Jesaea 65:18 - সান্তালী বাইবেল

¹⁸ Iń okań sirjạuetʼkan ona ńutumte jaejug kusi akanpe tahena arpe rạskạkʼa, ente Jerusalem do mitʼṭecʼ rạskạ reakʼ ar uniren hoṛkoakʼ kusi reakʼ jinis lekań sirjạuea.

Jesaea 65:18 Referans Kwoze

1 Thessalonikikko 5:16

Jao okte rạskạkʼpe,

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jesaea 49:13

E sermako rạskạte sereńpe; E pirthimi, hulạsokʼme; E buru-ḍuṅgriko, hulạsokʼpe; ente Probhu Isor do acʼren hoṛko jiwi raṛecʼe emakoa ar santao ocokʼkan acʼren hoṛko cetanreye mãyãkʼa.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 25:9

Enhilokʼ hoṛko mena, “Ńelpe, nui kangeae aboren Isor do; abo do uni koyokʼ horrege bon tahẽkana jemone bańcao daṛeabon. Uni kangeae Probhu do; abo do uni koyokʼ horre bon tahẽkana. Dela, abo do uniyakʼ bańcao kạmi iạte rạskạ arbon hulạsokʼma.”

Sephaniạ 3:14

E Sion kuṛi, ma sereńme; E Israel, ãṭ aṛaṅte hohoeme; E Jerusalemren kuṛi, am do kusikʼme ar amakʼ goṭa ontorte rạskạkʼme.

Jesaea 51:11

Probhu Isorren rukhiyạ akan hoṛ doko ruạṛ hijukʼa ar sereń sereńte Sionteko rakapʼa. Ar jaejugakʼ rạskạge onkoakʼ bohokʼ reakʼ mukuṭ do hoyokʼtakoa. Onko do ạḍiko hulạsokʼa ar duk ar kũhrạu do onko khon ńir pharakokʼa.

Jesaea 9:3

Am do onko jạtrenkom ḍherkoa ar onkoakʼ rạskạm maraṅtakoa; phosol ir jokhecʼ cetʼ leka hoṛko rạskạkʼ, luṭakʼ jinis hạṭiń oktere cetʼ leka rạskạ hecʼako, onkage onko do am samaṅreko rạskạkʼa,

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 35:10

Probhu Isorren chaḍao hoṛ doko ruạṛ hijukʼa. Onko do rạskạ sereń sereńte Sionteko bolokʼa; onkoakʼ bohokʼ reakʼ mukuṭ do jaejug reakʼ rạskạge hoyokʼtakoa. Onko do kusi ar rạskạte onako ńama, unre duk ar kũhrạukʼ dokin dạṛjoṅa.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 51:3

Sion do khạṭige jiwi raṛecʼ iń emaea ar uniyakʼ sanam jarkharakʼko cetanreń mãyãkʼa; Ona reakʼ hahaṅkar do Eden bagwan lekań hoeocoya ar khaṅgoṭ ot do Probhu Isorakʼ bagwan leka. Onare do hulạs, rạskạ, sarhao ar sereń reakʼ aṛaṅkoge ńamokʼa.

Jesaea 60:15

“Am do bạgi arem hirkhạ ocolen tahẽkanre, am talate okoehõ bako calakʼkan tahẽkana, menkhan am do jaejug ṭhonokạnicʼ iń hoyocomea piṛhi cetan piṛhi sanamkoren rạskạwạnicʼge.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Sakariạ 2:10

Probhu Isore meneda, “E Sion-kuṛi, rạskạte sereńme ar hulạsokʼme, ente ińiń hijukʼkana, ar iń do ape talareń girobasokʼa.

2 Bõsbudạ 6:41

“E Probhu Isor, ńitokʼ do amakʼ jirạukʼ ṭhạ̃ite hijukʼme; dela hijukʼme ar amakʼ daṛeanakʼ sinduk hijukʼma. E Probhu Isor, amren naekeko do dhorom reakʼ kicricʼko horogma. Am okam bhạlại akatʼ ona lạgitʼ am bhuktiamko doko rạskạ joṅma.