Jesaea 61:11 - সান্তালী বাইবেল

¹¹ Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jesaea 61:11 Referans Kwoze

Jesaea 58:11

Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Jesaea 45:8

“E sermako, de coṭ khon dakʼ jạṛipe; E rimilko dhorom jạṛipe. Ot do jhijokʼte bańcaoe janam ocoyma, ar ot do dhorome sagen ocoyma. Iń Probhu Isorge niạ doń sirjạu akada.

Soros sereń 4:16

Ebhenokʼme E utạr hoe ar dela hijukʼme E dạkhin reakʼ hoe. Aben do ińakʼ bagwan cetante hoe ben jemon ona reakʼ so do mahkao oḍokokʼ. Ińren dulạṛiạ do acʼakʼ bagwanre hecʼkate ona reakʼ bhage bhage jo ko baṛeye jomma.

Sereńko 85:11

Disạmre ot khon sạriyakʼ do omon oḍokokʼa; ar serma khon dhorom do latar secʼe oyoṅa.

Mathae 13:23

Ar bhage hasare ńuren itạ reakʼte do nonkanko lạgitʼ roṛ akana okoe do ona katha ańjomkateko bujhạuetʼkan ar joko emokʼkan. Adom do mitʼ sae doboṛ, adom do turui gel doboṛ, ar adom do pegel doboṛ.”

Mathae 13:3

Unre uni do phenkote ạḍi lekan sikhnạt emakoe ehopʼena.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Sereńko 72:16

Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

Sereńko 72:3

Uniyakʼ dhorom kạmi talate hoṛko lạgitʼ buru ḍuṅgrikote esetʼakan disạm do bhạlạiyte perejokʼma.

Mathae 13:8

Ar adomakʼ itạ do bhage hasare ńurente adom do mitʼ sae doboṛ, adom do turui gel doboṛ ar adom do pegel doboṛ gele beleyena.”

Jesaea 4:2

Enhilokʼ Probhu Isorakʼ kahle do husnạkʼ ar ṭhonokanakʼ hoyokʼ ar disạm reakʼ jo do Israelren sarecʼ hoṛkoakʼ mạhima ar saj lạgitʼge hoyokʼa.

Jesaea 45:23

Iń do ińakʼ ńutumtegeń kiriyạkʼ kana, ińakʼ dhoromte niạ katha doń meneda, ar ona do baṅ bạtilokʼa. Ona katha do hoyokʼkana, iń samaṅre mitʼke mitʼ gunṭhi do ikhṛumokʼa ar mitʼke mitʼ alaṅ do ińregeye kiriyạkʼa.

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Jesaea 46:13

Ińakʼ dhorom do ape ṭheniń ạguiyeda; sạṅgińre ona do bạnukʼa ar ińakʼ babańcao hõ baṅ bilomokʼa. Iń do Sionre babańcao iń dohoya, Israel lạgitʼ, ińakʼ ṭhonokʼ lạgitʼge.”

Jesaea 48:18

Ape do eken ińakʼ hukumpe ańjomletiń khan apeakʼ suluk do gaḍa leka ar dhorom do jalapuriko leka hoyokʼtapea.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Genesis 1:11

Ona tayom Isore menkeda, “Ot cetanre ghãsko janamokʼma; ar nonkan aṛakʼ sakam ar dareko hoyokʼma ar onako reakʼ itạko tahenma. Ot cetanre eṭakʼ eṭakʼ jo dareko janamokʼma ar onako hõ jo bahakʼma; ar onako reakʼ itạko tahenma.” Ar onkage hoyena.

Jesaea 62:2

E Jerusalem, boṅgan hoṛ jạtrenko do amakʼ dhorom, ar sanam rapajko do amakʼ ṭhonokko ńela; am do mitʼṭecʼ nãwã ńutumem ńum ocokʼa, Probhu Isorge ona ńutum doe emokʼa.