Jesaea 65:11 - সান্তালী বাইবেল

¹¹ Menkhan ape okoe do Probhu Isorpe bạgi akawadea ar ińakʼ sonot burupe hiṛiń akatʼ, ar okoe do bhạg lạgitʼ mejpe sajaoetʼ ar likhạ lạgitʼ bubulakʼkote bạṭikope perecʼetʼ,

Jesaea 65:11 Referans Kwoze

Jesaea 2:2

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.

Jesaea 1:28

Menkhan huhulko ar kạikại hoṛ do jotoge mitʼ sãoteko maraokʼa, ar okoe Probhu Isorko bạgi akade onko doko caba utạrokʼa.

Dosar Biboron 32:17

Onko do bạṛicʼ jiuko teṅgenatʼkoa. okoe do Isorko baṅkan, onko do nãwã boṅga ńutumte samaṅokʼakʼ porobko porobena, okoe do sor din lahareko upelakan, okoe do aperen hapṛamko bako botorakokan tahẽkan.

Ibriko 12:22

Ape do Sion buru ar jiwetʼ Isorakʼ nagraha ṭhenpe hecʼakana. Ona nagraha do hoyokʼ kana serma reakʼ Jerusalem. Ar hajar hajar serma goḍetkoakʼ rạskạ porob ṭhenpe hecʼakana;

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 2:28

E Jihudạ, apnar lạgitʼ okoe debotakom benao akawan onko do unre okareko tahenkana? Muhinrem paṛaolenre amko bańcao daṛeam khan doko hecʼocoge, ente aema nagrahako menakʼtama ar debotako hõko ḍhergetama.

Jesaea 65:25

Hunḍạr ar bhiḍi hopon do mitʼtekin ạtińa, dhạcri kul do ḍaṅgra leka busupʼe joma ar dhuṛi do bińakʼ jomakʼge hoyokʼa. Onko do ińakʼ sonot burure okare hõ bako hạhạna se bako nonosṭowa.

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Jesaea 11:9

Ińakʼ sonot buru reakʼ jãhãn jaegare okoehõ bako hạhạna, ar bako nonosṭoa, ente jalapuri cetʼleka dakʼte perecʼge tahen onkage Probhu Isorakʼ ạkilte dhạrti hõ perecʼge tahena.

Sereńko 132:13

Probhu Isor do Sione bachao akawana; uni do tahen lạgitʼ noageye khojleda.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Sereńko 137:5

E Jerusalem, amiń hiṛińlemre ińakʼ jojomti do okajakʼ alo baṛe hoyokʼtiń.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Jesaea 2:3

Jạt jạtren hoṛ do hecʼkateko mena, “Dela, abo do Probhu Isorakʼ burute bon rakapʼlenge, dela, Jakobren Isorakʼ oṛakʼte bon calakʼa. Uni do acʼakʼ hor reaṅe cetʼabona ar uniyakʼ horte bon taṛama.” Onko do noa kathako mena, ente Sion khon do hukum emogokʼa ar Jerusalem khon do Probhu Isorakʼ kathage.

Jesaea 66:20

Probhu Isor ńutumte samaṅokʼ lekate sanam jạtrenko tala khon aperen boehako do rãt gạḍikote, sadomkote, gadhakote ar ũṭkoante ińakʼ sonot buru Jerusalemteko hijukʼa. Israelko cetʼleka sapha bhajanre anaj samaṅokʼakʼ jinisko ạgui onkage onko do Probhu Isorakʼ oṛakʼteko ạguiya.

Jirimiạ 19:4

Ente onko do ińko bạgi giḍi akadińa ar niạ ṭhạ̃i do debotakoakʼ ṭhạ̃iko benao akada; onko do nonkan debotako ṭhen dhupko jeretʼeda one onkoakʼ katha do akoren hapṛamko se Jihudạren rapajko hõ tisge bako baḍaekan tahẽkan. Ona chaḍa niạ ṭhạ̃i do miridoskoakʼ mãyãmteko perecʼ akada.

2 Rapajko 21:3

Uniren apat Hiskiạ do okako than boṭkocʼkoe marao giḍiletʼ onako uni do arhõe jut arokeda. Israelren Ahab raj cetʼ lekae cekaletʼ onkage uni hõ Bakʼal debota ńutumte pinḍko ar mitʼṭecʼ Asera khunṭiye benaokeda. Uni do sermaren sanam ipilkoe sewawako kan tahẽkana.

Jirimiạ 7:18

Gidrạko do sahanko halaṅeda, apatko do seṅgelko joleda ar maejiuko do holoṅko sipiyeda ar sermaren rạni ńutumte piṭhạko benaoeda. Ar iń duk ocoyiń lạgitʼ onko do debotako ńutumte coḍor samaṅokʼakʼko samaṅeda.