Jesaea 6:2 - সান্তালী বাইবেল

² Uni cetanre do Seraphimko teṅgo akan tahẽkana; onko mimitʼko do turui goṭecʼkate phạ̃krạ̃kʼ tahẽkantakoa- onko do barea phạ̃kṛạ̃kʼte mẽtʼãha ar barea phạ̃kṛạ̃kʼte do jaṅga dapal akan tahẽkantakoa ar barea phạ̃kṛạ̃kʼte doko uḍạukʼkan tahẽkana.

Jesaea 6:2 Referans Kwoze

Johan sodor 4:8

Noko ponea jiwiyanko do hoṛo hoṛo turui goṭecʼkate phạ̃kṛạ̃kʼ ar sanam jaegakore mẽtʼkote perecʼ tahẽkantakoa. Onko do siń ńindạ mitʼ kathageko roṛetʼ tahẽkana, “Sanam daṛeanicʼ Probhu Isor, okoe doe tahẽkan, okoe do menaege, okoe doe hijukʼkan uni doe sonot, sonot, sonotgea.”

Jeheskel 1:11

Onkoakʼ mẽtʼãhã do nonkage tahẽkana. Onkoakʼ phạ̃kṛạ̃kʼ do coṭ secʼ laplapa tahẽkana; mimitʼkoakʼ banar phạ̃kṛạ̃kʼ do uni banar secʼren jiwiyanicʼakʼ phạ̃kṛạ̃kʼre jakʼ akan tahẽkana, ar barea phạ̃kṛạ̃kʼte do hoṛmo esetʼge tahẽkantakoa.

Sereńko 104:4

Hoe do amren goḍetem benao akadea; ar jolokʼkan seṅgel do amren golamem hoyocoakadea;

Sereńko 103:20

E Probhu Isorren daṛean goḍetko, okoe do uniyakʼpe bataoetʼtae ar uniyakʼ hukumpe manaoetʼkan, ape do uni sarhaoepe.

Jesaea 6:6

Unre mitʼṭen Seraphimko modren mitʼṭen do acʼakʼ tite mitʼṭecʼ jolokʼkan aṅgra sapʼkate iń ṭhene uḍạu hecʼena; ona aṅgra do pinḍ khon cimṭạteye halaṅleda.

Sereńko 18:10

Uni do Kerubre decʼkateye uḍạu hecʼena, ar hoe reakʼ phạ̃kṛạ̃kʼteye ạphir hecʼena.

Johan sodor 14:6

Ona tayom iń do arhõ mitʼṭen serma goḍet coṭ sermare uḍạukʼkaniń ńelkedea. Dhạrtiren tahenkan hoṛko ṭhen metakʼme mimitʼ jạtren, bõsren, pạrsiren, ar disạmren hoṛko ṭhen porcar lạgitʼ uni ṭhen jaejug hạbicʼ reakʼ bhage sombat tahẽkana.

Johan sodor 8:13

Tayomte sermare mitʼṭen pajhaṛ cẽṛẽ ạḍi coṭte uḍạukʼkaniń ńelkedea, uni pajhaṛ do ãṭ aṛaṅte roroṛkaniń ańjomkedea, “Eṭakʼ okoe pea serma goḍet siṅgạko oroṅ lạgidokʼkan tahẽkan, onkoakʼ siṅgạ saḍelen khange dhạrtire tahenkanko lạgitʼ do hae hae.”

Johan sodor 7:11

Ona tayom sermaren goḍetko do sanamkoge ona siṅghạsonren, mukhiyạko ar ponea jiwiyanko beṛhaeteko teṅgoyena. Onko do siṅghạson samaṅre ombakʼkate Isor sewawadeteko menkeda,

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Jeheskel 10:21

Onko mimitʼkoakʼ do poneakate mẽtʼãhã ar poneakate phạ̃kṛạ̃kʼ tahẽkana ar onkoakʼ phạ̃kṛạ̃kʼ latarre do manwa ti leka tahẽkana.

Jeheskel 1:24

Jiwiyankoko calaoen tayom iń do onkoakʼ phạ̃kṛạ̃kʼ reakʼ sabadiń ańjomkeda; ona do banbạsi ar ạtukʼ dakʼ reakʼ saḍe leka ańjomokʼkan tahẽkana, sanam daṛeanicʼ reakʼ aṛaṅ leka tahẽkana, mitʼṭen lạṛhại phạdkoakʼ kạumạu lekage. Jiwiyankoko teṅgokan tahẽkanre phạ̃kṛạ̃kʼ doko samṭaokatako kan tahẽkana.

Jeheskel 1:9

onkoakʼ phạ̃kṛạ̃kʼko do mitʼṭecʼ tulucʼ eṭakʼakʼ sãote jakʼ akan tahẽkana. Onko do jotoge laha secʼko calakʼkan tahẽkana, ar calakʼ jokhecʼ do bako ạcur ruạṛokʼkan tahẽkana.

Jeheskel 1:6

menkhan onko mimitʼkoakʼ do poneakate mẽtʼãhã ar poneakate phạ̃kṛạ̃kʼ tahẽkantakoa.

Jobakʼ 15:15

Isor do acʼren goḍetko cetanre bae bhorsa daṛeakʼkan khan, ar uniyakʼ mẽtʼre serma hõ miridos baṅkan khan,

Jobakʼ 1:6

Mitʼdin sermaren goḍet do Probhu Isor samaṅreye senena ar Soetan hõ uni sãoteye hạjirena.

1 Rapajko 22:19

Mikạ do roroṛe ehopʼena, “Enḍekhan Probhu Isorakʼ katha ańjomme. Ińiń ńelkeda, Probhu Isor do acʼakʼ siṅghạsonreye duṛupʼ akana ar uniyakʼ jojomsa ar uniyakʼ leṅgasa aṛere do sermaren sanam goḍetko menakʼkoa.

1 Rapajko 8:7

Onate Kerubkinakʼ lap lapa akan phạ̃kṛạ̃kʼte sinduk ar ona gogokʼakʼ ḍaṅkin hõ dapal tahẽyena.

1 Rapajko 6:27

Sonot utạrakʼ ṭhạ̃ire uni do Kerubkinakʼ phạ̃kṛạ̃kʼ do laplapageye dohokatʼ tạkina. Mitʼṭecʼ Kerubakʼ phạ̃kṛạ̃kʼ do mitʼṭecʼ bhitre ar eṭagicʼ Kerubakʼ phạ̃kṛạ̃kʼ do eṭakʼ bhite joṭetʼ tiyokʼ akatʼ tahẽkana ar oṛakʼ talare unkinakʼ eṭakʼ phạ̃kṛạ̃kʼkin do apan ạpin phạ̃kṛạ̃kʼ reakʼ agaltetʼkin jopokʼ tiyokʼ akatʼ tahẽkana.

Exodus 37:9

Unkinakʼ phạ̃kṛạ̃kʼ do cetan secʼ lap lapae doho ocoketʼte daya duṛupʼakʼ do unkinakʼ phạ̃kṛạ̃kʼte umulena. Ar Kerub dokin samaṅ mitʼkeda ar unkinakʼ mẽtʼãhã do daya duṛupʼakʼ samaṅre taheyena.

Exodus 25:20

Unkinakʼ phạ̃kṛạ̃kʼ do cetan secʼ lap lapa akae tahena ar unkinakʼ umul latarre sinduk reakʼ daya duṛupʼakʼ do tahena. Kerubkin do samna sạmnikin teṅgo tahena ar unkinakʼ mẽtʼãhã do daya duṛupʼakʼ samaṅre tahena.

Sereńko 89:7

Sonot goḍetkoakʼ bạisire sanamkoge Isor do botor arko bhoktiaea; uni beṛhaeten sanamko khon uni kangeae ḍher botoranicʼ do.

Jobakʼ 4:18

Isor do acʼren gutiko hõ bae bhorsa akokana ar acʼren serma goḍetko hõ bhule ńametʼtakoa,

1 Rapajko 19:13

Ar Eliạ do ona ańjomkate acʼakʼ oyonakʼte mẽtʼãhãe betʼketʼtaea ar bahrete senkate dander reakʼ moca ṭhene teṅgoyena. Ona tayom uni do niạ kathae ańjomkeda, “E Eliạ, nonḍe do cetʼem ceka kana?”

Exodus 3:6

Iń do am babaren Isor kạnạń; ar iń kangeạń Abraham, Isahak ar Jakobren Isor do.” Unre Mose do acʼakʼ mẽtʼãhãe betʼketʼtaea, ente Isor secʼ beṅgetʼ doe botorena.

Genesis 17:3

Ona iạte Abram do otreye obmakʼena ar Isor do uni sãote katha roroṛe ehopʼena.

Ibriko 1:7

Serma goḍetko reaṅ doe meneda, “Uni do hoe hõ acʼren goḍete hoyoco edekana; ar jolokʼkan seṅgel do acʼren golamge.”

Luk 1:10

Ar uni dhupe jered oktere bahrere do ạḍi utạr hoṛko koejoṅkan tahẽkana.

Sakariạ 3:4

Uni goḍet do acʼ samaṅre teṅgo akan eṭakʼ goḍetkoe metatʼkoa, “Uniyakʼ mạilạ kicricʼko totʼ giḍikataepe.” Ona tayom uni do Josuại metadea, “Ńelme amakʼ kạikoń sạṅgiń giḍi akatʼtama ar iń do mońj kicricʼ iń horokʼama.”

Daniel 9:21

Iń do unreń koejoṅkan tahẽkana ar unre lahateakʼ dorsonre okoeyiń ńellede uni Gabriel goḍet do ạyupʼ reakʼ samaṅokʼ jokhecʼ iń ṭhen usạrateye uḍạu hecʼena.

Jeheskel 10:16

Kerubko tinreko calakʼkan tahẽkana unre onko aṛe reakʼ pạihạ̃ko hõ calakʼkan tahẽkana; Kerubko do tinre ot bạgikate coṭte rakabokʼ lạgitʼ phạ̃kṛạ̃kʼko lap lapayetʼ tahẽkana unre pạihạ̃ko do onko aṛerege tahenkan tahena.

Jeheskel 1:4

Iń do beṅgetʼ rakapʼketʼteń ńelkeda utạr secʼ khon mitʼṭecʼ birbão hoe hijukʼkana, mitʼṭecʼ maraṅ rimilre bijli malkaokʼ kana ar ona beṛhaete do jhak jhak marsal tahẽkana. Ona bijli talare pitạl reakʼ jhalkaokʼkan mitʼṭecʼ marsal tahẽkana.

Nehemiạ 9:6

Eken amkangeam aleren Probhu Isor do. Amge serma, maraṅ serma ar onare menakʼ jotowakʼko, dhạrti ar ona cetanre menakʼ jotowakʼko, jalapuri ar onare menakʼ jotowakʼkom sirjạu akada. Amge sanamko jiwim emakawatʼkoa ar sermaren sanamkoge amko sewawam kana.