Jesaea 58:8 - সান্তালী বাইবেল

⁸ Enḍekhan apeakʼ marsal do aṅga marsalokʼ leka jhak jhakokʼa ar usạratepe bogekʼa; apeakʼ dhorom do ape laha lahate calakʼa ar ińakʼ ṭhonok do ape tayomte rurukhiyạwakʼge hoyokʼa.

Jesaea 58:8 Referans Kwoze

Jesaea 52:12

Menkhan usạrate do alope oḍok hijukʼa se alope dạṛ ạguiya, ente Probhu Isor do ape laha lahateye calakʼa; ar Israelkoren Isorgeye samṭao idipea.

Jirimiạ 33:6

“Enhõ iń do napae hoṛmoteń dohoya ariń ran bogea; ińren hoṛkoń ran bogekoa ar sạriyakʼ reakʼ asambheṛ suluk nirại ar khạtirjoma iń khulạuakoa.

Sereńko 37:6

Unige amakʼ dhorom do marsal lekae jhak jhak ocoytama; ar amakʼ dhorom kạmiko do tikin reakʼ setoṅ lekae hoeocoya.

Jirimiạ 30:17

menkhan enhõ iń do amakʼ hoṛmoń ruạṛkakʼa ar amakʼ ghaokoń bogeytama.’ ”

Sereńko 85:13

Bedhorom do uni laha lahateye calakʼa; ar uniyakʼ taṛam lạgitʼ hore benao idiya.

Malaki 4:2

Menkhan ape okoe do ińpe botorạń kan ape cetanre iń do dhoromren siń candoń rakapʼ ocoyea uniyakʼ marsalre do phạphạriạwakʼge tahena. Ar ape do goṛa khon oḍok ạgukede mĩhũ lekape piḍgạu baṛaea.

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Exodus 14:19

Unre Isorren okoeṭakʼ goḍet do Israelko laha lahateye calakʼkan tahẽkan uni doe ạcurente onko tayom secʼe senena. Ar rimil khunṭi hõ onko samaṅ khon tayom secʼ ocokʼente Israelko ar misriko talare teṅgoyena. Onate misriko secʼ do ńutge ar Israelko secʼ do ńindạre hõ siń leka hoyena. Onkate misriko do goṭa ńindạ Israelko ṭhen bako hecʼsor daṛeada.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Sereńko 97:11

Isor botoraeko do jionre marsalko em ocokʼa, ar okoekoakʼ ontor khạṭige onkoakʼ jionre do rạskạko ńama.

Hosea 14:4

Probhu Isore meneda, “Ińge onko do bạṛicʼ hor khoniń ruạṛ ạgukoa ar jãhãn gokʼakʼ chaḍageń dulạṛkoa, ente ińakʼ edre do onko cetan khon ocokʼ akana.

Jobakʼ 11:17

Amakʼ jion do tikin khon hõ bạ̃ṛti marsalokʼa ar ńut do setakʼ bela leka hoyokʼa.

Jesaea 57:18

Manwakoakʼ hor doń ńelakatʼgea, ar enhõ onko doń bogekoa. Iń do onkoń ạyurkoa ar hirdạukʼkanko hõ jiwi raṛecʼiń danakoa.

Jesaea 30:26

Unre Probhu Isor do acʼren hoṛkoakʼ ghạlkoe bedhaotakoa ar ńẽtʼ ghaokoe bogeytakoa ar enhilokʼ ńindạ cando do siń cando leka marsale emokʼa, ar siń cando reakʼ marsal do eae dobṛa hoyokʼa.

Sereńko 112:4

Okoakʼ ontor khạṭige uni lạgitʼ do ńutre hõ marsalge tahena, ente uni do daya ar mãyãteye perecʼgea are dhoromgea.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

Aposkạmi 10:4

Kornelius doe botorente serma goḍet secʼ beṅgetʼkateye menkeda, “ Ma roṛme, E Probhu Isor.” Serma goḍete menkeda, “Amakʼ koejoṅ ar reṅgecʼ orecʼkom dan akokan reakʼ katha do sermate seṭer akana ar Isor do onae disạ dohoakada.

Mathae 13:15

Noko hoṛkoakʼ ontor do goṛdho akana ar lutur hõ tepetʼakan takoa, onko do mẽtʼ doko jạpitʼ akatʼtakoa, jemon mẽtʼte aloko ńeńel, luturte aloko ańjom ar ontorte aloko bujhạu, ar bogekʼ lạgitʼ iń ṭhen aloko ruạṛ hijukʼ.

Jesaea 26:2

Ape do phaṭok-duạrko jhijpe jemon dhorom ar pạtiạrko dohoyetʼ jạtrenkoko bolo daṛeakʼ.

Jesaea 33:24

Sionre girobasokʼ hoṛko do okoehõ bako mena, “Iń doń ruạkʼ kana.” Ar onḍe okoeko girobasokʼ onkoakʼ kại do ikạkʼtakoa.

Jesaea 60:1

Probhu Isore meneda, “E Jerusalem, Beretʼme, marsal emokʼme, ente amakʼ marsal do sor hecʼakana; Probhu Isorakʼ mạhima do marsale emam kana.

Jesaea 62:1

Sion ńutumte hape akan do bạń tahena, Jerusalem iạte thir akan hõ bạń tahena, tin hạbicʼ ona reakʼ dhoromtetʼ marsal leka baṅ jhak jhakoakʼ, ar ona reakʼ bańcaokʼ do jolokʼkan diuhe leka baṅ jolokʼ.

Kạhtukko 11:17

Dayakʼkan hoṛ do apnare bhạlạiyokʼ kana, menkhan kurmutạha hoṛ do apnarakʼe bạṛicʼeda.

Kạhtukko 11:25

Okoe lahe caheko emokʼ onko doko kisạ̃ṛokʼa; ar okoe eṭakʼkoe tirpit ocoko uni do acʼ hõe tirpit ocokʼa.

Jesaea 60:2

Ńelme, dhạrti do ńutte dapal akana ar boṅgan hoṛ jạtrenko cetanre do kaṛaṅ ńutge, menkhan Probhu Isor do am cetanre marsale emokʼa ar uniyakʼ mạhima do am cetanre sodorokʼa.