Jesaea 59:19 - সান্তালী বাইবেল

¹⁹ Pạchim secʼren hoṛko do Probhu Isorko botoraea ar purub secʼren hoṛ do uniyakʼ mạhima ńelteko botorokʼa, ente Probhu Isor do acʼakʼ sahẽtʼteye laga ńiretʼkan ḍubạ dakʼ lekae hijukʼa.

Jesaea 59:19 Referans Kwoze

Daniel 7:27

Ona tayom rajosṭi, ektiạri ar pirthimi reakʼ sanamakʼ rajosṭiko reakʼ daṛe do maraṅ Isorren hoṛkoakʼ tire jimạ ocokʼa. Onkoakʼ rajosṭi do hoyokʼa jaejug hạbicʼ ar sanam rapajko do onkoko sapʼsorakoa ar onko tabereko tahena.

Sereńko 113:3

Siń cando rakabokʼ nakha khon ehopʼkate hạsurokʼ nakha hạbicʼ Probhu Isorakʼ sarhao baṛe hoyokʼtae ma.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Sereńko 22:27

Dhạrti reakʼ ses simạren hoṛko hõ monko ạcurtakote Probhu Isor ṭhenko ruạṛ hijukʼa; ar eṭakʼ jạtren sanam gusṭirenko do uniko sewawaea.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Johan sodor 12:10

Ona tayom iń do serma khon ãṭ aṛaṅte mitʼ hoṛ roroṛkaniń ańjomkedea, “Ńitokʼ do babańcao, daṛe ar aboren Isorakʼ rajosṭi ar uniren ojokʼicʼakʼ ektiạri hoyakana, ente okoe aboren boehakoe dusiyetʼko tahẽkan uni do serma khone lebda ńur ocoakana. Aboren Isor samaṅre siń ńindạ uni do onkoakʼ doskoe udukʼetʼ tahẽkana.

Johan sodor 11:15

Tayomte eaeyicʼ serma goḍet do acʼakʼ siṅgại oroṅkeda. Unre sermare ãṭ aṛaṅte roṛena, “Dhạrti reakʼ rajosṭi do ńitokʼ aboren Probhu Isor ar uniren Mạsiyakʼ hoyena.

2 Thessalonikiko 2:8

Probhu Jisu do acʼakʼ moca reakʼ sãhetʼteye marao utạrea ar acʼakʼ ṭhonokteye sodorokʼte uniyakʼ daṛeye cabaetaea.

Jesaea 49:12

Ńelpe, onko do sạṅgiń khonko hijukʼa; okoe do utạr khon, okoe do pạchim khon ar okoe do Sinim disạm khonko hijukʼa.”

Jesaea 30:28

Uniyakʼ sahẽtʼ do tạpiste ạtu hijukʼkan dakʼ leka oka do manwakoakʼ hoṭokʼ hạbicʼ rakabokʼkan. Uni do sanam jạtrenko nonosṭo reakʼ calateye calakoa ar mocare jhinkate maraokʼ secʼe or idikoa.

Mathae 8:11

Ińiń metapekana, purub ar pạchim khon aema hoṛko hijukʼa ar Abraham, Isahak, ar Jakob sãote serma rajre jojomko duṛupʼa.

Sereńko 61:5

E Isor, ińakʼ monejoṅakʼko dom ańjomakatʼgea; am okoeko botoram kan ar onko lạgitʼ okaṭakʼ ạidạrim ṭarhao dohoakatʼ ona do amgem emakawạdińa.

Jesaea 30:27

Ńelpe, Probhu Isor do jolokʼkan edre ar dạriạ dhũạ reakʼ rimilte sạṅgiń khone hijukʼkana; uniyakʼ mẽtʼãhã do edrete perecʼ ar uniyakʼ alaṅ do jojom seṅgel leka.

Jesaea 66:12

Probhu Isore meneda, “Iń do uni secʼ gaḍa dakʼ leka bhạlạiyiń ạtu ocoya, ar boṅgan hoṛren jạtrenkoakʼ dhon-durib do uni ṭhen banbạsi leka ạtu hijukʼa. Ape do nonkan bale gidrạ lekape hoyokʼa ape dope nunuiya ar ḍanḍarepe heokokʼa ar hoborrepe cerecʼ ocokʼa.

Mikạ 7:17

Onko do biń ar eṭakʼ lacʼte takʼṛam jiwiyanko leka dhuṛiko caṭoga. Onkoakʼ gaṛ khon onko do thar tharaoate am ṭhen, aleren Probhu Isor ṭhenko oḍok hijukʼa arko botoram ma.

Jesaea 8:7

Ona iạte Probhu Isor do Phurạt gaḍa reakʼ ḍubạ dakʼ leka jotowakʼ ṭhonok salakʼ Ạsurren raj do usạrage onko upạrteye ạguiyea. Ona ḍubạ dakʼ do gaḍa ar nala reakʼ jotowakʼe ạtu idiya,

Jesaea 45:6

Jemon purub khon pạchim secʼren hoṛko baḍae daṛeakʼ, iń chaḍa ar cele Isorge bạnukʼkoa. Ar iń kangeạń Probhu Isor do, eṭagicʼ ar okoehõ bạnugicʼan.