Jesaea 58:13 - সান্তালী বাইবেল

¹³ “Jirạukʼ mãhãpe manao ar ińakʼ sonot dinre apnar tirpitokʼ lạgitʼ bape kạmi; menkhan jirạukʼ mãhã do hạ̃sakʼ ar Probhu Isorakʼ din do manotanakʼ mentepe bujhạu, ar apnar kusileka sen baṅkate ona dinpe sonot ar apeakʼ kusileka bape kạmi se bạṛicʼ kathako bape roṛ,

Jesaea 58:13 Referans Kwoze

Johan sodor 1:10

Probhu Isorakʼ dinre iń do Jiureń tahẽkana. Ar un jokhecʼ iń tayomre siṅgạ saḍe leka mitʼ hoṛakʼ aṛaṅiń ańjomkeda.

Sereńko 84:10

Eṭakʼ jaegare hajar din khemao khon amakʼ oṛakʼ reakʼ racare mitʼṭecʼ din khemaoge ḍher bhagea; bạṛicʼ hoṛkoakʼ tạmbure ḍerakʼ khon bickom ińren Isorakʼ duạr ṭhen teṅgo tahenge ḍher bhagea.

Sereńko 84:2

Ińakʼ jiwi do Probhu Isorakʼ oṛakʼ reakʼ raca ńel lạgitʼe chaṭ pahṭaokʼ kana, ar ona iạte ińakʼ jiwi do oḍokokʼ kana; jiwetʼ Isor lạgitʼ ińakʼ hoṛmo ar mon do rạskạteye andoṛeda.

Sereńko 42:4

Iń do rakʼ rakʼte tinreń andesalekʼ kana, unre disạ hecʼạń kana ḍher porobko manaoetʼkan hoṛko tulucʼ rạskạ ar sarhao sereńate iń do Isorakʼ oṛakʼteń calakʼkan tahẽkana.

Sereńko 122:1

Iń doń rạskạyena tinre hoṛkoko metadińạ, “Dela bon, Probhu Isorakʼ oṛakʼte bon calakʼa.”

Sereńko 27:4

Probhu Isor ṭhen mitʼṭecʼ iń nehõrokʼ kana; ar okaṭakʼ iń khojokʼ kan ona do niạge ińakʼ goṭa jionre jemon Probhu Isorakʼ oṛakʼreń tahẽdaṛeakʼ, ar uniyakʼ ṭhonokiń ńel daṛeakʼte ona mundilre uni reaṅiń dhen daṛeakʼ;

Exodus 35:2

Hapta reakʼ turui dinpe khaṭaokʼa menkhan eaeakʼ din do ape lạgitʼ mitʼṭecʼ begarakʼ din hoyokʼa, Probhu Isor ńutumte jirạukʼ dinge. Enhilokʼ okoeye kạmi uni doe gocʼ ocokʼa.

Exodus 35:3

Jirạukʼ mãhãre apeakʼ oṛakʼre seṅgel alope jola.”

Jesaea 55:8

Probhu Isore meneda, “Ińakʼ hudis joṅakʼko do apeakʼ hudisakʼko leka do baṅ kana; ar ińakʼ hor hõ apeakʼ horko leka do baṅkana.

Jesaea 59:13

Onako do hoyokʼkana, aleakʼ hul ar am baṅ aṅgocme, aleren Isor ṭhen khon sạṅgińte calakʼ, sasantao ar luṭ lạgitʼ uskạu ar mon khon eṛe katha phuṭạukate roṛ.

Levitikus 19:3

Aperen gogo-baba manotkope ar ińakʼ jirạukʼ mãhã manaope. Iń kangeạń aperen Probhu Isor do.

Jeheskel 44:24

“ ‘Jãhãn mambla hoylen khan naekeko do Hạkim reakʼko kạmiya ar ińakʼ hukum lekage onko doko bicạr phanḍaoa. Ar ińiń niṭ akatʼ sanam porobko lạgitʼ onko do ińakʼ ạn-ạri ar niạmko palona ar jirạukʼ mãhãko reakʼ sonottetʼko rukhiyạ dohoya.