Jesaea 65:3 - সান্তালী বাইবেল

³ Onko hoṛ do ạuṛiyakʼteko ạṛis ocoyediń kana; onko do bagwankore samaṅokʼakʼko samaṅeda ar iṭạkore dhupko jeretʼeda.

Jesaea 65:3 Referans Kwoze

Jesaea 1:29

“Hẽ, ape okoe do debdạru darepe sewawakʼ kan tahẽkan ape do ona iạtepe lajao ocokʼa, ar okako bagwanrepe sewayetʼ tahẽkan ona iạtepe nihạ̃t ocokʼa.

Jesaea 66:17

Probhu Isore meneda, “Okoe sukri gel, goḍo gel ar eṭakʼ bạṛicʼakʼ jinisko jom ar porob cakʼlaoko tayom tayomte Jaher ṭạnḍire bolokʼ lạgitʼ debotako ńutumte apnarko begarokʼ arko sonotokʼ, onko do mitʼ domteko marao ocokʼa.

Jobakʼ 1:11

Menkhan ma ti tiạrkate uniyakʼ jotowakʼre hạneme, enḍekhan khạṭige uni do am samaṅre henosta reakʼ kathae roṛa.”

Dosar Biboron 32:21

Isore baṅkan nonkanicʼko sewawaekante ar bako botorạńkante onko do ińko ãṭ ocoakadińa; ar onkoren boṅga murhutʼko iạte ińko khĩs ocoakadińa. Okoe do jạtrenko baṅkan onkoakʼ tire soprotkate onkoń jaljalao ocokoa; ar mitʼṭen bebuj jạtrenkoakʼ tire soprotkate onkoń khĩs ocokoa.

Jesaea 3:8

Jerusalem doe tohotʼ akana ar Jihudạ doe bhindạṛ akana, ente unkinakʼ katha ar kạmi do Probhu Isor birudrege hoyokʼkana; unkin do uni samaṅrege uniyakʼ ṭhonok kin nihạ̃tetʼ akada.

Jobakʼ 2:5

Ti tiyạrtam ar hạneme, khạṭige uni do am upạrte henosta reakʼ kathae roṛa.”

Levitikus 17:5

Israelkoren okoeko janwar ṭạnḍireko samaṅokʼkan onko do Probhu Isor ṭhen ạguko reakʼ hukum emakana. Ar onko do ńapamokʼ tạmbu reakʼ duạr ṭhen Probhu Isor ńutumte sulukren samaṅokʼakʼ menkate samaṅko hoyokʼa.

Jeheskel 20:28

Okaṭakʼ disạm emako reakʼ iń kiriạlen onḍe idiko tayom onko do jãhãrege usul buru ar hạriạṛ dare buṭạko ńelketʼ onḍege janwarko samaṅketʼkoa. Onko do samaṅokʼ reakʼ porobkote ińko khĩs ocokedińạ.

Jirimiạ 3:6

Josiạ rajakʼ rajokʼ oktere Probhu Isor do ińe metadińạ, “Bạṛicʼakʼ horteye sen akan Israel okae cekakan ona do cetʼem ńel akatʼgea? Uni do sanam usul buruko cetanre ar hạṛiạr dare buṭạkore senkateye laṭghaṭ akada.

Sereńko 78:58

Onko do buru coṭ reakʼ pinḍko beoharkate uniko bekusi ocokedea; ar tite benaoakʼ murtiko pujạwatʼkote uniko edre ocokedea.

Sereńko 78:40

Hahaṅkarre samani dhao uni upạrteko hulleda, ar ona hahaṅkarre samani dhao uniko duk ocokedea?

2 Rapajko 22:17

Onko do ińko bạgi giḍi akadińạ ar debotako ńutumte dhupko jeretʼetʼ kana ar akoakʼ titeko benao akatʼko sanam murhutʼkote ińko khĩs ocoyediń kana; ona iạte niạ jaega upạrte ińakʼ edre do salgaokʼkan tińạ ar ona do baṅge ĩṛĩjokʼa.’

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.