Jesaea 63:6 - সান্তালী বাইবেল

⁶ Iń do edrete jạt jạtrenko jaṅgateń en ketʼkoa; ar edrete bul bhuteṛko lekań hoyocoketʼkoa ar otre onkoakʼ mãyãmiń suḍrạu ocokeda.”

Jesaea 63:6 Referans Kwoze

Johan sodor 16:19

Ar ona maraṅ nagraha do pe hạṭińte hạṭińena ar jạt jạtrenkoakʼ nagrahako do lạnduṛena. Tayomte ona maraṅ nagraha Babel reakʼ katha Isor do disạ hecʼadea, uni do acʼakʼ edre reakʼ botoranakʼ bubulakʼte perecʼ bạṭi reakʼ ńũi lạgitʼ Babele emadea.

Johan sodor 14:10

enḍekhan uni do Isorakʼ edre reakʼ bubulakʼ ńũńũi hoyokʼtaea. Ar noa bubulakʼ sãote dakʼ baṅ mesal akatʼ Isorakʼ edre reakʼ bạṭire dul akana. Sonot sermaren goḍetko ar Bheḍa Hopon samaṅre seṅgel ar gondhokte uni hoṛ doe saset ocokʼa.

Jesaea 49:26

Okoe amko santaome onkoakʼ jel do onkogeń jom ocokoa; onko do bubulakʼ leka akoakʼ mãyãmko ńũiya arko bulokʼa. Unre sanam manwako baḍaea, iń Probhu Isorge amren babańcaoicʼ ar chakʼḍaoicʼ, ar Jakobren uni daṛeanicʼ do.”

Johan sodor 18:21

Tayomte mitʼṭen daṛeanicʼ serma goḍet do maraṅ jante dhiri lekanakʼ mitʼṭecʼ dhiri jalapurire lebda giḍikateye menkeda, “Nonkage ona maraṅ nagraha Babel do lebda giḍi ocokʼa. Ona do ar tishõ baṅ ńamokʼa.

Johan sodor 16:6

Noko hoṛko do Isorren hoṛko ar nạbikoko khũn akatʼkoa. Onate am do noa mãyãm ńũi lạgitʼem emakatʼkoa ar noage onko lạgitʼ do lek kana.”

Rak̕joṅ 3:15

Haṛhatʼakʼkote uni doe perecʼ akadińạ, ar bisteye bi ocoakadińạ.

Jesaea 29:9

Ape do ṭhak ar hahaṛakʼpe; jạpitʼkate kãṛãkʼpe, menkhan darkha rasa ńũte do alo; konḍe manḍekʼpe, menkhan bubulakʼ iạte do alo;

Sereńko 75:8

Probhu Isorakʼ tire mitʼṭecʼ bạṭi menakʼa, onare do mosola mesao akatʼ cãwãoakʼ darkha rasa menakʼa. Uni do ona bạṭi khone dul oḍoka; ar dhạrtiren sanam bedhorom hoṛko ona reakʼ lenda hõ lendako hińjitʼ joṅa arko ńũiya.

Sereńko 60:3

Amren hoṛko do akalem ńel ocoakatʼkoa; ar nonkan darkha nạ̃ṛĩ reakʼ rasam ńũ ocoakatʼlea onate ale do bul hoṛko lekale taṛameda.

Jobakʼ 21:20

Uni do acʼakʼ mẽtʼte acʼakʼ maraokʼe ńelma; uni do sanam daṛeanicʼakʼ edre baṛeye ńũima.

Jesaea 22:5

Phạdkoren Probhu Isor ṭhen khon dorson reakʼ buru nalare do heṛan botorge hoyakana, onḍe do ḍamaḍol ar lebetʼ gańjao ar andmandao reakʼ dinge hecʼakana. Ona do pạcri rạputʼ giḍikakʼ ar buru-nala ṭhen rakʼjoṅ reakʼ mitʼṭecʼ din kangea.

Jesaea 34:2

Sanam jạtrenko cetanrege Probhu Isor doe edre akana; onkoren sanam lạṛhại phạdko cetanre uni do ạḍiye edre akana. Uni doe marao utạrkoa, onko do jarkharakʼ tireye jimạkoa.

Jesaea 34:7

Onko sãote do bir ḍạṅgrako, sanḍ ḍaṅgrako ar juạn ḍaṅgrako hõko gurkoa. Onkoakʼ disạm do mãyãmte ńũ bulokʼa, ar itilte dhuṛi do poṭomokʼa.

Jesaea 51:17

E Jerusalem, ebhenokʼme, beredokʼme; ar teṅgonme. Ente am do Probhu Isorakʼ ti khon uniyakʼ edreteakʼ bạṭi khonem ńũ akada; okaṭakʼ bạṭi khon manwa do ńũkateko konḍe manḍekʼ ona bạṭi reakʼ do amgem ńũ ańjetʼakada.

Jesaea 65:12

apeakʼ likhạ do tarwaṛegeń hoeocoya, ar ape sanamkoge gur ocokʼ lạgitʼ hoṭokʼpe lahaetapea. Ente, iń do apeń hohowatʼpe tahẽkana menkhan bape goṅledińa, ińiń roṛleda menkhan bape ańjomletʼtińạ. Ińakʼ mẽtʼre ape do bạṛicʼakʼpe kạmi akada ar iń edre ocoyiń lạgitʼ onape bachao akawana.”

Jirimiạ 13:13

Enḍekhan onkom metakoa, Probhu Isore meneda, ‘okoe niạ disạmreko girobasokʼ kan, metakʼme Dạudakʼ siṅghạsonre duṛupʼ akan sanam rapajko, naekeko, nạbiko ar Jerusalemre girobasokʼ kan jotoge iń doń bul ocokoa.

Sephaniạ 3:8

“E Jerusalem, am do iń lạgitʼ koyokʼ horre tahenme; oka hilokʼ jạt jạtrenko upạrte goha emokʼ iń teṅgona enhilokʼ lạgitʼ koyokʼ hor akae tahenme. Iń doń ṭhik akada, jạt jạtrenkoń jarwakoa, ar rajosṭikoń mitʼ ṭheja ar onko cetanre ińakʼ khĩs, ar ińakʼ jolokʼkan edreń dula. Ińakʼ ontorre jolokʼkan seṅgelte goṭa dhạrti do lo cabakʼa.