Jesaea 58:7 - সান্তালী বাইবেল

⁷ reṅgecʼ hoṛko apeakʼ jomakʼ khon hạṭińakope, ar asray bạnukʼtako hoṛko apeakʼ oṛakʼre asray emakope, jãhãe uluṅpe ńellekore kiricʼ horokʼakope, ar aperen peṛa pạrbhạko alope dea giḍikoa. Niạkope kạmi lekhan apeakʼ do sạriyakʼ reakʼ upạs hoyokʼtapea.

Jesaea 58:7 Referans Kwoze

Luk 3:11

Metatʼkoae, “Jãhãeakʼ barea aṅgrop menakʼtae khan, uni do bạnukʼtaeicʼe hạṭińaema. Ar jomakʼ menakʼtaeicʼ hõe onkaema.”

Jeheskel 18:7

ar okoehõ bae santaoetʼko bickom rin akatʼ hoṛ do bondhoke ruạṛkatae kan, ar bae kombṛoyetʼkan, menkhan reṅgecʼ hoṛko jomakʼe emakokan ar laṅgaṭkoe kicricʼetʼko,

Kạhtukko 28:27

Okoe hoṛ reṅgecʼ orecʼkoe danako uni do okulạnre bae paṛaokʼa, menkhan okoe onko ńelte mẽtʼe bedtae uni do ḍher sarape ńama.

Kạhtukko 25:21

Amren bạiri reṅgecʼlere jomakʼ emaeme, ar tetaṅlere ńũiyakʼ emaeme;

Jesaea 58:10

ar reṅgecʼ hoṛpe mãyãwako ar jomakʼpe emako, enḍekhan ńutrehõ apeakʼ marsal do jolokʼtapea ar ńindạ do tikin okte leka hoyokʼa.

Kạhtukko 22:9

Danetʼkan hoṛ okoe do acʼakʼ jomakʼ reakʼ bhag khon reṅgecʼ orecʼkoe emako kan uni do bhore ńama.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Philimon 1:7

E boeha, amakʼ dulạṛ ńelte iń do ạḍiń rạskạkʼ kana ar udgạuiń ńamakada, ente am do Isorren hoṛkoakʼ ontorre nãwãte udgạu monem sagen ocoakada.

Romiko lạgitʼ Pạul Apostolakʼ ciṭhi 12:13

Isorren hoṛko reṅgejokʼ oktere goṛowakope. Ar peṛakʼ gun dohojoṅpe.

Aposkạmi 16:34

Ona tayom uni do acʼakʼ oṛakʼte Pạul ar Silạse idiketʼkinte unkine jom-ńũ ocoketʼkinạ. Ar acʼ gharońjrenko do Isorreko biswạsente ạḍitetʼko rạskạyena.

Sereńko 112:9

Uni do chiṭiạukedae, reṅgecʼ orecʼkoe ematʼkoa; uniyakʼ dhorom do jaejug hạbicʼ tahenkana, uniyakʼ daṛe ar man do ḍher idikʼtaea.

Jobakʼ 22:7

Lorao akanko do dakʼ bam ńu ocoyetʼko tahẽkana; ar reṅgecʼ hoṛ hõ jomakʼ bam emako kan tahẽkana.

Luk 19:8

Ar Sakhae do onḍege teṅgokate Probhui metadea, “E Probhu, ińakʼ dhon-durib reakʼ adha do reṅgecʼ orecʼkoń emakokana ar jãhãegeń ṭhoka akatʼko khan enḍekhan ona reakʼ pon dobṛań ruạṛkatakokana.”

Nehemiạ 5:5

Ale do mitʼ jạtren hoṛkangeale ar aleren gidrạko hõ onkoren gidrạko leka kangeako enhõ aleren hoponko ar hoponerako do golam menkate emokʼ hoyokʼkantalea, ar aleren hoponerako modre adomko do laharege kạ̃ṛmĩko hoyakana. Ńitokʼ do cetʼ ektiạrige bạnukʼtalea, ente aleakʼ jaega-jumi ar darkha bagwan do eṭakʼ hoṛkoakʼ hoyakana.”

2 Bõsbudạ 28:15

Onko mukhiyạko do unre luṭ reakʼ jinisko khon kicricʼko hataokate bondi akanko modre okoe do uluṅgeko tahẽkan onko sanamko ematʼkoa. Onko do akoakʼ kicricʼko, jomakʼko ar panahekoko ematʼkoa ar onkoakʼ ghaokore sunume dulatʼtakoa. Ar laṅga akanko do gadhakore ladekate Jerikho, metakʼme Khijur nagrahate onkoren hoṛko ṭhenko ruạṛkatʼkoa. Tayomte onko do Samariạteko ruạṛ hecʼena.

Genesis 19:2

“Ńelben, laha secʼ do ar alo ben calakʼa dayakate abenren gutiyakʼ oṛakʼte bolokʼben ar ti jaṅga ạbukokʼte aṅga hạṭińokʼben. Ar ạḍi setakʼre beretʼkate arhõ calakʼ ben.” Unkin kin menkeda, “Baṅ, ạliń do noa nagraha reakʼ kulhirege liń tahẽ aṅgakʼa.”

Aposkạmi 16:15

Ar noate uni ar acʼ gharońjren sanamkogeko bạptisena. Inạ tayom uni do noa menkateye neotaketʼlea, “Probhu Isorre biswạs akanpe hudisedeń khan dela ińakʼ oṛakʼre hijukʼte tahenpe.” Ar noa katha menkate acʼakʼ oṛakʼteye idiketʼlea.

Genesis 19:14

Unre Lot do bahrete senkate acʼren okoe jãwãe goṅkekin hoyokʼ onkine metatʼkinạ, “Usạrate noa jaega khon dela oḍok hijukʼben, Probhu Isor do noa nagraha ḍahao marao lạgitʼe sapṛao akana.” Menkhan unkin dokin hudiskeda uni doe khiloḍ kana.

Bikʼcạrko 9:2

“Sikemren sanam hoṛko kulikope onko lạgitʼ bhageakʼ do okaṭakʼ hoyokʼa- Jerubakʼalren eaegel hoponge disạm cakʼlaokoko hoyokʼ bhage hoyokʼa, se mitʼ hoṛ hoyokʼge bhage hoyokʼa? Alope hiṛińa ińhõ apeakʼ mãyãm ar jelren kangeạń.”

Dosar Biboron 22:1

“Aperen Israel boeharen ḍaṅgra se uniren bhiḍi se merome sen atʼakanpe ńellekore hape akae alope tahena. Ape do uni ṭhenpe ruạṛ idikaea.

Kạhtukko 24:11

Okoe gujukʼ lạgitʼko idi ocokʼkan onko baṛe rukhiyạkom; ar khun ocokʼ lạgitʼ okoe kinḍạ manḍeko idi ocokʼkan onko hõ ruạṛ ạgukom.

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Kạhtukko 11:17

Dayakʼkan hoṛ do apnare bhạlạiyokʼ kana, menkhan kurmutạha hoṛ do apnarakʼe bạṛicʼeda.