Jesaea 63:9 - সান্তালী বাইবেল

⁹ Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Jesaea 63:9 Referans Kwoze

Exodus 33:14

Probhu Isore roṛ ruạṛketʼa, “Ińge am sãoteń calakʼa ar amiń jirạu ocomea.”

Malaki 3:1

Phạdkoren Probhu Isore meneda, “Ńelpe, ińren goḍetiń kolekana; uni do iń lahate senkate hore teara. Ona tayom okoe Probhu Isor lạgitʼ koyokʼ hor akae menakʼpe uni do ackage uniyakʼ oṛakʼteye hijukʼa; bondobos kạmi pukʼrạuicʼ uni goḍetge, one okoepe koyokʼ hore kan uni doe hijukʼkana.”

Aposkạmi 12:11

Unre Patras do disạ ạcurenteye menkeda, “Ńitokʼ do sạrigeń bujhạu daṛeakʼ kana, Probhu Isorge acʼren goḍete kolkedete Herodakʼ ti ar Jihudikoakʼ sanam bạṛicʼ phorphundi khone bańcao akadińạ.”

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Exodus 14:19

Unre Isorren okoeṭakʼ goḍet do Israelko laha lahateye calakʼkan tahẽkan uni doe ạcurente onko tayom secʼe senena. Ar rimil khunṭi hõ onko samaṅ khon tayom secʼ ocokʼente Israelko ar misriko talare teṅgoyena. Onate misriko secʼ do ńutge ar Israelko secʼ do ńindạre hõ siń leka hoyena. Onkate misriko do goṭa ńindạ Israelko ṭhen bako hecʼsor daṛeada.

Sereńko 78:38

Enhõ uni do mãyãteye perecʼgete onkoakʼ bedhoromakʼkoe ikạketʼtakoa, onko do bae marao giḍiletʼkoa; acʼakʼ edre do ghane ghạṛicʼe dobnaoketʼtaea, uniyakʼ edre do baṅ sarsao rakapʼlena.

Bikʼcạrko 10:16

Inạ tayom onko talare tinạkʼ debotako tahẽkan onko jotoko ocokʼ giḍikatʼkoa ar Probhu Isor sewawaeko ehopʼena. Israelkoakʼ kosṭo ńelte Probhu Isor do monre duke ńamkeda.

Ibriko 4:15

Aboren maraṅ naeke do nonkanicʼ doe baṅkana one okoe aboakʼ ńijortetʼre abo tulucʼ duk bae ńam, ente abo leka uni hõ joto secʼ khonge kại reakʼ biḍạu samaṅreye teṅgolena menkhan bae kạileda.

Genesis 48:16

uni serma Goḍet, okoe do sanam muhin reakʼ ti khone rukhiyạ akadiń, unige nukin gidrại bhorakinma. Nukin hotetege iń ar ińren hapṛam Abraham ar Isahakakʼ ńutum do jiwetʼ tahenma. Ar aboakʼ disạmre nukin bõsren hoṛ do lekhare ḍherko hoyokʼma.”

Johan sodor 5:9

Onko do noa nãwã sereńko sereńetʼ tahẽkana: “Amge ona puthi hataokate mohor chapko raṛae reakʼ lek kanam, ente am dom gocʼ ocolena. Amge amakʼ mãyãmte mimitʼ bõsko, pạrsirenko, disạmrenko ar jạt jạtrenko mod khon Isor lạgitʼ hoṛkom kiriń akatʼkoa.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Ibriko 2:18

Ar acʼge biḍạu sahaokate sasete jomletʼte uni do biḍạu ocokʼkankoe goṛo daṛeakoa.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

Aposkạmi 7:38

Nui Mosege hahaṅkarre Israelkoren ona dol modre aboren hapṛamko sãoteye tahẽkana. Ar okoeṭakʼ serma goḍet do sinại burure kathae roṛletʼ tahẽkan, onḍe do nui Mosege serma goḍet sãoteye tahẽkana. Ar abo emabon lạgitʼ jiwetʼ kathako do nui Mosege onḍeye ńamleda.

Hosea 1:7

Menkhan Jihudạren hoṛko doń dayawakoa ar onkogeń bańcaokoa. Ona bańcao do akʼ-sar se tarwaṛe se lạṛhại se sadom se aswariko hotete do baṅ hoyokʼa, bickom iń Probhu Isorge onkoń bańcaokoa.”

Luk 15:5

Are sendra ńamle khan uni do rạskạte tarenreye ladeyea.

Mathae 25:45

“Uni do roṛ ruạṛ akoteye metakoa, ‘sạrigeń metapekana, noko ińren huḍiń utạrko modre jãhãe mitʼ hoṛ tinạkʼge bape nonkawade, unạkʼge iń hõ bape onkawạdińa.’ ”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

1 Korinthiko 10:9

Onko modre ḍherkoge Probhu Isorko biḍạukedete cetʼleka biń gerteko gocʼlen, onka jemon Probhu Isor alo bon biḍạu aṭkare.

Aposkạmi 9:4

Uni do otreye bhindạṛena ar mitʼṭecʼ aṛaṅ metaekane ańjomkeda, “E Sạul, E Sạul cedakʼem khedeńkana?”

Exodus 33:15

Mose do uniye metadea, “Iń sãote bam calakʼ khan nonḍe khon do alom kolkalea.

Dosar Biboron 4:37

Uni do aperen hapṛamkoe dulạṛketʼkoa ar ona tayom do onkoren bõskoe bachao hataoana. Ar onate acʼ hạjir tahẽkate acʼakʼ maraṅ daṛete Misor disạm khon apeye oḍok ạguketʼpea.

Jobakʼ 37:23

Sanam daṛeanicʼ do babo ńam daṛeaea; daṛe ar hokre uni doe maraṅgea, asambheṛ dhorom iạte bae santaoa.

Jesaea 43:1

E Jakob, okoe ame sirjạu akatʼme, E Israel, okoe ame benao akatʼme, uni Probhu Isor do ńitokʼ niạ kathae meneda, “Alom botorokʼa, ente am doń chaḍao akatʼmea. Iń do amakʼ ńutum ńumkateń hohoakatʼmea, am dom ińren kana.

Jesaea 43:4

Am bodolte iń do eṭakʼ hoṛkoń emokʼa ar amakʼ jiwi bodolte eṭakʼ jạtrenkoń emokʼa, ente ińakʼ nońjorre am dom damangea arem manotgea, ar iń do amiń dulạṛetʼmea.

Jesaea 48:20

Ape do Babel khon oḍok calakʼpe, ar Babelrenko khon dạṛ pharakokʼpe. Ar rạskạ reakʼ aṛaṅte lại saḍepe ar noa jạhirpe, “Probhu Isor do acʼren golam Jakobe chaḍao akadea.”

Jesaea 51:10

Amge cetʼ khạndri jalapuri reakʼ dakʼ do bam ańjetʼ ocoleda? Amge cetʼ jalapuri bhitrite hor do bam tearleda one amren chaḍao akan hoṛko taṛam paromlen?

Jesaea 52:9

E Jerusalem reakʼ jarkharakʼko, ãṭ aṛaṅte hulạsate sereńpe, ente Probhu Isor do acʼren hoṛko jiwi raṛecʼe emakatʼkoa ar Jerusalem doe chaḍao akadea.

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Joel 2:18

Unre Probhu Isor do acʼakʼ disạm lạgitʼe ãṭokʼa ar acʼren hoṛkoe mãyãwakoa.

Exodus 15:13

Amakʼ asambheṛ dulạṛtem chaḍao ạguketʼkoa ar amge onko dom ạyurkoa. Apnarakʼ daṛete amakʼ sonot oṛakʼre amgem ạyur ạgukoa.

Sereńko 25:22

E Isor, Israelko akoakʼ sanam dukko khon chaḍaokome baṛe.