Jesaea 65:9 - সান্তালী বাইবেল

⁹ Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Jesaea 65:9 Referans Kwoze

Jesaea 27:6

Hijukʼkan dinkore Jakob doe rehedokʼa, ar Israel doe bahakʼa ar sagenokʼa ar goṭa dhạrti do joteye pereja.”

Romiko lạgitʼ Pạul Apostolakʼ ciṭhi 11:28

Bhage sombat secʼte apeakʼ bhạlại lạgitʼge onko do ńitokʼ Isorren bạiri kanako. Menkhan Isorakʼ bachao lekate onko do hapṛamko iạte Isorren dulạṛiạko kanako.

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭo ocoya.

Sephaniạ 3:20

E Jerusalemren hoṛko, ona jokhecʼ iń do apeń ạgu jarwapea. Ar lahate leka tinreń ruạṛkatapea unre dhạrtiren sanam jạtrenko talare ape do manot ar ṭhonokan hoṛiń hoyocopea, ar onape ńela. Iń Probhu Isorge noa katha doń meneda.”

Jeheskel 36:24

“ ‘Boṅgan hoṛ jạtrenko tala khon ińge apeń oḍok ạgupea; ar goṭa disạm khoniń jarwapea ar apeakʼ disạmteń ruạṛ ạgupea.

Jesaea 65:22

Onko oṛakʼko benao lekhan eṭakʼko do onḍe ar bako tahena, se dareko rohoele khan eṭakʼko ona reakʼ jo do bako joma. Ińren hoṛkoakʼ bahaokʼ din do mitʼṭecʼ dare somange hoyokʼtakoa; ar ińiń bachao akawan hoṛ do ḍher din akoakʼ tite kạmiyakʼko bhogjoṅa.

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Jesaea 32:18

Ińren hoṛko do sulukte perecʼ jaegare, khạtirjomako tahen jaegare ar nirdạndi tahen jaegare girobas akanko tahena.

Jesaea 30:19

E Sionren hoṛko, okoe do Jerusalemrepe tahenkan, ape do ar bape raga. Goṛo ńam lạgitʼpe rakʼle khan uni do khạṭigeye dayawapea. Uni do ańjom torageye roṛ ruạṛapea.

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 49:8

Probhu Isor do nonkae meneda, “Bạsutakʼ okterege amiń roṛ ruạṛama ar bańcaokʼ reakʼ dinre amiń goṛowama. Iń do amiń rukhiyạmea ar am hotete hoṛko lạgitʼ mitʼṭecʼ bondobosiń dohoya, jemon disạmem teṅgo ruạṛ daṛeakʼ ar ujạṛakʼ jaegakore hoṛko arhõm ạidạri daṛeako.

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.