Jesaea 63:7 - সান্তালী বাইবেল

⁷ Iń do Probhu Isorakʼ dayań lại jạhira ar uniyakʼ sanamakʼ kạmi reakʼ iń sarhaotaea. Acʼakʼ daya ar asambheṛ dulạṛ iạte uni do Israel jạtrenko lạgitʼ ḍher bhạlại reakʼe kạmi akatʼte uni doń sarhaoea.

Jesaea 63:7 Referans Kwoze

Ephesiko lạgitʼ Pạul Apostolakʼ ciṭhi 2:4

Menkhan Isor do mãyãteye perecʼgea; uni do ạḍiye dulạṛetʼ bona.

Sereńko 86:5

E Probhu Isor, am do bhạlạiyicʼ arem dayayicʼ kana; ar okoe amko hohoam onkore do dayatem perecʼgea.

Sereńko 86:15

Menkhan E Probhu Isor, am do mãyãte perecʼ dayayicʼ Isor kanam; am do usạrate bam edre hodokʼa, amakʼ asambheṛ dulạṛ ar pạtiạrtetʼ reakʼ mucạtʼtetʼ do bạnukʼa.

Romiko lạgitʼ Pạul Apostolakʼ ciṭhi 2:4

Am do Isorakʼ asambheṛ daya, sahao daṛe ar soborim neṅghaoetʼtaea. Am dom hiṛiń akada, Isorakʼ noa daya do kại khone ạcur ruạṛetʼmea mente.

Sereńko 51:1

E Isor, amakʼ asambheṛ dulạṛ iạte ińre dayakʼme; amakʼ asambheṛ mãyãte ińakʼ sanam dusṭạmiko ikạ kạtińme.

1 Rapajko 8:66

Ona dosar hilokʼ raj do hoṛkoe bidạ baṛakatʼkoa. Probhu Isor do acʼren guti Dạud ar uniren hoṛ Israelko okae bhạlại akatʼko ona lạgitʼ kusi ar rạskạte hoṛko do rajko sarhaokedea ar oṛakʼteko ruạṛ calaoena.

1Timothi 1:14

Aboren Probhu Isor do asambheṛe daya akawạdińa ar Jisu Mạsi tulucʼ iń kolom mitʼakante oka biswạs ar dulạṛ menakʼ onae dan akawạdińa.

Romiko lạgitʼ Pạul Apostolakʼ ciṭhi 5:20

Ạn-ạriko emena jemon behokakʼko ḍherokʼ, menkhan okare behokakʼ ḍherena onḍege Isorakʼ daya hõ artetʼge bạ̃ṛtiyena.

Sakariạ 9:17

Onkoakʼ cehra do ạḍi mońj hoyokʼtakoa. Onkoakʼ phosol do onkoren juạn koṛakoe sahre ocokoa ar nãwã darkha rasate do onkoren juạn kuṛikoge.

Hosea 2:19

“E Israel, am sãote baplakʼ reaṅ do jaejug hạbicʼ iń kajak utạra; dhoromte, hok reakʼ bicạrte, asambheṛ dulạṛte ar dayate iń do ona reaṅiń kajak utạra.

Rak̕joṅ 3:32

Uni do duke emokʼrehõ enhõ uniyakʼ asambheṛ daya iạteye mãyãkʼgea,

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Jesaea 54:8

Raṅgao capeyạdiń tahẽkante am cetan khon mẽtʼãhãń danaṅletʼtińạ, menkhan jaejug reakʼ dulạṛte amiń mãyãwama. Iń amren chakʼḍaoicʼ Probhu Isorge noa katha doń roṛeda.

Jesaea 51:2

Aperen baba Abraham beṅgetʼaepe ar ape okoeye janam akatʼpe uni Sara hõ beṅgetʼaepe. Iń tinreń hohowade tahẽkana unre uni do mitʼ hoṛgeye tahẽkana, ar uniń bhoradete lekhare aema hoṛiń hoy ocoketʼkoa.

Sereńko 107:31

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.

Sereńko 107:21

Manwako lạgitʼ Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.

Sereńko 107:15

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaoema.

Sereńko 107:8

Manwako lạgitʼ Probhu Isorakʼ hahaṛa kạmiko iạte ar uniyakʼ asambheṛ dulạṛ iạte onko do uniko sarhaokedea.

Sereńko 63:3

Amakʼ asambheṛ dulạṛ ńam joṅ do bańcao tahen khon hõ bogegea; ińakʼ moca do ame sarhaomea.

Nehemiạ 9:35

Onkoakʼ rajokʼ oktere am emakʼ maraṅ ar rosaṛ disạmre asambheṛ bhạlạiko jomleda, enhõ onko do amko bạgi giḍiwatʼmea ar bạṛicʼ hor khon bako ruạṛlena.

Nehemiạ 9:31

Menkhan amakʼ asambheṛ daya gunạkʼte onko do bam maraoletʼkoa se bam bạgi giḍiletʼkoa ente am do daya ar mãyãte perecʼ Isor kanam.

Nehemiạ 9:27

Onatege am do bạirikoakʼ tirem jimạletʼkoa ar bạiriko do onkoko santaoetʼko tahẽkana. Onkoakʼ kosṭo oktere onko do am ṭhenko rakʼ homoretʼ tahẽkana ar am do serma khonem ańjomletʼtakoa. Amakʼ maraṅ daya iạte onko bańcaoko lạgitʼ hoṛkom kolletʼkoa. Ar bạirikoakʼ ti khon onkom bańcaoketʼkoa.

Nehemiạ 9:25

Onko do pạcrite esetʼ ḍher nagraha ar bhage jumikoko dokholana; ar bhage bhage jiniste perecʼ oṛakʼ-duạr ar benao ṭhikakʼ kuńko, darkha bagwanko, jạitun bagwanko ar ạḍi utạr jo teakʼ dareko ạidạriana. Onko do jomkateko tirpitena arko moṭayena ar amakʼ maraṅ bhạlạiteko hesecʼ sekrecʼlena.

2 Bõsbudạ 7:10

Ar eae cando reakʼ bargel pe din hilokʼre raj do hoṛko nij nij oṛakʼteye kolkatʼkoa. Dạud, Solomon ar uniren hoṛ Israelko cetanre Probhu Isor do okae bhạlại akatʼko onate rạskạte ar kusi monte oṛakʼteko ruạṛ calaoena.

Mathae 7:11

Apepe bạṛicʼgere hõ aperen gidrạko bhage bhage jinisko emakope baḍaekan khan, enḍekhan sermare menae aperen Baba do tinạkʼ artetʼ acʼ koeye kanko bhageakʼkoe emakoa!

Exodus 18:9

Misrikoakʼ ti khon Israelko bańcaoko lạgitʼ Probhu Isor okae bhạlạiyketʼko onate Jethro do rạskạteye menkeda, “Bhạgangeae Probhu Isor do, one okoe Pharao ar Misrikoakʼ ti khon apeye bańcao akatʼpe! Noko hoṛko do unige misrikoakʼ ti khone bańcao akatʼkoa.

Sereńko 25:6

E Probhu Isor, amakʼ mãyã ar khạndri dulạr reakʼ katha am do alom hiṛińa; onako do jug khonakʼge menakʼtama.

Sereńko 145:7

Ar am tinạkʼem bhạlại akatʼko onko do onako lại baṛaea, ar amakʼ dhorom reakʼ kathakote rạskạteko sereńa.

Jesaea 26:13

E Probhu, aleren Isor, am chaḍa eṭakʼ Probhuko hõ ale cetanre mạlikiko calaoleda, menkhan ale do eken amgele aṅgocetʼmea.

Jesaea 54:7

“Thoṛa ghạṛi lạgitʼ iń bạgiletʼmea, menkhan ạḍi mãyãkateń ruạṛ ạgumea.

Jesaea 54:10

Ente buruko do sahaṛokʼa ar ḍuṅgriko do ocogokʼa, menkhan ińakʼ asambheṛ daya do am khon tishõ baṅ sahaṛokʼa ar ińakʼ suluk reakʼ bondobos hõ baṅge ocogokʼa.” Am cetanre okoeyakʼ mãyã menakʼtae uni Probhu Isorge noa katha doe meneda.

Jesaea 64:5

Okoe do Isorakʼ sana leka kạmi lạgitʼ rạskạko ńametʼkan ar amko disạyetʼmete amakʼ horteko calakʼkan onko goṛowako lạgitʼ am dom hijukʼ kana; menkhan ale dole kại akada ar ḍher din khon inạ dosarege menakʼlete ale cetanre ạḍim raṅgao akana. Enḍekhan cekate bańcao dole ńama?

Sereńko 103:2

E ińakʼ jiwi, Probhu Isor sarhaoeme; uniyakʼ jãhãn bhạlại reakʼ katha alom hiṛińa.