam reakʼ gagojokʼpe, jemon onatepe hara rakabokʼte purạpuri bańcaokʼ secʼpe laha idikʼ.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Jesaea 60:2

Ńelme, dhạrti do ńutte dapal akana ar boṅgan hoṛ jạtrenko cetanre do kaṛaṅ ńutge, menkhan Probhu Isor do am cetanre marsale emokʼa ar uniyakʼ mạhima do am cetanre sodorokʼa.

Jesaea 62:2

E Jerusalem, boṅgan hoṛ jạtrenko do amakʼ dhorom, ar sanam rapajko do amakʼ ṭhonokko ńela; am do mitʼṭecʼ nãwã ńutumem ńum ocokʼa, Probhu Isorge ona ńutum doe emokʼa.