Jesaea 65:20 - সান্তালী বাইবেল

²⁰ Onḍe do nunu gidrạko hõ bako gujukʼa, se haṛam hoṛ hõ bahaokʼ din ạuri cabakʼtako hạbicʼ bako gujukʼa. Ar jãhãe mitʼsae bochor umerreye gocʼlenre hõ uni do juạn mentegeye bikạukʼa; ar okoe mitʼsae bochor bae bańcaokʼ uni do sarapanicʼe hoyokʼa.

Jesaea 65:20 Referans Kwoze

Jobakʼ 5:26

Cetʼleka oktere phosol rakabokʼ onkage purạ dinem bahaokʼa arem topa ocokʼa.

Dosar Biboron 4:40

Ape ar ape tayom aperen hoponko jemon bhạlại hoyokʼtako ar aperen Probhu Isor okaṭakʼ disạm jaejug lạgitʼe emape lạgidokʼ kan onare jemon ḍher din jiwetʼpe tahẽdaṛeakʼ onate iń do onako ạn-ạri ar hukumkoń emape kana onako manao idipe baṛe.”

Sereńko 34:12

Ape modre noa jion khemao do okoeye menetʼkana? Ar suk jomkate ḍher din bahaokʼ lạgitʼ do okoye khojkana?

Jesaea 3:11

Hae hae, bedhorom hoṛko do! Onko cetanre do muhin hijukʼa. Ar okako kạmikan ona reakʼ kuṛại doko ńamgea.

Jesaea 22:14

Phạdkoren Probhu Isor do niạ katha iń ṭhene sodor akada, “Apepe gujukʼre hõ niạ kại do baṅ ikạkʼtapea. Iń phạdkoren Probhu Isorge niạ kathań meneda.”

Sakariạ 8:4

Umerte laha akan herel hoṛ ar maejiuko do arhõ Jerusalem reakʼ ṭhạ̃ire duṛupʼkate okteko khemaoa ar ḍher umer iạte onko mimitʼkoakʼ tire do ṭheṅga tahena.