Jesaea 60:19 - সান্তালী বাইবেল

¹⁹ Sińre siń cando reakʼ marsal do ar baṅ jạruṛama, ńindạ cando reakʼ terdecʼ marsal hõ baṅa, ente Probhu Isorge amren jaejug reakʼ marsale hoyokʼa, ar amren Isorge amakʼ ṭhonoke hoyokʼa.

Jesaea 60:19 Referans Kwoze

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Johan sodor 22:5

Ńindạ do ar baṅ tahena ar onko do diuhe reakʼ marsal se siń cando reakʼ marsal hõ baṅ jạruṛakoa, ente Probhu Isor do acʼge onkoren marsale hoyokʼa. Ar jaejug hạbicʼ onko do rajko calaoa.

Sakariạ 2:5

Probhu Isore meneda, uni acʼtetʼge ona beṛhaete seṅgel reakʼ pạcriye hoyokʼa ar uni do acʼakʼ ṭhonokte onḍeye tahena.’ ”

Sereńko 36:9

Am do jion reakʼ marsal kanam; amakʼ marsaltege ale dole marsalena.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Sereńko 62:7

Ińakʼ bańcao ar manot do Isorrege bhorsa akana; Isorge ińren daṛe, ar ińren usul buru, unige ińren aotan gaṛ.

Sereńko 3:3

Menkhan E Probhu Isor, am do beṛhaete ḍhal leka menama. Amge ińakʼ ṭhonok do ar amge ińakʼ bohokʼem rakapʼ ocoakatʼtińạ.

Sereńko 4:2

E manwa, ar tinạkʼ hạbicʼ iń dope henostayińạ? Ar tinạkʼ din bạṛicʼakʼpe dulạṛa ar tinạkʼ din eṛeakʼpe ńam baṛaea? (Sela)

Sereńko 84:11

Sạrige Probhu kangea siń cando ar ḍhal do; uni do daya ar ṭhonoke emokʼkana. Okoe dhoromteko calakʼ onko do bhage jisin emako uni do bae baṅakoa.

Jesaea 2:5

E Jakob bõsrenko, dela hijukʼpe; dela, Probhu Isorakʼ marsalre bon dãṛãnma.

Jesaea 9:2

Okoeko hoṛ do ńutreko tahenkan onko do maraṅ marsalko ńela; ar okoe kaṛaṅ ńut reakʼ umulreko duṛupʼ akan onko do marsal bamberakoa.

Jesaea 24:23

Ńindạ cando doe nak kaṭakʼa ar siń cando doe lajaokʼa, ente phạdkoren Probhu Isor do Sion buru ar Jerusalemreye rajokʼa, ar onaren murubbiko do uniyakʼ ṭhonokko ńela.

Jesaea 28:5

Enhilokʼ phạdkoren Probhu Isor do acʼren sarecʼ hoṛko lạgitʼ mitʼṭecʼ ṭhonokanakʼ mukuṭ ar mitʼṭecʼ mońj malae hoyokʼa.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

Jesaea 41:16

Am do onakom guma ar hoe do onakoe oṭaṅ idia. Menkhan am do Probhu Isor iạtem rạskạkʼa ar Israelren uni sonoticʼ do amren sarhaoanicʼe hoyokʼa.

Jesaea 45:25

Ińrege Israelren sanam bõsko do bin dusạn menteko sạbudokʼa ar ińko sarhaoińạ.”

Jesaea 51:11

Probhu Isorren rukhiyạ akan hoṛ doko ruạṛ hijukʼa ar sereń sereńte Sionteko rakapʼa. Ar jaejugakʼ rạskạge onkoakʼ bohokʼ reakʼ mukuṭ do hoyokʼtakoa. Onko do ạḍiko hulạsokʼa ar duk ar kũhrạu do onko khon ńir pharakokʼa.

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Dosar Biboron 10:21

Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Sereńko 84:12

E sanam daṛeanicʼ Probhu Isor, okoe amreye bhorsakʼ kan uni doe bhạgangea.

Sakariạ 2:9

Iń do onko upạrte khạṭige ińakʼ tiyiń tultińạ, onate onkoren gutiko do onkoko luṭkoa.” Ar tinre ona hoyokʼa unrepe bujhạu daṛeakʼa, phạdkoren Probhu Isor do ińgeye kol akadińạ.