Jesaea 60:6 - সান্তালী বাইবেল

⁶ Amakʼ disạm do gạd gạd ũṭkote perejokʼa Midian ar Epharen daṛean ũṭkotege. Onko do sona ar kunduruwante Seba disạm khonko hijukʼa ar Probhu Isorakʼ sabasiko jạhira.

Jesaea 60:6 Referans Kwoze

Sereńko 72:10

Tạrsis ar dipkoren rajko do uni khajnako emaema; Sheba ar Sebaren rajko do sandesko samaṅaea.

Sereńko 72:15

Uni do ḍher din jiwetʼe tahenma; Seba disạm reakʼ sona uni ṭhen baṛe hijukʼma. Ar siń sạṭupʼ uni lạgitʼ koejoṅ hoyokʼ ma; ar goṭa dinge uni cetanre bhor baṛe ńurokʼma.

Bikʼcạrko 6:5

Onko do akoren ạsul janwarko ar tạmbuko salakʼ pohoko leka jhãke jhãkko hijukʼkan tahẽkana.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

1 Patras 2:5

ar uni ṭhenpe hecʼakante jiwetʼ dhiri leka ape hotete Isorakʼ tahen oṛakʼ do benaokʼ kana. Onate naeke lekate Isor lạgitʼpe begar ocoakana, jemon nonkan sanam jiuanakʼ dãṛẽpe samaṅ one okaṭakʼ do Jisu Mạsi hotete Isorre kusiyakʼ leka hoyokʼ.

Philipiko lạgitʼ Pạul apostolakʼ ciṭhi 2:17

Oka biswạs reakʼ samaṅokʼakʼte Isorpe sewawaekan onare ińakʼ mãyãm do dãṛẽ mente coḍorlen khan hõń kusikokʼa ar ape tulucʼ iń rạskạkokʼa.

Genesis 10:7

Kusren hopon doko hoyokʼ kana, Seba, Hạwila, Sabta Raema ar Sabteka; ar Raemaren hopon dokin hoyokʼ kana Seba, ar Dedan.

Romiko lạgitʼ Pạul Apostolakʼ ciṭhi 15:9

Sonot sostorre olakana, ona iạte iń do boṅgan hoṛ jạtrenko talareń sarhaomea, ar amakʼ ńutumiń õṛhẽytama.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jesaea 42:10

E jalapuri cetante dãṛãnkan hoṛko, ar onare menakʼ sanamakʼko, E sạṅgiń disạmko ar onaren girobasokʼko, ape do Probhu Isor ńutumte mitʼṭecʼ nãwã sereń sereńpe, pirthimi reakʼ ses simạna khon uniyakʼ sarhao sereńpe.

Jesaea 30:6

Dạkhin disạmren janwarko reaṅ nạbi katha: onko goḍetko do kosṭo ar durdosate perecʼ disạm talate ar dhạcri kul ar kul eṅga, bisan biń ar uḍạukʼkan bińkoakʼ disạm talateko calakʼa. Onko do akoakʼ dhon-duribko gadhare ladekate ar damanakʼ jinisko do ũṭ deare ladekate onko jạtrenko ṭhenko idiya one okoe hotete jãhãn labge baṅ hoyokʼtako.

1 Rapajko 10:2

Uni do ḍher hoṛko ar ũṭkoante Jerusalemte hecʼkateye seṭerena. Unre ũṭ cetanre ḍher sona, jut so mosolako, ar damanakʼ mạnik dhiriko tahẽkana. Uni do Solomon ṭhen hecʼkate monre cetʼko tahẽkantae ona jotowakʼe baḍae ocokedea.

2 Bõsbudạ 9:1

Seba disạmren rạni do Solomonakʼ namḍak ańjomkate kuṭhin kuṭhin kuklikote uni biḍạue lạgitʼ Jerusalemteye hecʼena. Uni do ḍher hoṛko ar ũṭkoante Solomon ṭhene seṭerena. Ar ạḍi utạr jut so mosolako, sona ar moni muktako hõe ạgu darakeda. Uni do Solomon ṭhen hecʼkate monre cetʼko tahẽkantae ona jotowakʼe baḍae ocokedea.

2 Rapajko 8:9

Unre Hosael do sandes lekate Damesek reakʼ joto khon bhageakʼ jinisko pongel ũṭreye ladekeda ar Elisae sãote ńapamokʼ lạgitʼe senena. Uni do Elisae samaṅre senkate teṅgoyenteye menkeda, “Amren hopon Aramren Benhadad raj do niạ katha kulime lạgitʼe kol akadińạ, ruạ kạhil khon uni doe boge ruạṛokʼa se baṅa.”

Bikʼcạrko 7:12

Unre Midiạnrenko, Amalekiko ar purub disạmren hoṛko do ona buru nalare poho lekako tahẽkana. Onkoren ũṭko do gaṅga gitil leka lekhare ạḍi saṅgeko tahẽkana.

Genesis 25:13

Ar noa do Ismael bõsrenkoakʼ ńutum kana: Janam lekate uniren hoponkoakʼ ńutum do hoyokʼ kana, pạhilre Nebayot, uni tayom do Kedar, Adbeyel, Mibsam,

Jesaea 60:9

Sạrige sạṅgiń disạmren hoṛko do iń lạgitʼko koyokʼ horeda; amren hoponko lạgitʼ sona rupạ reakʼ maraṅ maraṅ Tạrsis jahajko do jotoko khon laha lahate hijukʼkana. Israelren uni sonoticʼ do, amren Probhu Isorakʼ ńutum sarhaotae lạgitʼ amren hoponkoko hijukʼkana, ente uni doe ṭhonok ocoakatʼmea.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Jeheskel 27:22

Seba ar Ramaren bạnij-bepariko hõ am sãoteko bạnijetʼ tahẽkana; amakʼ jinisko bodolte onko do sanam lekan bhage bhage mosola, damanakʼ dhiri ar sonako emam kan tahẽkana.

Sephaniạ 3:10

Kus disạm reakʼ gaḍa hanasa khon iń sewawạńko, ar ińren chirchạtur akan hoṛko do iń ńutumte samaṅokʼakʼ jinisko ạguiya.

Sakariạ 14:16

Tayomte onko sanam jạtren sarecʼ tahen hoṛ do uni rajakʼ, metakʼme phạdkoren Probhu Isorakʼ sewae lạgitʼ ar chạuni porob manao lạgitʼ jao bochor Jerusalemteko rakapʼ hijukʼa.

Dosar Biboron 32:43

E sanam jạtren hoṛko, Probhu Isorren hoṛko sãote uni baṛe sarhaoepe, ente acʼren gutikoakʼ mãyãm reakʼe hala hạliya, uni do acʼren bạirikoe sạjạikoa ar acʼakʼ disạm ar acʼren hoṛkoakʼ kại ikại reakʼe bondobosa.

1 Bõsbudạ 1:33

Midiạnren hopon doko hoyokʼkana Ephah, Epher, Hanok, Abida ar Eldah. Noko joto do Ketuaren hoponko tahẽkana.

Sereńko 67:4

Jạt jạtrenko doko kusikʼma ar rạskạteko sarhao sereńma, ente am do dhoromte jạt jạtrenkom bicạrkoa ar noa dhạrti do sanam jạtrenko calao banaoa. (Sela)