Jesaea 65:6 - সান্তালী বাইবেল

^6-7 “Ńelpe, onkoakʼ katha iń samaṅre ol menakʼa. Iń do ar thir hape akan bạń tahena bickom sạjạiyiń emakoa. Onkoren hapṛamkoakʼ kại lạgitʼ do onkogeń dạyikoa. Onko do burure dhupko jeretʼeda ar onḍe ińko nihạ̃t edeńkana; ona iạte onkoakʼ kuṛại do soṅ ateń emakoa.”

Jesaea 65:6 Referans Kwoze

Sereńko 50:3

Aboren Isor doe daraekana, uni do mocae jhijtaea; ar seṅgel do uni laha lahate sanamakʼe atar giḍiya; ar uni beṛhaete ạḍi botorgeye hoe bharḍoea.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Sereńko 79:12

E Probhu Isor, ale aḍepase jạtrenko do oka leka aleko henostawale kana, ona reakʼ eae doboṛ sạjại baṛe hala ruạṛakome.

Jesaea 64:12

E Probhu Isor, niạko tayom hõ cetʼ am do duṛupʼ hape akanem tahena? Am do cetʼ hape akan tahente ãṭte sạjạiyem emalea?

Jesaea 42:14

“Iń Probhu Isor do ḍher din khoniń hape akana; iń doń thirakan ariń rokao akana. Menkhan ńitokʼ do gidrại janam edekan maejiu lekań kikiạukʼkana, ahkaokʼ kạnạń ar phõ phõń sãhetʼeda.

Sereńko 50:21

Noako joto do amem onka akada, menkhan iń do moca bạń jhicʼ akatʼtińa; amem hudiseda am lekan mitʼ hoṛ kạnạń, menkhan iń do amakʼ doskoń udukʼama ar amakʼ sanamakʼ do am mẽtʼãhã samaṅreń uduga.

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭecʼ puthi hõ oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol tahẽkan onkage onkoakʼ bicạr do hoyena.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Joel 3:4

“Ńitokʼ do E Tur, Sidon ar Philisṭi reakʼ sanam ṭoṭhako, iń sãote apeakʼ do cetʼ? Ape do cetʼ iń cetanrepe hala hạkʼli kana? Iń cetanre hala hạlipe menetʼ khan ape okape cekae iń hõ apeakʼ bohokʼre usạrate onań paṛao ocoya.

Jeheskel 22:31

Onatege ińakʼ edre do onko cetanreń dultińạ ar onkoakʼ colon reakʼ kuṛại do onkoakʼ bohokʼ cetanreń paṛao ocoya ar ińakʼ jolokʼkan edrete onkoń jeretʼ giḍikoa. Iń Probhu Isorge noa katha doń meneda.”

Jeheskel 11:21

Menkhan okoeyakʼ ontor do bạṛicʼ murhutʼ ar hirkhạwan boṅga muṭhạnko secʼge menakʼa, onkoakʼ kạmi reakʼ kuṛại do onkoregeń dula. Ar iń Probhu Isorge noa katha doń roṛeda.”

Sereńko 56:8

Tinạkʼ dhaoiń ńir baṛa akatʼ ona mam baḍaege; ińakʼ mẽtʼ reakʼ mẽtʼ dakʼte amakʼ kupi perejtam. Noako do cetʼ amakʼ puthire ol bạnukʼa.

Dosar Biboron 32:34

Ona do iń ṭhen doho-baege menakʼa, ińakʼ dhon oṛakʼre mohor chapakatʼge.

Exodus 17:14

Ona tayom Probhu Isor do Moseye metadea, “Noa lạṛhại reakʼ katha disạ dohoy lạgitʼ mitʼṭecʼ puthire ol dohokakʼme ar Josuạ metaeme, iń do dhạrti khon Amalekikoakʼ ńutumiń mohor meṭaotakoa.”

Luk 6:38

Dan emokʼpe, enḍekhan ape hõpe emocokʼa; ota khacao khacaote, ruku rukute, curu buruateko gochawapea, ente cetʼlekape soṅakoa onkage ape hõko soṅ ruạṛapea.”

Sereńko 107:17

Lelha hoṛ do akoakʼ pap reakʼ hor iạte, ar akoakʼ ghạṭ iạteko sasetokʼkana.

Sereńko 109:14

Onkoren hapṛamkoakʼ bedhorom reakʼ katha do Probhu Isorakʼ monre tahenma; onkoren eṅgatkoakʼ kại do alo mohor meṭaokʼma.

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Jesaea 26:21

Ńelpe, dhạrtiren hoṛko kại reakʼ sạjại emako lạgitʼ Probhu Isor do acʼakʼ tahen ṭhạ̃i khone oḍok hijukʼ kana. Dhạrti do acʼre joro akan mãyãme sodora; ar acʼre khũn akanko do bae dapalkoa.

Jesaea 59:18

Ar hoṛ okako ceka akatʼ onage uni doe ruạṛakoa; ar okoe acʼ secʼrenko baṅkan onko cetanre acʼakʼ edreye dulakoa ar bạṛicʼ kạmi reakʼ sạjạiye emakoa. Uni do sạṅgiń disạmren hoṛkoakʼ kuṛại hõe emkatakoa.

Jesaea 66:6

Ańjompe, nagrahare kạumạu ańjomokʼ kana; ańjompe, mundil khon aṛaṅ ańjom hijukʼkana; noa do Probhu Isorakʼ aṛaṅkangea uni do acʼren bạirikoe sạjạiyetʼkoa.

Jeheskel 9:10

Ona iạte onko do mãyãte bạń beṅgetʼakoa, ar aṛakʼ hõ bạń aṛakʼkoa; ar okako cekayetʼ ona reakʼ kuṛại do onkoreń dula.”