Jesaea 59:13 - সান্তালী বাইবেল

¹³ Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Jesaea 59:13 Referans Kwoze

Jakob 3:6

Onkage alaṅ hõ ṭhik seṅgel leka. Aboakʼ hoṛmore tinạkʼ hạṭińko menakʼ ona modre alaṅ do mitʼṭecʼ bedhorom dhạrti lekana. Norok seṅgelre lokʼte ona do goṭa hoṛmoe nosṭoyeda ar jion reakʼ horre seṅgele salgaoeda.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.

Jakob 1:15

Ona tayom bạṛicʼ sana purạulen khan kạiye janama, ar kại perecʼlen khan gujukʼe janam ocoya.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Mathae 10:33

Menkhan okoe hoṛko samaṅre ińe baṅeń iń hõ ińren sermare menae Baba samaṅre uniń baṅea.

Hosea 11:12

Probhu Isore meneda, “Ephrayimakʼ eṛe katha, Israelakʼ phạsiạratetʼ do iń beṛhaete menakʼa. Jihudạ do Isorakʼ, metakʼme uni pạtiạran sonoticʼ reakʼe bebatao akada.

Hosea 7:13

Hae onko do, ente onko do iń ṭhen khon bạṛicʼ horteko calao akana. Onko do sorbonas hoyokʼtako ma, ente iń upạrteko hul akada. Onko chaḍaokoń khojkangea menkhan onko do iń upạrte eṛe kathako roṛeda.

Hosea 6:7

Adam leka ińiń bandhao akatʼ bondobos do bape manaoleda; ape do ińrepe bepạtiạrena.

Hosea 1:2

Hosea hotete pạhil dhao katha roṛ jokhecʼ Probhu Isor do uniye metadea, “Am do senkate mitʼṭen kusumbi ayo baplayem. Ar laṭghaṭren hoponko omonjoṅme, ente disạmren hoṛko do ạḍitetʼko laṭghaṭeda Probhu Isorko bạgi akadete.”

Jeheskel 18:25

“Enhõ ape dope menetʼkana, ‘Probhu Isorakʼ hor do ṭhikakʼ baṅkana.’ E Israelko, ańjompe. Ińakʼ hor do cetʼ behok reakʼ hor kana? Ona do baṅa, bickom apeakʼ kangea behok reakʼ hor do.

Jeheskel 6:9

Onko do boṅgan hoṛ jạtrenko talare iń reaṅ noa kathako disạya, onkoakʼ bepạtiạr ontor ar mẽtʼte cetʼ lekako duk ocoakadińạ mente; onkoakʼ ontor do iń khon ghańjeṛ akantakoa ar onkoakʼ mẽtʼ do boṅga murhutʼko ńamko lạgitʼ ahkaokʼ kantakoa. Onkoakʼ sanam bạṛicʼ ar hirkhạwakʼ kạmi lạgitʼ onko do apnartetʼko hirkhạjoṅa.

Jirimiạ 42:20

ape do ạḍi maraṅakʼpe bhul lạgidokʼ kana. Ape do aperen Probhu Isor ṭhen niạ mentepe kolledeńa, ‘ale lạgitʼ aleren Probhu Isor ṭhen koeme; ar uni okae men ona jotowakʼge lạiyaleme ar ale do ona lekagele calakʼa.’

Jirimiạ 32:40

Onko lạgitʼ iń do noa jaejug bondobosiń dohoya ar onko lạgitʼ bhạlại do tisge bạń bonda. Iń do onkoakʼ monre botoriń rakapʼ ocoytakoa jemon iń khon tishõ aloko ruạṛ calakʼ.

Jirimiạ 17:13

E Probhu, Israelkoakʼ as, okoe amko bạgi akatʼme onko sanam do lajaoreko paṛao ocokʼa. Am ṭhen khon okoeko ruạṛ senakan onkoakʼ ńutum do dhuṛire olokʼtakoa, ente onko do jiwetʼ dakʼren jharna Probhuko bạgi akadea.

Jirimiạ 5:23

Menkhan noko hoṛkoakʼ ontor do keṭecʼgetakoa ar onko do huhul jạtren kanako. Onko do bạṛicʼ horteko ghańjeṛ akana.

Jirimiạ 3:20

Menkhan E Israelko, jãwãetetʼ cetanre bepạtiạricʼ bạhu leka ape do ińre bepạtiạrankope hoyakana. Iń Probhu Isorge noa katha doń meneda.”

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Jesaea 57:11

“Okoeyem botoraekante iń ṭhen eṛe katham roṛkeda, ar ińem hiṛińkedeńạ ar bam moneyạń kana? Ḍher din khon hape akae minạńte cetʼ bam botorạń kana?

Jesaea 48:8

Ape do ona bape ańjomakada ar bujhạu hõ bape bujhạu daṛeakada; sedae khon apeakʼ lutur hõ baṅ jhicʼ akantape tahẽkana. Enteń baḍaekan tahẽkana ape do bepạtiạr hoṛ kanape mente, ar janam khonge huhulko mentepe ńum ocokʼkana.

Jesaea 32:6

ente bebujicʼ do bebuj kathageye roṛa ar uniyakʼ mon do dusṭạmiyakʼe ponthaya. Uni do hirkhạwakʼkoe kạmiya ar Probhu Isor reaṅ henosta kathakoe roṛa. Uni doe nonkaea jemon reṅgecʼ edekanicʼ hoṛ do jomakʼ aloe ńam ar tetaṅ edekanicʼ hõ dakʼ aloe ńam.

Jesaea 31:6

E Israelrenko, okoe upạrte nunạkʼpe hulletʼkan uni ṭhen ruạṛ hijukʼpe,

Jesaea 5:7

Phạdkoren Probhu Isorakʼ darkha bagwan do Israel bõsren hoṛkoge; ar Jihudạren hoṛko do rạskạwanakʼ darkha nạ̃ṛĩge. Uni do hok bicạr reakʼe ńam baṛakeda menkhan mãyãme ńelkeda; uni do dhorom reakʼe ńam baṛakeda menkhan duk reakʼ rakʼe ańjomkeda.

Kạhtukko 30:9

Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.

Sereńko 78:36

Menkhan onko do unre mocateko luhum suhumkeda, ar alaṅte eṛe kathako roṛkeda.

Sereńko 18:21

Ente Probhu Isorakʼ horrege iń doń dãṛãn kana; bạṛicʼakʼ kạmikate ińren Isor khon bạń ocokʼ akana.

Josuạ 24:27

Ar sanam hoṛkoe metatʼkoa, “Niạ dhiri do abo upạrte goha leka tahena. Probhu Isor abo ṭhen okako kathae menakatʼ ona do niạ dhirigeye ańjom akada. Ar aperen Isorpe baṅe enḍekhan noa do ape upạrtege gohae ema.”

Jobakʼ 31:28

enḍekhan noako hõ ińakʼ sạjại ńam reakʼ kại kana, ente onate sermaren Isor bạń aṅgoc edekana.

Jesaea 10:1

Hae onko hoṛ do, okoe do behok reakʼ ạn oḍok kate ar eṛe dolil benaokate reṅgecʼ hoṛko akoakʼ ạidạri khonko ocokʼetʼko ar ińren santao ocokʼkan hoṛko hok reakʼ bicạr khonko tạkicʼetʼko, ar rạnḍi maejiu ar ṭũạrkoakʼ jinisko luṭetʼtako.

Jesaea 30:12

Ona iạte Israelren uni sonoticʼ do niạ kathae meneda, “Ape do ińakʼ kathape nihạ̃t akada, ar eṛe ar sasantaoko cetanrepe bhorsakʼkana.

Jesaea 58:2

Onko do dinke din ińko ńam baṛańkana ar ińakʼ hor bakʼḍae lạgitʼko rạskạkʼ kana; onko do nonkan jạtren kanako okoe do dhoromko kạmikante Isorakʼ ạn bako bạgiyakʼkan; onko do iń ṭhen dhorom bikʼcạrko khojkana jemon Isor ṭhen hijukʼ lạgitʼko rạskạkʼ.

Jesaea 58:9

Ar unre iń ṭhenpe koe lekhan iń doń ańjomtapea; ar goṛo ńam lạgitʼpe hohoạń khan doń mena, ‘nonḍege minạńa.’ “Ape ṭhen khon julumakʼ arãṛ, kạṭupʼte udukʼakʼ ar hiskạte perecʼ kathape bạgiyakʼ khan,

Jesaea 58:13

“Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Jirimiạ 12:8

Ińakʼ sompotti do birren mitʼṭen dhạcri kul leka hoyakana. Uni do iń ńelteye hạnḍrạukʼ kana, onate iń do uniń kurudae kana.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Jirimiạ 2:16

Ona chaḍa Noph ar Tahaphones nagraharen hoṛko hõ am akʼ bohokʼ khạpriko posakʼ akatʼtama.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Hosea 7:1

Ińren hoṛkoakʼ dosa tinre ạcur ruạṛtakoń mena, ar tinre Israel bogeye reakʼ iń khoja, unrege Ephrayimakʼ kại do ńelokʼkantaea ar Samariạwakʼ do behokakʼko sodorokʼkana. Onko doko ekʼṛegea, oṛakʼre kombṛo doe bolokʼkana ar ḍạkuko do bahrereko luṭjoṅ kana;