Jesaea 65:22 - সান্তালী বাইবেল

²² Onko oṛakʼko benao lekhan eṭakʼko do onḍe ar bako tahena, se dareko rohoele khan eṭakʼko ona reakʼ jo do bako joma. Ińren hoṛkoakʼ bahaokʼ din do mitʼṭecʼ dare somange hoyokʼtakoa; ar ińiń bachao akawan hoṛ do ḍher din akoakʼ tite kạmiyakʼko bhogjoṅa.

Jesaea 65:22 Referans Kwoze

Sereńko 91:16

Ar ạḍi diniń bahaoeteń purun ocoyea; ar ińakʼ babańcaoiń ńel ocoyea.”

Sereńko 21:4

Uni do am ṭhen jione koeleda, ar am do onam emadea; ar ḍher din bahaokʼ lạgitʼem danadea.

Jesaea 65:15

Ińren bachao akan hoṛko do jãhãe henostako lạgitʼ apeakʼ ńutumko ńumtapea. Probhu Isor do apeye gocʼpea, menkhan acʼren golamko do ar mitʼṭecʼ ńutume emakoa.

Jesaea 65:9

Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Genesis 5:27

Mathusala do jotote aresae turuigel are bochor jiwetʼe tahẽkana ar ona tayom doe gocʼena.

Genesis 5:5

Adam do jotote are sae pegel bochor jiwetʼe tahẽkana ar ona tayom doe gocʼena.

Levitikus 26:16

enḍekhan ape cetanre noakoń ạguya, iń do ackage apeakʼ hoṛmore khoy rogko, mẽtʼ bolokʼ rog ar jiwi loraokʼ rogkoń ạguiya. Ar ape do noako rog iạte bape ńeńela ar hoṛmo reakʼ daṛeko ńur cabakʼtapea. Unre itạpe erlere hõ jãhãn lab do baṅ hoyokʼtapea, ente apeakʼ phosol do bạirikoko joma.

Jesaea 62:8

Probhu Isor do acʼakʼ jojom tite, acʼakʼ daṛeanakʼ tite kiriạkateye men akada, “Iń do ar tishõ amakʼ anajko bạirikoakʼ tire bạń emokʼa ar okaṭakʼ darkha rasa lạgitʼpe khaṭaokʼkan ona hõ bidisiạko do tishõ bako ńũiya.

Jesaea 62:9

Ona do okoe phosolko samaṭaoa onkoge joma ar Probhu Isorko sarhaoea. Okoe darkha rasako jarwae onko do ińakʼ sonot ṭhạ̃i reakʼ racareko ńũiya.”

Jesaea 66:22

Probhu Isore meneda, “Oka nãwã serma ar nãwã dhạrtiń sirjạu ar cetʼleka iń samaṅre ona ṭikạu tahen onkage apeakʼ ńutum ar aperen bõsko hõko ṭikạu tahena.