Jesaea 60:11 - সান্তালী বাইবেল

¹¹ Amakʼ duạrko do jao okte jhicʼge tahena, siń ar ńindạ tishõ onako do baṅ siń tahena jemon boṅgan hoṛ jạtrenkoakʼ dhon am ṭhen ạgukʼ; ar onkoren rapajko hõ onako soṅgete.

Jesaea 60:11 Referans Kwoze

Jesaea 60:5

Ona ńelte am do rạskạtem kharsalakʼa, ar hulạstem perejokʼa; jalapuri reakʼ dhon do am ṭhenko ạguiya, ar jạt jạtrenkoakʼ dhon do am ṭhen hijukʼa.

Jesaea 60:18

Amakʼ disạmre jor jobor reakʼ katha ar do baṅ ańjomokʼa, ar amakʼ simạna talare jãhãn jarkharokʼ ar maraokʼ reakʼ katha hõ baṅ ańjomokʼa. Babańcao do pạcriko reakʼ ńutum hoyokʼa ar sarhao do amakʼ duạrko reakʼ ńutumge.

Jesaea 62:10

Ape do lahakʼpe, ar phaṭok duạr secʼ sen idikʼpe, ar hoṛko lạgitʼ hor sạriạupe. Apeakʼ ḍaharko benaope, ar tearpe. Joto dhiriko ocokʼ giḍikakʼpe; ar jạtrenko lạgitʼ mitʼṭecʼ nisạn rakabtape.

Sereńko 149:8

ar sikṛite onkoren rajkoko tolko, ar onkoren cetan hudạren hoṛko mẽṛhẽtʼ reakʼ biṛitekoe tol daṛeako,

Nehemiạ 13:19

Iń do niạ hukumiń emokʼ kana je, jirạukʼmãhã ehobokʼre tinre Jerusalem reakʼ phaṭok duạrko cetanre ńut pheḍ hijukʼa unre jemon phaṭok duạr doko sińkakʼ ar jirạukʼ mãhã ạuri cabakʼ hạbicʼ ona do bondge tahenma. Jirạukʼ mãhãre jãhãn bojhage bhitrite alo jemon ạgukʼ ar ona ńel lạgitʼ iń do ińren adom kạmiyạko phaṭok duạr ṭheniń bahalketʼkoa.

Jesaea 24:21

Enhilokʼ Probhu Isor do sermaren phạdkoe sạjạikoa, ar dhạrtire do rapajkoe sạjạikoa.

Jesaea 26:2

Ape do phaṭok-duạrko jhijpe jemon dhorom ar pạtiạrko dohoyetʼ jạtrenkoko bolo daṛeakʼ.

Jesaea 56:7

7 onko do ińakʼ sonot buruteń idikoa ar ińakʼ oṛakʼre, metakʼme koejoṅ oṛakʼre onkoń rạskạ ocokoa. Ińakʼ pinḍ cetanre onkoakʼ jeredokʼ ar eṭakʼ samaṅokʼakʼ koń ataṅtakoa. Onate ińakʼ oṛakʼ do sanam jạtrenkoakʼ koejoṅ oṛakʼ mente ńumogokʼa.”

Jesaea 61:6

Ar ape do Probhu Isorren naekepe ńum ocokʼa; ar hoṛko do aboren Isorren sapʼdapʼkoko metapea. Ape do boṅgan hoṛ jạtrenkoakʼ dhonpe jomtakoa ar onkoakʼ dhon iạtepe sabasikʼa.

Jesaea 49:23

Rapajko do amko ạsul haramea ar onkoren rạniko do amren bukạ getʼ buḍhiko hoyokʼa. Onko do otre ombakʼkateko ḍobokʼama ar amakʼ jaṅga reakʼ dhuṛiko caṭoga. Unrem baḍae daṛeakʼa, ińkangeạń Probhu Isor do; ar okoe ińreko bhorsakʼkan onko do bako lajao ocokʼa.”