Jesaea 60:2 - সান্তালী বাইবেল

² Ńelme, dhạrti do ńutte dapal akana ar boṅgan hoṛ jạtrenko cetanre do kaṛaṅ ńutge, menkhan Probhu Isor do am cetanre marsale emokʼa ar uniyakʼ mạhima do am cetanre sodorokʼa.

Jesaea 60:2 Referans Kwoze

Kolossiko lạgitʼ Pạul Apostolakʼ ciṭhi 1:13

Ente uni do ńut reakʼ rajosṭi khone bańcaoketʼbonte acʼren dulạṛiạ Hoponakʼ rajosṭiteye ucạṛ ạguketʼbona.

1 Patras 2:9

Menkhan ape do “Bachao akan bõsko kanpe; ape hotete naekekoakʼ rajosṭi do benao akana; ape do Isorakʼ monsubạ lạgitʼ begar dohoakan jạtrenko kanape ar uniren hoṛpe hoyakana,” Ńut khon acʼakʼ hahaṛa marsalte okoeye hoho ạguketʼpe unige sarhao sereńaepe.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

2 Korinthiko 3:18

Onate okoe Mạsi tulucʼ bon mitʼ akan, abo sanamko do baṅ betʼ akan mẽtʼãhã ạrsire ńelokʼkan muṭhạn leka Probhu Isorakʼ ṭhonok ńel ńelte apnar hõ ṭhonokte hara rakabokʼte uni leka bon hoyokʼ kana. Probhu Isor, metakʼme sonot Jiu reaṅ daṛetege noa do hoyokʼ kana.

Aposkạmi 17:23

ente ińiń dãṛã baṛaekan tahẽkanre apeakʼ sewa jiniskoń ạribạndhiyetʼ tahẽkana ar nonkan mitʼṭecʼ pinḍ hõń ńamkeda one ona cetanre ol akan, ‘Baṅ baḍae akadeicʼ deb lạgitʼ.’ Ar ape do bin baḍaete okoepe sewawaekan uni reaṅge iń doń porcarape kana.

Aposkạmi 14:16

Laha piṛhiren sanamkoge uni do akoakʼ sana lekageye sen ocowatʼko tahẽkana,

Johan 8:55

Ape do tis hõ bape baḍae akadea, menkhan iń doń baḍae edekana. Ar bạń baḍae akadea menteń menle khan, ape leka eṛeyicʼgeń hoyokʼa. Menkhan iń doń baḍaeyede kana ar uniyakʼ katha lekageń calakʼ kana.

Johan 1:18

Isor do okoe hõ tisge bako ńelakadea. Ar acʼ sãote menae uni sadher Hopon, one okoe do acʼtetʼgeye Isorkan, unige uni doe sodor akadea.

Johan 1:14

Ar ona kathatetʼge manwa jạt lekateye janamena ar aboko talareye girobasena. Isor Babaren sadher Hopon lekate uniyakʼ oka ṭhonok menakʼtae ona do alele ńelakada. Uni do daya ar sạriyakʼteye perecʼgea.

Jeheskel 10:4

Un jokhecʼ Probhu Isorakʼ ṭhonok do Kerubko khon rakapʼkate mundil reakʼ duạr ganaḍe secʼ senena. Ar mundil oṛakʼ do rimilte perecʼena, unre Probhu Isorakʼ ṭhonok reakʼ marsalte raca do perecʼena.

Numeri 16:19

Korah do tinre Mose ar Aron upạrte somajren sanam hoṛko jarwakate ńapamokʼ tạmbu reakʼ duạr ṭhene teṅgoyena unre Probhu Isorakʼ ṭhonok do onko samaṅre sodorena.

Levitikus 9:23

Inạ tayom Mose ar Aron do ńapamokʼ tạmbu bhitrite kin boloyena. Ar onḍe khon oḍok hecʼkate unkin do hoṛkin bhoratʼkoa. Unre Probhu Isorakʼ ṭhonok do hoṛko samaṅre sodorena.

Johan 1:1

Etohopʼrege kathatetʼ tahẽkana, ar kathatetʼ do Isor ṭhen tahẽkana ar kathatetʼ do acʼge Isore tahẽkana.

Mathae 23:19

E kãṛãko, okaṭakʼ maraṅa? Ona dãṛẽ se pinḍ, one okaṭakʼ dãṛẽ do Isor lạgitʼ begar dohokʼkan?

Mathae 15:14

Onko do apnartetʼko kãṛãgere hõ kãṛã ạyurko kanako. Ar kãṛã do kãṛãye ạyure khan banarge ghaḍlakʼrekin ńurokʼa.”

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Sereńko 80:1

E Israelren gupiyicʼ, am do aleakʼ katha luturakʼme; am do Joseph bõsrenko bhiḍi pal lekam ạyuretʼkoa. Am, one Kerub cetanrem duṛupʼ akan, ar amakʼ marsal baṛe bamber ocoyme.

1 Rapajko 8:11

Ar ona rimil iạte naekeko do sewa kạmi bako kạmi daṛeada, ente Probhu Isorakʼ ṭhonokte oṛakʼ do perecʼ akan tahẽkana.

Mathae 23:24

E kãṛã ạyurko; mitʼṭen sĩkṛĩcʼ dope chakao giḍiyedea, menkhan ũṭ dope utʼgotʼkae kana.

Sereńko 102:16

Probhu Isor do arhõ Sione teṅgo aroeya, ar uni do acʼakʼ ṭhonokteye ńel ocokʼa.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.

Jesaea 4:5

Enhilokʼ Probhu Isor do Sion buru reakʼ sanam jaega cetanre ar okoe onḍeko jarwakʼ onko cetanre dhũạ reakʼ rimil ar ńindạ do jolokʼkan seṅgel reakʼ marsale sirjạua; ona do sanam Israelkoakʼ mạhima cetanre mitʼṭecʼ chamḍa lekage hoyokʼa.

Jesaea 58:10

ar reṅgecʼ hoṛpe mãyãwako ar jomakʼpe emako, enḍekhan ńutrehõ apeakʼ marsal do jolokʼtapea ar ńindạ do tikin okte leka hoyokʼa.

Jesaea 66:11

Ape do nunuipe ar bikʼpe Jerusalem reakʼ bạ̃skin khon asambheṛ oḍokokʼ kan bhạlại reakʼ jomkate tirpitokʼpe.

Jesaea 8:22

Ona tayom onko do ot secʼ beṅgetʼkate eken duk kosṭo ar ńutko ńela. Ar botoranakʼ ńutre onko doko sạṅgiń ocokʼa.

Jesaea 58:8

Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.