Jesaea 63:15 - সান্তালী বাইবেল

¹⁵ E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Jesaea 63:15 Referans Kwoze

Jirimiạ 31:20

Ephrayim do cetʼ ińren sadher hopon doe baṅ kantińạ? Nui do cetʼ uni hopon doe baṅ kantińạ one uni ńelteń kusikʼkan? Uni upạrte jao okte kathań roṛ akatʼrehõ enhõ iń do jaogeń disạyede kana. Ona iạte ińakʼ jiwi do uni lạgitʼe rakʼeda; uni lạgitʼ ińakʼ daya do menakʼgetińạ.

Dosar Biboron 26:15

E Probhu Isor, amakʼ sonot tahen ṭhạ̃i khon baṛe beṅgedme ar amren hoṛ baṛe beṅgetʼakome, metakʼme Israelko baṛe bhoraleme. Aleren hapṛamko ṭhen amakʼ gokʼakʼ lekate toa ar dumur rasate perecʼ okaṭakʼ disạmem emakawatʼle noa disạm hõ bhorakʼtaleme.’

Hosea 11:8

“E Ephrayim, am do cekateń bạgimea? E Israel, cekate am do eṭakʼ hoṛakʼ tireń jimạmea? Cekate iń do Adma ar Seboyim lekań marao utạrmea? Am lạgitʼ ińakʼ ontor do ahkaokʼkantińa; ińakʼ daya do amre rakabokʼkana.

Sereńko 123:1

E serma reakʼ siṅghạsonre duṛupʼ akanicʼ; iń do am secʼiń beṅgetʼ rakapʼeda.

Sereńko 80:14

E sanam daṛeanicʼ Isor, am do ruạṛ hijukʼme; serma khon oyoṅkate ńelme ar noa darkha nạ̃ṛĩ baṛe hiri idiyme.

Sereńko 33:14

Okoe dhạrtireko girobasokʼ kan onko do acʼakʼ tahen ṭhạ̃i khone beṅgetʼako kana.

1 Johan 3:17

Noa dhạrtire jiwetʼ tahen lạgitʼ okoeyakʼ ạsulokʼakʼko menakʼtae, ar acʼren boehawakʼ reṅgecʼ ńelkate hõ bae beṅgetʼae enḍekhan cekate uniyakʼ ontorre Isorakʼ dulạṛ do tahẽ daṛekokʼa?

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

Rak̕joṅ 3:50

Probhu Isor coṭ serma khon latarte ạuriye oyoṅ hạbicʼ.

Jesaea 66:1

Probhu Isore meneda, “Serma do ińakʼ siṅghạson kana ar ot do ińakʼ jaṅga lebedokʼakʼ ganḍo kana. Iń lạgitʼ oṛakʼ do okarepe benaoa? Ińakʼ koejoṅ reakʼ ṭhạ̃i do okare hoyokʼa?

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Jesaea 59:17

Uni do koṛam aḍtae lạgitʼ dhoromgeye horokʼana ar bohokʼre do babańcaoge. Uni do hala hạli reakʼ kicricʼe horokʼkeda ar edre do kicricʼ leka hoṛmoreye oyowana.

Jesaea 57:15

Ente usulicʼ ar coṭicʼ, okoe do jaejug tahẽakane tahenkan, uni sonoticʼ doe meneda, “Iń do usulakʼ ar sonotakʼreń tahẽnkana, ar nindhạnicʼ ar talga tạuạkʼicʼ sãote hõń tahenkana jemon nindhạnicʼ ar talga tạuạkʼicʼ hoṛakʼ ontoriń jiwetʼ ruạr ocoytae.

Jesaea 49:15

Ona iạte Probhu Isore meneda, “Gogo do cetʼ acʼren nunu gidrại hiṛiń daṛekea? Gidrạ janam akadiyicʼ do cetʼ gidrạ cetanre bae mãyãkʼa? Hẽ, Eṅgat do acʼren gidrại hiṛiń daṛekea menkhan iń do tishõ bạń hiṛińmea.

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Sereńko 89:49

E Probhu Isor, okayena amakʼ ona asambheṛ dulạṛ do? Amakʼ pạtiạrtetʼ khạtirte ona dulạṛ reakʼ gokʼakʼ oka do Dạud ṭhenem onkaletʼ.

Sereńko 25:6

E Probhu Isor, amakʼ mãyã ar khạndri dulạr reakʼ katha am do alom hiṛińa; onako do jug khonakʼge menakʼtama.

2 Bõsbudạ 30:27

Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.

1 Rapajko 8:27

“Menkhan Isor do cetʼ sạrige dhạrtiren manwako sãoteye girobasokʼa? Sermare, se coṭ serma reakʼ sanam jaegare hõ amakʼ okulạn hoyokʼkan khan ińakʼ benaoakʼ niạ oṛakʼre amakʼ jaega do cetʼ hoyokʼtama?

Sereńko 68:5

Isor do acʼakʼ sonot ṭhạ̃ire ṭũạrkoren baba kanae ar rạnḍiko secʼrenge.

Jesaea 16:11

Ińakʼ jiwi do Moab lạgitʼ, ińakʼ bhitri do Kir-Heres lạgitʼ peṛesaṅ leka ṭiṛiṅ ṭuṛuṅokʼ kana.

Jesaea 37:32

Ar sarecʼ hoṛ do Jerusalem khonko oḍokokʼa ar Sion buru khon do rukhiyạko ńamakatʼ mitʼ dol hoṛko hijukʼa. Phạdkoren Probhu Isorakʼ ãṭ do onageye hoeocoya.

Jesaea 42:13

Mitʼṭen birbão hoṛ leka Probhu Isor doe oḍok hijukʼa; uni do lạṛhại bir leka acʼakʼ tạpise uskurtaea; uni do lạṛhại lạgitʼ ãṭ aṛaṅteye hohoea ar bạiriko cetanreye jitạukʼa.

Jesaea 64:12

E Probhu Isor, niạko tayom hõ cetʼ am do duṛupʼ hape akanem tahena? Am do cetʼ hape akan tahente ãṭte sạjạiyem emalea?

Joel 2:18

Unre Probhu Isor do acʼakʼ disạm lạgitʼe ãṭokʼa ar acʼren hoṛkoe mãyãwakoa.

Sereńko 77:10

Ińiń menkeda, “Noakangea ińakʼ duk do, maraṅ Isorakʼ jojomti hõ bodol akantaea.”

Sereńko 80:15

Okako poha do amakʼ titem rohoe akatʼ, ar okaṭakʼ reakʼ ḍạr do am lạgitʼem daṛe ocoakatʼ;