Jesaea 59:12 - সান্তালী বাইবেল

¹² E Probhu Isor, amakʼ mẽtʼre alaeakʼ behokakʼ do ḍhergetalea; aleakʼ kại do ale upạrte gohae emetʼkana. Aleakʼ bedhoromtetʼ do ale sãorege menakʼa ar aleakʼ ghạṭko reaṅ dole baḍaekangea.

Jesaea 59:12 Referans Kwoze

Esra 9:6

“E ińren Isor, am secʼ beṅgetʼ hõ lajaogeń ạikạueda, ente aleakʼ kại do aleakʼ bohokʼ cetan hara rakapʼ akantalea ar aleakʼ ghạṭ do sermae tiyạkʼ akada.

Hosea 5:5

Israelakʼ bạḍạige onko upạrte gohae emetʼkana; Ephrayim, se goṭa Israel do akoakʼ kại iạteko tohodokʼkana ar Jihudạ hõ onko sãoteye tohodotʼ bhindạṛokʼ kana.

Hosea 4:2

eken eṛe kiriạ, eṛe katha, khũn, kombṛo ar laṭghaṭ menakʼtakoa. Onko do ạn bako manaoeda ar mãyãm cetan mãyãmko joro ocoyetʼkana.

Jeheskel 5:6

Menkhan onakoren do ińakʼ ạnko upạrte bebạṛicʼko ṭhok akada, boṅgan hoṛ jạtrenko khon bạ̃ṛtige dusṭạmiko kạmi akatʼte, ar ińakʼ ạriko upạrte beṛhaeteakʼ disạmkorenko khon bạ̃ṛtige; ente ińakʼ ạnkoko phesṛao giḍi akada ar ińakʼ ạrikore hõ bako taṛamakada.

Jirimiạ 14:7

E Probhu Isor, aleakʼ kại do ale upạrteye gohayetʼre hõ enhõ amakʼ ńutum iạte jãhãnakʼ baṛe cekawaleme. Ale do ḍher dhao bạṛicʼ hortele sen akana; ar am upạrtele kại akada.

Jesaea 1:4

Hae! Onko do kạite perecʼ mitʼṭen jạtrenkoge, dusi reakʼ bojhate perecʼ hoṛge, behoketʼren bõskoge, bạṛicʼakʼ kạmiyetʼkan hoponkoge. Onko do Probhu Isorko bạgi giḍi akadaea ar Israelren uni sonoticʼko nihạ̃t akadea arko dea giḍi akadea.

Hosea 7:10

Israelakʼ bạḍại do uni upạrte gohae emetʼkana, menkhan noako hoykate hõ uni do acʼren Probhu Isor ṭhen bae ruạṛ hijukʼkana.

Jeheskel 7:23

“Sikṛi do ṭhik akaege menakʼa, ente disạmre mãyãm joro ocoete ar nagraha do santaote perecʼakana.

Jirimiạ 3:2

“Ceḍe ḍuṅgriko secʼ beṅgetʼ rakapʼkate ńelme. Nonkan jãhãn ṭhạ̃i menakʼa one onḍe bam laṭghaṭ akatʼ? Okoeko tulucʼem laṭghaṭ akatʼ onko lạgitʼ am do hor aṛerem duṛupʼkokʼ kan tahẽkana, hahaṅkarre mitʼṭen Arabi hoṛ lekam tãṛãkʼkokʼ kan tahẽkana. Amakʼ hirkhạwakʼ ar loṭghuṭikote disạm dom bhonḍ akada.

Jesaea 3:9

Unkinakʼ mẽtʼãhãge unkin upạrte gohae emetʼkana; unkin do Sodom reakʼ leka ạkinakʼ ghạṭkin sodoreda, ar bạkin danaṅkakʼ kana. Hae, onko hoṛko do! Onko do apnar cetanrege ghoṭnako paṛao ocoakada.

Nehemiạ 9:33

Am do ale cetanre okakom hoyocoakatʼ onate do bam behok akada; am do pạtiạr salakʼgem kạmi akada ar ale dole behok akada.

Esra 9:13

“Aleakʼ bạṛicʼ kạmi ar maraṅ ghạṭ iạtege ale cetanre niạko do hoyokʼkana, menkhan enhõ E aleren Isor, aleakʼ kại reakʼ kuṛại lekate am do thoṛagem sạjại akatʼlea ar aleren adomko hoṛ do jiwetʼem tahẽ ocoakatʼkoa.

Numeri 32:23

Menkhan bape onkae enḍekhan ape do Probhu Isor upạrtepe kạiya. Ar noa baḍaekakʼpe, ona iạte apeakʼ kại khon rehae do bape ńama.

Sereńko 51:3

Ińakʼ sanam ghạṭko reakʼ katha do disạ menakʼtińgea; ar ińakʼ kại do jaoge iń samaṅre menakʼa.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Habakkuk 1:4

Ạn-ạriko nijor idikʼkana ar dhorom reakʼ bicạr do baṅge hoyokʼkana. Dhorom hoṛko khon dusṭạmi hoṛkoakʼ ektiạrige ḍherokʼkante bicạr do ulṭạukʼkana.

Jesaea 64:4

Ona sedaeakʼ piṛhi khon am chaḍa ar jãhãe Isorakʼ katha do okoe hõ luturte bale ańjom akada, ar mẽtʼte hõ bale ńel akadea, one uni do acʼ ńeńelko lạgitʼe kạmiyetʼkan.

Jeheskel 7:16

Ar okoe jiwetʼko tahen arko ńir bańcaokʼ onko do jotoge buru boṭkocʼkoreko tahena ar mimitʼko do akoakʼ kại lạgitʼ buru nalaren potam lekako homor halaṅa.