Jesaea 60:7 - সান্তালী বাইবেল

⁷ Kedarren pal bhiḍiko do am ṭhenko hecʼ jarwakʼa, Nebayotren bheḍako do amakʼ kạmireko lagaokʼa; ińakʼ pinḍre samaṅokʼakʼ lekate iń do onakoń ataṅa, ar ińakʼ ṭhonokʼ reakʼ oṛakʼ do artetʼgeń ṭhonok ocoya.

Jesaea 60:7 Referans Kwoze

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Genesis 25:13

Ar noa do Ismael bõsrenkoakʼ ńutum kana: Janam lekate uniren hoponkoakʼ ńutum do hoyokʼ kana, pạhilre Nebayot, uni tayom do Kedar, Adbeyel, Mibsam,

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Jesaea 42:11

Hahaṅkar ar ona reakʼ nagrahakoren do ãṭteko sarhao sereńma; Kedarre tahenkanko hõko sarhao sereńma, Selaren hoṛko hõ hulạsateko sereńma, buru reakʼ cuṛạ khon hõ rạskạteko sereńma.

Ibriko 13:10

Aboakʼ do mitʼṭecʼ pinḍ menakʼa ar okoe Israelkoakʼ ona sewa tạmbureko kạmikan, onko do aboakʼ pinḍ cetanre samaṅ akatʼ jãhãnakʼge jojom reakʼ ạidạri bạnukʼtakoa.

Jesaea 60:13

“Lebanon reakʼ mạhima do am ṭhen hijukʼa; ińakʼ sonotakʼ ṭhạ̃i sajao lạgitʼ saro dare, jhao dare ar tạsur darekoge ạgukʼa; ar iń do ińakʼ jaṅga reakʼ ṭhạ̃iyiń ṭhonok ocoytińạ.

Sereńko 120:5

Hae ińakʼ bhạg do tinạkʼ bạṛicʼ! Iń do Mesekrenko leka upriạ minạńa, ar Kedarren hoṛkoakʼ tạmbureń berel akana.

Soros sereń 1:5

E Jerusalemren kuṛiko, kedar reakʼ tạmbuko lekań hendege rehõ Solomonakʼ tạmbu orwalko lekań cehragea.

Jesaea 19:19

Enhilokʼ Misor disạm talare Probhu Isor ńutumte mitʼṭecʼ pinḍ ar ona reakʼ simạnare mitʼṭecʼ tham khunṭi tahena.

Jesaea 19:21

Nonkate Probhu Isor do Misorrenko ṭhen apnartetʼe sodorokʼa ar enhilokʼ onko do Probhu Isorko aṅgocea. Onko do janwarko samaṅkoa ar phosolko samaṅa arko sewawaea ar Probhu Isor ṭhen manotakʼko purạutakoa.

Jesaea 21:16

Probhu Isor do ińe metadińạ, “Rikit akade guti cetʼleka bochore lekhae onkage mitʼ bochor bhitrite Kedar reakʼ sanamakʼ ṭhonok do caba utạrokʼa.

Jeheskel 20:40

Unre disạm talare ińakʼ sonot burure, Israel reakʼ usul burure, Israelren sanam hoṛ do ińko sewawạńạ ar iń do onḍe onkoń ataṅkoa. Onḍe iń do apeakʼ joto lekanakʼ sonot samaṅokʼakʼ, dan ar bhage bhage sandeskoń ataṅtapea.

Jeheskel 27:21

Arob ar Kedarren sanam sordarko do amren asol bạnij-bekʼpariko tahẽkana.

Sephaniạ 3:10

Kus disạm reakʼ gaḍa hanasa khon iń sewawạńko, ar ińren chirchạtur akan hoṛko do iń ńutumte samaṅokʼakʼ jinisko ạguiya.

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

Mikạ 4:1

Mucạtʼ dinre sanam buruko modre ona buruge joto khon usulteye rakapʼ ocokʼa one okare Probhu Isorakʼ oṛakʼ menakʼ. Huḍiń buru boṭkocʼko khon uni do usulteye rakapʼ ocokʼa, ar sanam jạtrenko do ạtukʼ dakʼ leka uni secʼko ạtu calakʼa.