Jesaea 63:13 - সান্তালী বাইবেল

¹³ okoe do jalapuri talate onkoe ạyur idiletʼko uni do okare menaea? Ar onatege onko do hahaṅkarre taṛametʼkan sadom leka bako tohotʼlena.

Jesaea 63:13 Referans Kwoze

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Habakkuk 3:15

Amakʼ ạyurte sadom do doreãoko lebḍakeda ar athantar dakʼ doko haḍak ḍabak ocokeda.

Sereńko 106:9

Uniyakʼ hukumte arakʼ doreão do ańjetʼena; ar hahaṅkar talate calakʼ leka onko do jalapuri talateye parom idiketʼkoa.

Exodus 14:21

Tayomte Mose do jalapuri cetanre acʼakʼ tiye tiyạrketʼtaea; ar Probhu Isor do goṭa ńindạ mitʼṭecʼ purub reakʼ maraṅ hoeye ạguketʼte dakʼ doe bar hạṭiń ocokeda. Uni do dakʼe bar hạṭińketʼ khan jalapuri talate mitʼṭecʼ kuṭhạ̃ṛ hore tearkeda.

Sereńko 119:165

Okoe amakʼ hukumko dulạṛetʼ onko do ạḍi sulukko ńama; ar cetʼte hõ onko do bako tohodokʼa.

Kạhtukko 3:23

Unre am do amakʼ horkore khạtirjomam tahena, ar amakʼ jaṅga do bam tohodokʼtama.

Jeheskel 36:15

Jạt jạtrenkoakʼ landa dhutʼicʼ do ar bạń hoyocomea ar onkoakʼ henosta hõ ar bam ańjoma. Am khạtirte amren hoṛko do ar bako tohodokʼa. Iń Probhu Isorge noa katha doń meneda.’ ”

Sereńko 105:37

Uni do sona rupạ salakʼ Israelkoe oḍokʼ ạguketʼkoa; ar onko gusṭiko modren okoe hõ bako laṅgalena.