Jesaea 58:11 - সান্তালী বাইবেল

¹¹ Iń Probhuge Isorge sanam ghạṛicʼ iń ạyurpea; ar khaṅgoṭ jaegakoreń tirpit ocopea ar hoṛmore daṛeń danapea. Ape do dakʼ ńametʼkan bagwan lekape hoyokʼa ar nonkan dakʼ jharnakope hoyokʼa ona do baṅge ańjedokʼa.

Jesaea 58:11 Referans Kwoze

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

Jirimiạ 31:12

Onko do hecʼkate Sion reakʼ cetan ṭhạ̃ireko rạskạkʼa; ar iń emakʼ ḍher anaj, nãwã darkha rasa, sunum, bhiḍi merom ar pal ḍaṅgrakoren hopon ńamkateko rạskạkʼa. Onko do bhage dakʼ ńamakʼ bagwan lekako hoyokʼa; onko do ar bako nijorokʼa.

Sereńko 32:8

Iń Probhu Isorge bud ar akeliń ema ma ar okaṭakʼ horte calakʼ hoyokʼtam onań udukʼama; ariń beṅgetʼama ariń solhawama.

Jesaea 49:10

Onko do baṅ reṅgecʼkoa, ar baṅ tetaṅkoa se hahaṅkar reakʼ lolo se siń cando reakʼ jharla jhạrli setoṅ hõ baṅ paṛaoakoa. Onko cetanre okoeye mãyãkʼkan unige hore udukʼakoa ar dakʼ jharna ṭhene ạyur idikoa.

Johan 16:13

Menkhan uni sạriyakʼren Jiu tinreye hijukʼa unre uni do hore udukʼapete sạriyakʼreye ạyurpea. Uni do acʼte bae roṛa, menkhan okaṭakʼe ańjom onageye roṛa ar okaṭakʼ hoyokʼ lạgidokʼ ona hõe baḍae ocopea.

Sereńko 25:9

Uni do nindhạnko dhorom horteye idikoa ar acʼakʼ hor reaṅe cetʼakoa.

Soros sereń 4:15

Am do bagwanko reakʼ jharna kanam, bhumbuk oḍokokʼ kan kũń dakʼ leka, Lebanon khon ạtu oḍokokʼ gaḍa hõ kanam.

Kạhtukko 11:25

Okoe lahe caheko emokʼ onko doko kisạ̃ṛokʼa; ar okoe eṭakʼkoe tirpit ocoko uni do acʼ hõe tirpit ocokʼa.

Kạhtukko 3:8

Inạ khan amakʼ hoṛmo lạgitʼ bhage hoyokʼa ar jaṅko hõ keṭejokʼtama.

Jeheskel 36:35

Onko doko mena, noa disạm do lahate maraolen tahẽkana, menkhan ńitokʼ ona do Eden bagwan leka hoyakana; ona reakʼ nagrahako do maraoakʼ, ujạṛakʼ ar jarkharakʼ hoylena, menkhan ńitokʼ do pạcrite esetʼ ar ḍerakʼ ṭhạ̃ige hoyakana.

Sereńko 92:14

Ar haṛam umạr hạbicʼ hõko jo bahakʼa; onko do soros ar purṭhạko hoyokʼa.

Hosea 13:5

Hahaṅkarre, ona rohoṛ disạmre iń do amiń ńel jutletʼmea.

Jirimiạ 17:8

Uni do dakʼ aṛere rohoe akan dare lekanae one ona reakʼ rehetʼ do gaḍa hạbicʼ ạtiń senokʼkan. Setoṅ din hecʼlenre uni do bae botorokʼa; uniyakʼ sakam do jao okte hạriạṛge tahentaea. Akal bochorre hõ bae dạndikʼa ar jao oktegeye jo bahakʼa.

Kạhtukko 28:25

Laloc menakʼtae hoṛ doe jhogṛakʼa, menkhan okoe Probhu Isorreye bhorsakʼ uni doe jo bahakʼa,

Sereńko 73:24

Amakʼ solhateyem calaoińạ ar sesre amakʼ ṭhonokreyem ataṅińạ.

Sereńko 48:14

Nui Isorge aboren do jaejugren Isor kanae; unige gujukʼ hạbicʼ horkoe udukʼ idiyabona.

Sereńko 37:19

Dukokʼ dinre onko do lajaore bako paṛaokʼa; ar akal dinkore onko do jomakʼko ńama.

Sereńko 33:19

jemon moron khon onkoakʼ jiwi rukhiyạkʼtako ar akalre jiwetʼe doho daṛeako.

Sereńko 107:9

Okoeyakʼ ontorre tetaṅ menakʼ uni doe ṭanḍha ocokedea, ar okoeyakʼ ontorre reṅgecʼ menakʼ onko do bhage bhage jiniskoteye tirpit ocoketʼkoa.

Jobakʼ 5:20

Akalre uni do gujukʼ khone rukhiyạmea, ar lạṛhạire tarwaṛe reakʼ ghạl khone bańcaomea.

1 Thessalonikikko 3:11

Ado aboren Isor Baba do acʼ ar aboren Probhu Jisu ape ṭhen calakʼ reakʼ hor jemone sạriạu ale.

Jesaea 61:11

Otre cetʼleka kahleko omon oḍokokʼ ar bagwanre cetʼleka erakʼko hõ janamokʼ onkage Probhu Isor do sanam jạtrenko samaṅre dhorom ar sarhao reakʼ kahleye omon ocoya.

Kạhtukko 13:4

Asketicʼ do ńam baṛaeye khoja menkhan cetʼge bae ńama, menkhan khaṭaokʼkan hoṛ do acʼakʼ khojokʼakʼ khon hõ ḍhere ńama.

Jesaea 33:16

Uni hoṛ do khạtirjomae girobasokʼa ar uniyakʼ asray do buru reakʼ gaṛkoge hoyokʼa. Uni do jomakʼe emocokʼa ar dakʼ hõ khạṭigeye ńama.

Johan 7:38

Ińre pạtiạukʼkạnicʼ do sonot sostor reakʼ katha leka uniyakʼ ontor khon jiwetʼ dakʼ reakʼ gaḍa ạtu oḍokokʼa.”

Jesaea 27:3

Iń Probhu Isorge ona doń ńel todarotetʼ kana; iń do jao okte onare dakʼ iń emakʼ kana. Ar okoehõ jemon ona aloko lokshantiń onate siń ńindạń horhoyeda.

Jesaea 41:17

“Reṅgecʼ ar nacarko do dakʼ reakʼko ńam baṛayeda, menkhan bako ńameda; tetaṅte alaṅ do sạkitʼ caba akantakoa. Menkhan iń Probhu Isorge onkoń roṛ ruạṛakoa; iń Israelren Isor do onko bạń bạgi giḍikoa.

Jesaea 57:18

Manwakoakʼ hor doń ńelakatʼgea, ar enhõ onko doń bogekoa. Iń do onkoń ạyurkoa ar hirdạukʼkanko hõ jiwi raṛecʼiń danakoa.

Jesaea 66:14

Noako ńelte apeakʼ ontor do rạskạkʼtapea ar ape do ghãs lekagepe hara rakabokʼa. Probhu Isorren guti do uniyakʼ daṛeko ńel ńama, ar uniren bạiriko do uniyakʼ edreko ńela.

Dosar Biboron 15:4

Aperen Probhu Isorakʼ kathare batao akanpe tahen ar teheń okako hukumiń emapekan ona reakʼpe moneyakʼ, enḍekhan ape modre okoehõ bape reṅgejokʼa, ente sompotti lekate okaṭakʼ disạm aperen Probhu Isore emape lạgidokʼkan uni do onḍe ạḍiye bhorapea.

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Sereńko 84:7

Calakʼ horre onko do daṛe cetan daṛeko ńameda; onko do Sionre Isor samaṅreko ńel ocokʼkana.

Jesaea 44:4

Onko do dakʼ tala reakʼ ghãs lekako sahre rakapʼa, dakʼ nalako aṛere bạisi dareko lekage.