Jesaea 65:4 - সান্তালী বাইবেল

⁴ Onko do topakoreko ikṛum baṛaekana ar danaṅ ṭhạ̃ireko tahẽ aṅgakʼkana; onko do sukri jelko jomeda ar bespha jel reakʼ suṛạ hõ onkoakʼ celaṅre tahenkana.

Jesaea 65:4 Referans Kwoze

Jesaea 66:17

Probhu Isore meneda, “Okoe sukri gel, goḍo gel ar eṭakʼ bạṛicʼakʼ jinisko jom ar porob cakʼlaoko tayom tayomte Jaher ṭạnḍire bolokʼ lạgitʼ debotako ńutumte apnarko begarokʼ arko sonotokʼ, onko do mitʼ domteko marao ocokʼa.

Levitikus 11:7

Sukri do bar hạṭińte khurạ menakʼtakogea, menkhan bako pạgura, onate onko hõ ape lạgitʼ doko besaphagea.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Luk 8:27

Ado Jisu lạukạ khone pheḍgotʼen khan onḍenicʼ mitʼṭen hoṛ do uni ṭhene hecʼena. Uni hoṛ do ạḍi utạr bhutko capaṛ akawade tahẽkana ar ḍher din khon kicricʼko hõ bae horokʼ bandeyetʼ tahẽkana, ar oṛakʼre tahẽ baṅkate mạ̃ṛĩ poḍakoregeye tahenkan tahẽkana.

Mathae 8:28

Inạ tayom Jisu do doreão hanasa Gadarikoakʼ elakateye calaoena. Unre bạṛicʼ jiu capaṛ akatʼkin bar hoṛ do mạ̃ṛĩ poḍa khon oḍokente Jisu ṭhenkin hecʼena.

Jeheskel 4:14

Unre ińiń menkeda, “E Probhu Isor, nonka do alo baṛe hoyokʼma. Iń do tishõ bạń besapha akana. Gidrạ khon ńit hạbicʼ acʼte gocʼ akan janwar se janwar hotete ciro gocʼicʼakʼ jãhãnakʼge bạń jomakada. Jãhãn besapha jel do ińakʼ mocate baṅ bolo akana.”

Dosar Biboron 18:11

okoe do bhutko hoteteye kạmikan, okoe do bạṛicʼ jiu sãoteye peṛakʼ ar okoe do gocʼ hoṛkoe ḍakaoko.

Dosar Biboron 14:21

“Gocʼ akan nonkan jãhãn jiwiyanko hõ alope jomkoa, ente ape do aperen Probhu Isor ńutumte mitʼṭecʼ begar akan jạtrenko kanape. Apeakʼ ato se nagrahareko girobasokʼkan eṭakʼ jạtren hoṛko ona dope em daṛeakoa ar ona do onkoko jom daṛeakʼa, se eṭakʼ porjạtrenko ṭhen dope ạkhriń daṛeakoa.

Dosar Biboron 14:8

Sukri doko besaphagea; khurạ hạṭińgetakore hõ bako pạgura. Onkoakʼ jel do alope joma ar joṭetʼ hõ alope joṭeda.

Dosar Biboron 14:3

“Ape do jãhãn hirkhạwakʼ jinisko alope joma.

Numeri 19:11

“Jãhãege jãhãn mạ̃ṛĩye joṭed enḍekhan uni do eae din hạbicʼ besapha akane tahena.

Exodus 34:26

Apeakʼ khet baṛge khon rakapʼakʼ pạhil phosol reakʼ bhage utạrakʼ hĩs do Probhu Isorakʼ oṛakʼtepe ạguiya. “Merom hoponakʼ jel do uniren eṅgatakʼ toa sãote alope isina.”

Exodus 23:19

Apeakʼ khet khon rakapʼakʼ pạhil phosol reakʼ bhage utạrakʼ hạṭiń do aperen Probhu Isorakʼ oṛakʼtepe idiya. Ar merom hoponakʼ jel do uniren eṅgatakʼ toa sãote alope isina.

Sakariạ 9:7

Onkoakʼ moca khon mãyãm sudhạ jel ar baronakʼ eṭakʼakʼ jomakʼ iń oḍoktakoa. Onko modre okoe jiwetʼko tahen onko do ińren hoṛko hoyokʼa; onko do Jihudạren mitʼṭen bõsren lekako hoyokʼa ar Ekron do Jebusiko lekae hoyokʼa.