Jesaea 60:21 - সান্তালী বাইবেল

²¹ Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jesaea 60:21 Referans Kwoze

Mathae 15:13

Uniye roṛ ruạṛatʼkoa, “Sermaren ạpuń bae rohoe akatʼ mitʼke mitʼ poha do totʼ giḍi ocokʼa. Onate onkoakʼ katha do bạgiyakʼpe.

Sereńko 37:22

Probhu Isor okoeye bhorako onko do ạidạriko ńama, menkhan okoe uniye sarapako onko doko marao ocokʼa.

Sereńko 37:11

Menkhan mạ̃hir hoṛko do disạmko ạidạri joṅa; ar asambheṛ bhorko ńamte onko doko hulạsokʼa.

Jesaea 29:23

Tinre onko do ako talare ińakʼ ti reakʼ kạmi, metakʼme akoren gidrạkoko ńelkoa unre sonoticʼ menteko manaoińạ. Jakobren uni sonoticʼ do sonot menteko aṅgocea ar Israelren Isorko botoraea.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Jesaea 61:3

jemon Sionre okoeko hirdạukʼkan onkoakʼ bohokʼre torocʼ bodolte abhraniń emako; hirdạukʼkan bodolte rạskạ reakʼ sunum ar as chuṭạukʼ akan bodolte sarhaoe reakʼ kicricʼ iń em daṛeako. Onko do dhorom reakʼ elon dareko ńumogokʼa; Probhu Isorge ona doe rohoe akada jemon onko hotete acʼakʼ mạhima sodorokʼtae.

Sereńko 92:13

Aboren Probhu Isorakʼ oṛakʼre okoeko rohoe ocoakan onko do uniyakʼ racareko hara rakabokʼa.

Johan sodor 21:27

Besapha jãhãnakʼ se hirkhạwakʼ kạmiko se eṛe roroṛko nonkan cele hoṛge onḍe do bako bolo daṛeakʼa; ar okoeyakʼ ńutum Bheḍa Hoponakʼ jion reakʼ puthire ol menakʼ, eken onkoge onḍeko bolo daṛeakʼa.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Mathae 5:5

Mạ̃hir kogeko bhạgana, ente dhạrti do onkogeko ạidạrijoṅa.

Jesaea 62:4

Onko do “Bạgi akadeyicʼ ” ardo bako metama se amakʼ disạm reakʼ ńutum “Ujạṛakʼ do” bako metakʼa, bickom am do “Ińren dulạṛiạ” mentem hoho ocokʼa, ar amakʼ disạm do “Baplayicʼe” ńum ocokʼa, ente Probhu Isor do am iạteye kusikʼa ar amakʼ disạm reakʼ do bapla hoyokʼa.

Jesaea 61:7

Ińren hoṛko do lajao bodolte sompotti reakʼ dobṛa hĩsko ńama, ar bemanot bodolte do dhonteko hulạsokʼa. Onkoakʼ disạmre dobṛa hĩsko ńama ar jaejugko rạskạkʼa.

Jesaea 57:13

Goṛo ńam lạgitʼ tinrem raga unre amem jarwa akawan boṅga murhutʼkogeko rukhiyạ mema! Hoe do onkoe oṭaṅ idikoa; ar hisitʼ hoe doe idi tapʼkoa. Menkhan okoe hoṛ iń ṭhen asraye hatao uni do disạmre ar ińakʼ sonot burure ạidạriye ńama.”

Jesaea 52:1

E Sion, ebhenokʼme, ar beredokʼme, amakʼ daṛe sodortam. E sonot nagraha Jerusalem, amakʼ ṭhonokʼ reakʼ kicricʼ horogtam. Bin khatna ar bhõnḍ hoṛ do amre ar bako bolo daṛeakʼa.

Jesaea 51:2

Aperen baba Abraham beṅgetʼaepe ar ape okoeye janam akatʼpe uni Sara hõ beṅgetʼaepe. Iń tinreń hohowade tahẽkana unre uni do mitʼ hoṛgeye tahẽkana, ar uniń bhoradete lekhare aema hoṛiń hoy ocoketʼkoa.

Jesaea 45:11

“Probhu Isor, okoe doe Israelren uni sonoticʼ kan, okoe doe uniren sisirjạukʼ kan, uni do niạ kathae meneda, ‘ape do cetʼ tayom daram ghoṭna reaṅpe kuli akadińạ? Ińren gidrạko se ińakʼ ti reakʼ kạmi reaṅpe hukum akawạdińa?

Jesaea 43:21

Onko hoṛko do iń apnar lạgitʼ iń benao akatʼkoa jemon ińakʼ ṭhonokko sodor daṛeakʼ.

Jesaea 43:7

Ińakʼ ńutumte okoeko hoho ocokʼ, okoe do ińakʼ ṭhonok lạgitʼ iń sirjạu akatʼko, okoe doń gaṛhao akatʼko ariń benao akatʼko, onko mimitʼko ạgukope.’ ”

Johan sodor 21:7

Ar okoeye jitạukʼa uni do noakoe ạidạri joṅa. Ińge uniren Isoriń hoyokʼa ar uni do ińren gidrại hoyokʼa.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

2 Patras 3:13

Menkhan abo do Isorakʼ gokʼakʼ lekate nãwã serma ar nãwã dhạrti lạgitʼ bon koyokʼ horeda. Onḍe do sanamakʼge Isorakʼ monejoṅakʼ leka hoyokʼa.

Ephesiko lạgitʼ Pạul Apostolakʼ ciṭhi 2:7

Uni do noae kạmikeda jemon acʼakʼ bin mucạtʼ daya darakan jugkoreye udukʼ daṛeakʼ. Uni do Mạsi Jisu hotete aboreye dayayente okaṭakʼe kạmiakatʼ onatege uniyakʼ noa daya do sodor akana.

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

Ephesiko lạgitʼ Pạul Apostolakʼ ciṭhi 1:6

Uni doe nonkaleda jemon acʼren dulạṛiạ Hopon hotete begor damte oka mạhimate perecʼ dayae dan akatʼbon uniyakʼ sarhao hoyokʼtae.

Jesaea 49:3

Uni doe metadińạ, “E Israel, am do ińren golam kanam; am talate iń do ińakʼ ṭhonokiń sodortińạ.”

Jesaea 44:23

E serma, hulạsokʼme, ente Probhu Isorge noae nonka akada. E dhạrti reakʼ khạndriyakʼko, hulạsokʼpe. E bir buru ar onḍenakʼ dareko, ape do rạskạte andoṛpe, ente Probhu Isor do Jakobe chaḍao akadea ar Israel hotete acʼakʼ ṭhonoke sodortaea.

Jesaea 19:25

Phạdkoren Probhu Isor do niạ menteye bhorakoa, “Bhoranko hoyokʼma Misorrenko, ińren hoṛkoge, Ạsurrenko do ińakʼ ti reakʼ kạmige; ar Israelrenko do ińakʼ ạidạrirenkoge”

Jesaea 24:16

Dhạrti reakʼ ses simạ khon ale do niạ sereńle ańjom ńameda, “Dhoromicʼ Isorakʼge sarhao baṛe hoyokʼtae ma!” Menkhan ińiń meneda, “Hae! Iń do sorbonasreń paṛao akana, ente bepạtiạrko doko bepạtiạreda; hẽ onko do ạḍitetʼko bepạtiạr akada.”

Jesaea 26:2

Ape do phaṭok-duạrko jhijpe jemon dhorom ar pạtiạrko dohoyetʼ jạtrenkoko bolo daṛeakʼ.

Jesaea 45:8

“E sermako, de coṭ khon dakʼ jạṛipe; E rimilko dhorom jạṛipe. Ot do jhijokʼte bańcaoe janam ocoyma, ar ot do dhorome sagen ocoyma. Iń Probhu Isorge niạ doń sirjạu akada.

Jesaea 45:24

Onko do iń reaṅko roṛa, ‘eken Probhu Isorrege dhorom ar daṛe do menakʼa.’ Hoṛko do iń ṭhenko hijukʼa ar okoe ińko edreạń onko doko lajao ocokʼa.

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Jesaea 64:8

Enre hõ, E Probhu Isor, am do aleren Baba kanam. Ale do hasa kanale, ar am dom kuṅkạl kana; ale sanamkoge amakʼ ti reakʼ kạmiko kanale.

Jesaea 65:9

Iń do Jakob khon ar Jihudạ khon mitʼṭen bõsiń beretʼkoa; onko do ińakʼ buru-ḍuṅgrikoren ạidạriko hoyokʼa. Ińren bachao akan hoṛ do onako ạidạrijoṅa ar ińren gutiko do onḍeko girobasokʼa.

Jeheskel 34:29

Iń do upjạuakʼ ot baṛgekoń emakoa; disạm talare onko do akalre ar bako paṛaokʼa ar eṭakʼ jạtrenko ṭhen hõ bako henosta ocokʼa.

Jeheskel 47:7

Onḍe seṭerkate iń do gaḍa banarsa aṛerege aema darekoń ńelkeda.

Amos 9:15

Israelko do akoakʼ disạmre dare lekań rohoekoa; okaṭakʼ disạmiń em akawatʼko onḍe khon onko do ar tishõ bako or totʼ giḍi ocokʼa.” Noa katha do aperen Probhu Isorgeye meneda.

2 Samuel 7:10

Ińren hoṛ Israelko lạgitʼ mitʼṭecʼ jaegań ṭhik dohoyte onḍege cara lekań rohoekoa, jemon onko do akoakʼ jaegare sulukteko girobas daṛeakʼ ar ińren hoṛ Israelko cetanre cakʼlaoyicʼ iń bahale tayom onko cetanre bạṛicʼ hoṛkoakʼ okako santao hecʼlen onka do ar bako daṛeakʼa. Iń do sanam bạirikoakʼ ti khon amiń rukhiyạmea. “ ‘Iń Probhu Isor do arhõń meneda, iń apnarge amren bõskoń teṅgo rakapʼkoa.

Sereńko 37:18

Sạbit hoṛkoakʼ din hilokʼ reakʼ jion do Probhu Isore baḍaegea; onkoakʼ paona somppoti do jaejug hạbicʼ tahẽ akae tahena.

Sereńko 37:29

Isor botorae hoṛko do disạmko ạidạrijoṅa ar onḍe do jaejug hạbicʼko tahena.

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jirimiạ 24:6

Iń do bhạlạiko lạgitʼge onkoń ńel todarotkoa ar noa disạmteń ạgu ruạṛkoa. Onko doń benao rakapʼkoa, ar bạń dhaṅdhaserkoa; onko doń rohoekoa, ar bạń or totʼ giḍikoa.

Jirimiạ 32:41

Iń do kusi monte onkoń bhạlạikoa ar ińakʼ goṭa mon ar ontorte niạ disạmre khạṭige onko do cara lekań rohoekoa.

Jeheskel 11:17

“Onate am do onkom metakoa, Probhu Isore menetʼkana, boṅgan hoṛ jạtrenko tala khon ińgeń jarwa mitʼkoa; ar okako disạmreko chirchạtur akan onḍe khoniń ruạṛ ạgukoa ar Israel disạm do arhõ onkogeń ruạṛkatakoa.

Jeheskel 37:25

Ar okaṭakʼ disạm do ińren guti Jakob iń em akawadea, ar okaṭakʼ disạmre onkoren hapṛamko girobasokʼ kan tahẽkan onḍege onko hõko girobasokʼa. Onko ar onkoren hoponko, hoponerako ar goṛom gidrạko onḍe jaejugko tahena ar ińren guti Dạud do jaejug hạbicʼ onkoren raje hoyokʼa.

Obodiạ 1:17

Menkhan Sion bururen adom hoṛko do rukhiyạko ńama; onko do Isor ńutumte begar akan hoṛ kanako. Ar Jakobakʼ bõsren hoṛ do akoakʼ sompottiko ńama.

Sephaniạ 3:13

Israelren onko sarecʼ hoṛ do behokakʼ bako kạmiya; onko do eṛe katha hõ bako roṛa ar onkoakʼ moca khon phạsiaratetʼ hõ baṅ tahena. Onko do jom-ńũkate khạtirjomako jạpitʼjoṅa ar celege bako botor ocokoa.”