Jesaea 60:12 - সান্তালী বাইবেল

¹² Okoe jạtrenko ar rajosṭiko am bako sewawam onko doko jarkharokʼa, arko marao utạrokʼa.

Jesaea 60:12 Referans Kwoze

Jesaea 54:15

Jãhãege amre jhãpe em enḍekhan bujhạume uni do bạń kol akadea. Ar okoe ame akromonme uni do am hotete gujukʼ hoyokʼtaea.

Daniel 2:35

Unre ona mẽṛhẽtʼ, jaṭaṅ hasa, pitạl, rupạ ar sona do mitʼdomte gejerena ar niron din reakʼ khạrại bhusạ leka hoyena, ar hoe do onakoe oṭaṅ idikeda, ar onako lạgitʼ do okare hõ ṭhạ̃i baṅ hoylena, Ar okaṭakʼ dhiri ona boṅga muṭhạnre josen, ona do mitʼṭecʼ maraṅ buru hoyena, ar goṭa dhạrti perecʼena.

Jesaea 41:11

“Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Jesaea 14:2

Ar eṭakʼ eṭakʼ jạtrenko do akoakʼ disạmteko idi seṭerkoa. Probhu Isorakʼ disạmre eṭakʼ jạtrenko do Israelren guti kạ̃ṛmĩko hoyokʼa. Ar okoe do Israelko bondiletʼko ńitokʼ onko do akogeko bondi ocokʼa ar Israelko do akoren sasantaoko cetanre mạlikiko calaoa.

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Mathae 21:44

Ar okoe ona dhirireye ńurokʼ uni doe gejerokʼa ar okoere ona ńurokʼ uni doe holoṅ ḍigir utạrokʼa.”

Genesis 27:29

Eṭakʼ jạtrenko do amko sapʼ sorama, ar sanam hoṛge amko ḍobokʼama. Am gusṭiren hoṛkoren mạlikkem hoyokʼa, onko do amko ḍobokʼama. Okoe amko sarapam onko cetanre hõ sarap paṛaokʼma; ar okoe amko bhoram onko hõ bhor hecʼakoma.”

Sereńko 108:13

Isorakʼ goṛote ale dole jitạukʼa; aleren bạiriko do unigeye jaṅga latarkoa.

Jirimiạ 12:17

Menkhan jodi jãhãe jạtrenko ona bako onkae enḍekhan onko doń or totʼ giḍikakoa. Iń Probhu Isorge noa katha doń meneda.”

Daniel 2:34

Am dom ńeńelkan tahẽkangea, ar mucạtʼre begor manwa tite mitʼṭecʼ dhiri do uni boṅga muṭhạn ar jaṭaṅ hasae josketʼte onakoe gejerkeda.

Daniel 7:18

Menkhan mucạtʼre maraṅ Isorren hoṛko do ektiạri ńamkate jaejug, hẽ, jaejug hạbicʼko rajokʼa.’

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Sakariạ 9:10

Iń Ephrayimge rãt gạḍi ar Jerusalemren lạṛhại sadom jotogeń maraokoa ar lạṛhại reakʼ akʼ iń rạputʼ giḍikatakoa. Uni do jạt jạtrenko ṭhen suluke lại sodora. Uniyakʼ ḍanṭao do doreão khon doreão hạbicʼ, Phurạt gaḍa khon dhạrti reakʼ ses simạnako hạbicʼ hoyokʼtaea.