Jesaea 63:11 - সান্তালী বাইবেল

¹¹ Unre uniren hoṛ do mare din reakʼ katha, metakʼme Mose ar uniren hoṛko okte reakʼ kathako disạkeda. Onkoko menkeda, “Okoe do acʼren hoṛko ar onkoren mukhiyạko jalapuri talateye ạyur ạguletʼko, okoe do onko talare tahen lạgitʼ iạte acʼren sonot Jiue ematʼko tahẽkan uni do okare menaea?

Jesaea 63:11 Referans Kwoze

Numeri 11:17

Iń do onḍeń pheḍ hijukʼa ar am tulucʼ iń galmaraoa. Am cetanre okoe Jiu menae uni do onko cetanre hoń emokʼa. Hoṛkoakʼ bojha gog lạgitʼ onkoge amren gokʼṛokoko hoyokʼa. Onate am eskar bojha gogokʼ do baṅ lagaoama.

Hagae 2:5

Ape tinre Misor disạm khonpe oḍok hecʼlena unre ape ṭhen noageń gokʼleda, ar ińren Jiu do ńithõ ape talare menaea. Ape do alope botorokʼa.

Sereńko 77:20

Mose ar Aron hotete bhiḍi pal leka am do amren hoṛkom ạyurletʼkoa.

Numeri 11:25

Unre Probhu Isor do ona rimilreye pheḍ hecʼente Mose sãoteye galmaraokeda. Ar Mose cetanre okoe Jiue tahekan uni do onko eaegel murubbiko cetanre hõe emena. Ar tinre uni Jiu onkoreye hecʼena unre onko do thoṛa ghạṛicʼ lạgitʼ nạbi lekate kathako roṛkeda.

Exodus 14:22

Ar Israelko do jalapuri talate kuṭhạ̃ṛgeko parom calaoena. Ar jalapuri reakʼ dakʼ do onko dene banar secʼ teṅgo tahẽyena.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Numeri 11:29

Moseye roṛ ruạṛkeda, “Ińakʼ manotge am ṭhen do maraṅena? Ińiń khojogokʼakʼ do noage Probhu Isorren sanam hoṛge jemon nạbiko hoyokʼ ar Probhu Isor do acʼren Jiu onko cetanreye emokʼ.”

Daniel 4:8

Mucạtʼre Daniel do iń ṭhene hecʼen khan iń do mitʼṭecʼ kukmũń lạiyadea. Ińren debotawakʼ ńutum lekate uni do Beltesasare ńutum ocoyena. Unire nonkan sonotakʼ tahẽkana one ona do dhạrti reakʼ baṅkan.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Sereńko 143:5

Iń do sedae reakʼ kathań disạyeda, ar amakʼ sanam kạmiko reaṅiń ganḍonjoṅ kana; amakʼ ti okaṭakʼe cekayetʼ ona reakʼgeń hudiseda.

Sereńko 25:6

E Probhu Isor, amakʼ mãyã ar khạndri dulạr reakʼ katha am do alom hiṛińa; onako do jug khonakʼge menakʼtama.

Nehemiạ 9:20

Ar onko cetʼako lạgitʼ do amren bhạlạiyicʼ atmam danatʼko tahẽkana. Am do onko jom ocoko lạgitʼ serma khon Mannam emalena ar ona do bam bondleda; ar onkoakʼ tetaṅ maraotako lạgitʼ do dakʼem ematʼkoa.

Exodus 14:30

Probhu Isor do enhilokʼ nonkage misrikoakʼ ti khon Israelkoe bańcaoketʼkoa. Ar Israelko do misrikoakʼ mạ̃ṛĩko jalapuri aṛekoreko ńelkeda.

Ibriko 13:20

Oka mãyãmte sulukren Isorakʼ jaejug bondobos doho akan ona hotete Isor do aboren Probhu Jisu Mạsi, metakʼme bhiḍikoren maraṅ gupiyicʼ do gocʼko khone jiwetʼ beretʼkedea.

Sereńko 51:11

Am samaṅ khon alom pharak giḍikạńạ; iń khon amren sonot Jiu do alom idiyea.

Sereńko 106:9

Uniyakʼ hukumte arakʼ doreão do ańjetʼena; ar hahaṅkar talate calakʼ leka onko do jalapuri talateye parom idiketʼkoa.

Sereńko 106:44

Enhõ uni do onkoakʼ rakʼjoṅ iạteye beṅgetʼatʼkoa.

Sereńko 106:45

Onko lạgitʼ acʼe dohoakatʼ bondobos reakʼ kathae disạkeda; ar acʼakʼ asambheṛ dulạṛ lekate onkoreye mãyãyena.

Jesaea 43:16

Probhu Isor do jalapuri talate hore benaoleda, ona khạndri dakʼ talate suṛucʼ horgeye benaoleda.

Jesaea 63:10

Enhõ onko doko hulkeda ar uniren sonot Jiuko duk ocokedea. Ona iạte uni do onkoren bạiriye hoyena ar acʼtetʼge onko upạrte lạṛhạiye ehopʼena.

Hosea 12:13

Probhu Isor do Misor khon Israel ạguiye lạgitʼ mitʼṭen nạbiye beoharledea; uni hotete uniye ńel todarot ledea.

Amos 9:11

Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Bikʼcạrko 6:13

Gideone menkeda, “Menkhan E ińren Probhu Isor, am ale sãote menam khan enḍekhan ale cetanre noako do cedakʼ hoyokʼkana? Ar okayena uniyakʼ ona hahaṛa kạmiko one uniyakʼ katha aleren hapṛamko ṭhen khonle ańjomakatʼ, Probhu Isorge Misor disạm khone oḍok ạguletʼkoa mente? Menkhan ńitokʼ uni do aleye dea giḍiakatʼlea ar Midiạnrenkoakʼ tireye jimạ akatʼlea.

Sereńko 77:12

Amakʼ sanam kạmiko reaṅiń dhena; ar amakʼ sanam kạmi reakʼ kathakoń ganḍonjoṅa.

Sereńko 78:52

Noa tayom acʼren hoṛko do bhiḍi lekae oḍok ạguketʼkoa, ar hahaṅkar talate bhiḍi pal leka uni doe ạyurketʼkoa.