Jesaea 63:14 - সান্তালী বাইবেল

¹⁴ Probhu Isorren Jiu do buru nalateko pheḍ hijukʼkan ạsul janwarko lekageye jirạu ocoketʼkoa. Uniyakʼ ṭhonokanakʼ ńutum bạisạutae lạgitʼ uni do acʼren hoṛkoe ạyurletʼkoa.”

Jesaea 63:14 Referans Kwoze

Jesaea 63:12

Okoe do Mose goṛowae lạgitʼ acʼakʼ ṭhonokanakʼ daṛeye ematʼko tahẽkan, okoe do acʼakʼ ńutum jaejug hạrjoṅ lạgitʼ onko samaṅre dakʼe bar hạṭiń ocoletʼ,

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Luk 2:14

“Sermare Isorakʼ ṭhonok dhạrtire suluk, manwakore kusi.”

Nehemiạ 9:5

Tayomte Liwiko mod khon Jesua, Kadmiyel, Bani, Hasabneya, Serebia, Hodia, Sebania, ar Petahia tekoko menkeda, “Ape do teṅgokate aboren Probhu Isor sarhaoepe, okoe do jug khon jaejug hạbicʼ menae.” Ona tayom onko do niạ menkate koejoṅko ehopʼena, “E Probhu Isor, amakʼ ńutum do sarhao ar ṭhonokte perejokʼma; ale emakʼ sanamakʼ sarhao khon hõ am dom maraṅgea.

1 Bõsbudạ 29:13

“Ńitokʼ do, E aleren Isor, amle sarhaoetʼme kana, amakʼ ṭhonok reakʼ ńutumle sarhaoetʼtama.

2 Samuel 7:23

Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Numeri 14:21

Menkhan ińiń jiwetʼge noa katha cetʼleka sạrikan onkage goṭa dhạrti hõ ińakʼ ṭhonokte perecʼgea ar noa cetʼleka sạrikan onkage,

Numeri 9:23

Probhu Isorakʼ hukumtege onko doko ḍerakʼkan tahẽkana ar Probhu Isorakʼ hukumtegeko mohnḍakʼkan tahẽkana. Mose hotete emakʼ hukum lekage onko do Probhu Isorakʼ hukumko dohoyetʼ tahẽkana.

Dosar Biboron 32:12

Probhu do eskarge uniye ạyur ạguyedea, uni sãote cele debota hõ bako tahẽkana.

Josuạ 21:44

Onkoren hapṛamko ṭhen Probhu Isorakʼ gokʼakʼ lekage uni do beṛhaeteakʼ lạṛhạiko khone jirạu ocoketʼkoa. Cele bạirige onko samaṅre bako teṅgo daṛeada. Probhu Isor do sanam bạiriko onkoakʼ tireye jimạkatʼkoa.

Jesaea 55:13

Ar jạnumko bodolte do saro dareko ar seṅgel siń bodolte do mehendi dareko hara rakabokʼa. Probhu Isor lạgitʼ ona do mitʼṭecʼ dikʼsạ cinhạge hoyokʼa. Ona cinhạ do tishõ baṅ maraokʼa.”

Jirimiạ 32:20

Am do Misor disạmre aema cinhạkom udukʼ akatʼa ar hahaṛawakʼkom kạmileda ar teheń hõ Israel ar sanam manwako talare onakom kạmikana, onate amakʼ ńutum do pasnao idikʼkantama.

Hagae 2:5

Ape tinre Misor disạm khonpe oḍok hecʼlena unre ape ṭhen noageń gokʼleda, ar ińren Jiu do ńithõ ape talare menaea. Ape do alope botorokʼa.