Jesaea 61:3 - সান্তালী বাইবেল

³ jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Jesaea 61:3 Referans Kwoze

Sereńko 30:11

Ińakʼ homorokʼ bodolte am do enecʼjoṅem pherao ạdińa; ar gõṛẽ kicricʼem raṛaketʼtińte rạskạ dom oyo ạdińa,

Johan 16:20

Sạrigeń metapekana, ape dope rakʼjoṅa arpe hae haeyokʼa menkhan dhạrtiren hoṛ doko rạskạkʼa. Ape do dukpe ńama, menkhan apeakʼ noa duk do baṅ tahena; ona bodolte ape dope rạskạkʼa.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Sosolhayic̕ 9:8

Jao okte amakʼ kicricʼ do ponḍge tahenma ar bohokʼre sunum ojokʼ kate rạskạkʼme.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Sereńko 23:5

Bạiriko samaṅrege am do jomakʼ ar ńũiyakʼkom juṛạuạń kana, ar bohokʼre sunumem ojokʼạń kana; ar ińakʼ bạṭi do sareṛokʼ kan tińạ.

1 Korinthiko 6:20

Ape do apnar lạgitʼ dope baṅkana; ente aema damtepe kiriń ocoakana; onate apeakʼ hoṛmo do Isorakʼ mạhimakʼ lạgitʼ emokʼpe.

Sakariạ 3:5

Unre iń doń menkeda, “Uni do bohokʼre mitʼṭecʼ saphawakʼ dạhṛiye em ocokʼma.” Ona iạte onko goḍetko do uniyakʼ bohokʼre mitʼṭecʼ dạhṛi ar kicricʼ hõko horokʼadea.

Mathae 5:16

Onkage apeakʼ marsal do hoṛko samaṅre jolokʼtapema, jemon apeakʼ bhage kạmi ńelte aperen sermaren Babako sarhaoe.

Ester 8:15

Mordekai do mĩhĩ musnạ sutạm reakʼ beguni kicricʼ cetanre lil ar ponḍ roṅ reakʼ raj kicricʼ horokʼkate ar sona reakʼ mitʼṭecʼ mukuṭ bohokʼre horokʼkate raj samaṅ khone oḍok calaoena. Ar Susan nagraharen hoṛko do ãṭ aṛaṅteko hulạsena.

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.

Luk 15:22

“Menkhan apattetʼ do acʼren gutikoe metatʼkoa, ‘den usạrate mońj utạrakʼ kicricʼ ạguiype ar uni horokʼaepe. Tire mundạm ar jaṅgare panahi horokʼaepe,

Ester 9:22

Niạ reakʼ karon do hoyokʼkana, niạkin dinre Jihudiko do akoren bạirikoakʼ ti khon rukhiyạko ńamleda ar inạ candoge onkoakʼ duk ar hae haeyokʼ do sukte pheraolena. Uni do onkoe olatʼkoa jemon onakin din do hulạsateko manao arko bhoj ar eṭakʼko ṭhen do jomakʼ ar reṅgecʼko do sandesko emakote ona dinko manao.

Johan 15:8

Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

Sereńko 104:15

Darkha rasa do manwakoakʼ mone rạskạ ocoyeda, sunum do uniyakʼ mẽtʼãhãe malkao ocoyeda, ar piṭhạ do uniyakʼ jiwire daṛeye ạguiyeda.

Jesaea 12:1

Enhilokʼ am dom mena, “E Probhu Isor, iń do amiń sarhaomea, ente iń cetanre edrem sodorleda; menkhan ńitokʼ amakʼ edre do caba akana ar jiwi raṛecʼem emạń kana.

Mathae 15:13

Uniye roṛ ruạṛatʼkoa, “Sermaren ạpuń bae rohoe akatʼ mitʼke mitʼ poha do totʼ giḍi ocokʼa. Onate onkoakʼ katha do bạgiyakʼpe.

1 Korinthiko 3:9

ente ale do Isor tulucʼle kạmikana. Ar ape do Isorakʼ goḍa kanape, Isorakʼ benao akan oṛakʼge.

Ibriko 1:9

Am do dhoromem dulạṛeda ar bedhorom dom kurudakʼ kana; onate Isor, amren Isor do, amren soṅgetenko khon hõ bạ̃ṛti hulạs sunum lekae ojokʼ akatʼmea.”

Sereńko 149:4

Ente Probhu Isor do acʼren hoṛko iạteye rạskạkʼa; uni do mạ̃hir hoṛko bańcaokateye manotkoa.

Jesaea 26:2

Ape do phaṭok-duạrko jhijpe jemon dhorom ar pạtiạrko dohoyetʼ jạtrenkoko bolo daṛeakʼ.

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jirimiạ 31:13

Kũạri kuṛiko doko enecʼa arko rạskạ joṅa, juạnko ar haṛamko hõ bako badokʼa. Onkoakʼ homor halaṅ do rạskạteń pheraotakoa; duk bodolte jiwi raṛecʼ ar rạskạń emakoa.

Jeheskel 34:29

Iń do upjạuakʼ ot baṛgekoń emakoa; disạm talare onko do akalre ar bako paṛaokʼa ar eṭakʼ jạtrenko ṭhen hõ bako henosta ocokʼa.

Jeheskel 47:7

Onḍe seṭerkate iń do gaḍa banarsa aṛerege aema darekoń ńelkeda.

Sereńko 30:12

Jemon ińakʼ ontor hape alo tahentiń bickom am lạgitʼgeń sereń. E Probhu, ińren Isor, iń do jaejug amiń sarhaomea.