Jesaea 62:4 - সান্তালী বাইবেল

⁴ Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jesaea 62:4 Referans Kwoze

Sephaniạ 3:17

Amren Probhu Isor do amrege menaea, ar rurukhiyạme lạgitʼ daṛe menakʼgetaea. Uni do am reaṅ ạḍiye rạskạkʼa ar uniyakʼ khạndri dulạṛ reakʼ tirpitokʼte uni doe thir hapekʼa. Ar am reaṅ rạskạteye sereńa.”

Jesaea 62:12

Uniren hoṛko do, “Probhu Isor ńutumte begar ocoakan hoṛko men ocokʼa, metakʼme Probhuren chakʼḍao akan hoṛko.” E Jerusalem, am do, “Sendra ńam nagrahagem” men ocokʼa, metakʼme beretʼ ruạṛ akatʼ nagrahage.”

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoyakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Jirimiạ 3:14

‘Iń Probhu Isor do arhoń meneda, ‘E bạṛicʼ horte sen akan hoṛko, dela ruạṛ hijukʼpe, ente iń kangeạń aperen jãwãe do. Iń do ape tala reakʼ mimitʼ nagraha khon mitʼ hoṛ ar mimitʼ bõsrenko khon babar hoṛ bachaokate Sionteń ạgupea.

Jesaea 54:1

Probhu Isore meneda, “E bạńjhi, one tisge gidrạ bam janam akatʼko, am do rạskạte sereńme; ar am okoe do tishõ bedon baṅ rakapʼ akatʼme, am do hulạsokʼme ar andoṛme; ente jãwãe menaetayicʼ khon bạgi giḍiyicʼren hopongeko saṅgegetaea.

Jesaea 60:15

“Am do bạgi arem hirkhạ ocolen tahẽkanre, am talate okoehõ bako calakʼkan tahẽkana, menkhan am do jaejug ṭhonokạnicʼ iń hoyocomea piṛhi cetan piṛhi sanamkoren rạskạwạnicʼge.

Jesaea 62:5

Cetʼleka mitʼṭen juạn koṛa do mitʼṭen kũạri kuṛiye baplaye onkage amren hoṛ do amko baplamea; ar cetʼleka jãwãe koṛa do bạhu kuṛi iạteye rạskạkʼ onkage Isor hõ am iạteye rạskạkʼa.

2 Korinthiko 11:2

Iń do ape lạgitʼ ińakʼ ontorre Isor reakʼ khạndri ãṭteń ãṭokʼkana, ente iń do eken mitʼṭen jãwãe tulucʼ, metakʼme Mạsi tulucʼge apeakʼ bapla reaṅ iń ṭhik dohoakada, jemon niphuṭ kũạ̃ri kuṛi leka uni tireń jimạ daṛeape.

Jesaea 49:14

Menkhan Sion doe meneda, “Probhu Isor do ińe bạgi giḍi akadińạ, uni doe hiṛińkedeńạ.”

Johan sodor 21:2

Ar ona sonot nagraha, metakʼme nãwã Jerusalem do serma khon ar Isor ṭhen khon pheḍ hijukʼ kaniń ńelkeda. Cetʼleka bạhu do acʼren jãwãe lạgitʼe sajao sapṛao akan, onkage noa nagraha hõ sajao sapṛao ocoakan tahẽkana.

Johan 3:29

Okoe ṭhen bạhu kuṛiye jimạ ocoakan uni kangeae jãwãe beṭa do. Ar lomta koṛa do jãwãe beṭawakʼ kathae ańjoma ar uniyakʼ aṛaṅ ańjomteye rạskạkʼa. Onkage ińakʼ rạskạ hõ teheń do purạu akantińạ.

Ibriko 13:5

Ṭaka-poesa reakʼ laloc khon sahaṛakae tahenpe. Apeakʼ oka menakʼtape onatege dhirpur akae tahenpe. Isore meneda, “Iń do tishõ bạń alae mea ar tishõ bạń bạgi giḍimea.”

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jesaea 62:2

E Jerusalem, boṅgan hoṛ jạtrenko do amakʼ dhorom, ar sanam rapajko do amakʼ ṭhonokko ńela; am do mitʼṭecʼ nãwã ńutumem ńum ocokʼa, Probhu Isorge ona ńutum doe emokʼa.

Jesaea 65:19

Iń do Jerusalem iạteń rạskạkʼa ar ińren hoṛko iạteń kusikʼa; ona talare ar jãhãn rakʼjoṅ do baṅ ańjomokʼa.

Jirimiạ 33:9

Unre niạ nagraha do dhạrtiren sanam jạtrenko samaṅre ińe rạskạ ocoyińạ are manot ocoyińạ are sarhao ocoyińạ. Ar uni okakoń bhạlạiye ona do onko jạtrenko ańjom ńama, ar uniń em akawade asambheṛ bhạlại ar suluk ńelte hoṛko doko botorokʼa arko thar tharaokʼa.

Malaki 3:12

Unre sanam jạtren hoṛ do bhạganko metapea, ente apeakʼ disạm do hulạste perejokʼa. Iń phạdkoren Probhu Isorge noa katha doń meneda.”

Dosar Biboron 30:9

“Unre aperen Probhu Isor do sanamakʼteye bhạlạiypea. Uni do kạmikoreye bhorapea ar aperen hopon ar hoponerakoe saṅgekoa, mĩhũ-meromkoe bạḍ ocokoa ar jumi reakʼ phosole ḍher ocoytapea. Aperen hapṛamko cetanre uniyakʼ oka rạskạ tahẽkan ape cetanre hõ ona rạskạ iạtegeye bhạlạiypea.

Sereńko 16:3

Dhạrtire okoe doko Isorren hoṛkan, onko doko maraṅgea; ar onko iạtege iń doń rạskạkʼ kana.

Jeheskel 36:35

Onko doko mena, noa disạm do lahate maraolen tahẽkana, menkhan ńitokʼ ona do Eden bagwan leka hoyakana; ona reakʼ nagrahako do maraoakʼ, ujạṛakʼ ar jarkharakʼ hoylena, menkhan ńitokʼ do pạcrite esetʼ ar ḍerakʼ ṭhạ̃ige hoyakana.

Hosea 2:21

“Iń Probhu Isorgeń meneda, enhilokʼ amakʼ iń ańjomtama. Iń do sermań hukumaea; ar serma do dhạrtire dakʼe ema:

Hosea 2:22

ar dhạrti do phosol, nãwã darkha rasa ar sunume emaea, ar onko hotete Jisreyel, metakʼme Israel do ińakʼ monejoṅakʼe bujhạua.